Edwɛkpa ne kɛmɔ Luku hɛlɛle la 1:30 - BAEBOLO ANZƐƐ BULUKU NWUANZANWUANZA

³⁰ Nyamenle soanvolɛ ne zele ye kɛ, “Mɛle, mmasulo, ɔluakɛ Nyamenle ɛlo wɔ kpole.

Edwɛkpa ne kɛmɔ Luku hɛlɛle la 1:30 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:8

Noko Nowa ɛdeɛ, Ɛdɛnkɛma hulole ye.

Ayezaya Buluku ne 41:10

Bɛmmasulo, ɔluakɛ me nee bɛ lua; bɛmmamaa bɛ ahonle tu, medame a mele bɛ Nyamenle a. Mebamaa bɛ anwosesebɛ, mebaboa bɛ, mebava me konimlilɛ tumi ɛsalɛ ne meazɔ bɛ.

Ayezaya Buluku ne 41:14

Ɛdɛnkɛma se, “Gyekɔbo abo zo amra, Yizilayɛma, mɔɔ bɛ anwosesebɛ le kɛ sone a, bɛmmasulo! Mebaboa bɛ, bɛ Kpɔnevolɛ a le Yizilayɛ Nwuanzanwuanza Ko ne.

Ayezaya Buluku ne 44:2

Medame Ɛdɛnkɛma mɔɔ membɔle bɛ, mengyehyɛle bɛ bɛ nli mɔ akunlu la mese: Mebaboa bɛ; bɛmmasulo, me sonvolɛ Gyekɔbo abo zo amra; bɛmɛ a bɛle menli mɔɔ mekpa nu meye bɛ a.

Edwɛkpa ne kɛmɔ Mateyu hɛlɛle la 14:27

Na ɛkɛ ne ala Gyisɛse zele bɛ kɛ, “Bɛmmasulo, bɛha bɛ ahonle bɛdo azule nu na medame ɔ.”

Edwɛkpa ne kɛmɔ Mateyu hɛlɛle la 28:5

Na Nyamenle soanvolɛ ne zele mraalɛ ne mɔ kɛ, “Bɛmmasulo, meze kɛ bɛkpondɛ Gyisɛse mɔɔ bɛbɔle ye meanubaka nu la.

Edwɛkpa ne kɛmɔ Luku hɛlɛle la 1:13

Nyamenle soanvolɛ ne zele ye kɛ, “Zɛkalaya, mmasulo! Nyamenle ɛde wɔ nzɛlɛlɛ ne, ɛ ye Ɛlezabɛte bawo ralɛ nrenya, na ɛbavɛlɛ ye Dwɔn.

Edwɛkpa ne kɛmɔ Luku hɛlɛle la 12:32

“Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.

Ɛzoanvolɛma Gyima ne 27:24

na ɔzele me kɛ, ‘Pɔɔlo, mmasulo, na ɔwɔ kɛ ɛgyinla Maanle Maanle belemgbunli ne anyunlu. Ɔlua zo Nyamenle ɛva bɛdabɛ mɔɔ bɛ nee wɔ lua nyevile ye anye la amuala ngoane ɛhyɛ wɔ.’

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Kɛlata mɔɔ bɛhɛlɛle bɛhɔmanle Hibuluma la 13:6

Zɔhane ati, yɛkola yɛsi yɛ kɛnra yɛka kɛ, “Awulae le me boavolɛ, menrɛzulo ɛhwee. Duzu yɛɛ sonla kola yɛ me a?”