Edwɛkpa ne kɛmɔ Luku hɛlɛle la 1:22 - BAEBOLO ANZƐƐ BULUKU NWUANZANWUANZA

²² Nzinlii mɔɔ ɔvindele la, yeangola yeandendɛ yeangile bɛ, ɔvale ɔ sa a ɔyɛle sɛkɛlɛneɛ ɔhilele bɛ a, na bɛnyianle adwenle kɛ yenwu ɛnyelɛzodeɛnwunlɛ bie wɔ Ɛzonlenlɛ Sua ne anu.

Edwɛkpa ne kɛmɔ Luku hɛlɛle la 1:22 ပူးပေါင်းရင်းမြစ်များ

Yizikeɛle Buluku ne 3:26

Mebamaa ɛ tafinlima abutu na wɔadɔ mumule mɔɔ ɛnrɛhola tendɛ na wɔabɔ bɛ kɔkɔ a, ɔboalekɛ bɛle atuadelɛma.

Edwɛkpa ne kɛmɔ Luku hɛlɛle la 1:21

Menli ne hendɛle dedee na Zɛkalaya ɛmba la, ɔyɛle bɛ azibɛnwo kɛ yehyɛ Ɛzonlenlɛ Sua ne anu zɛhae a.

Edwɛkpa ne kɛmɔ Luku hɛlɛle la 1:23

Mɔɔ ye ɛzonlenlɛ gyima mekɛ ne wiele la, ɔhɔle ye sua nu.

Edwɛkpa ne kɛmɔ Luku hɛlɛle la 1:62

Yemɔti bɛyɛle sɛkɛlɛneɛ bɛhilele ɔ ze bɛbizale ye duma holɛ ko mɔɔ ɔkulo kɛ bɛfa bɛfɛlɛ kakula ne la.

Dw 13:24

Yemɔti Saemɔn Pita bɔle ɔ nye hilele ye kɛ, “Biza ye ahenle mɔɔ ɔlɛka ɔ nwo edwɛkɛ la.”

Ɛzoanvolɛma Gyima ne 12:17

Ɔmanle ɔ sa zo kɛ bɛyɛ koonwu, na ɔhanle kɛ Awulae zile yele ye wɔ efiade ne la ɔhilele bɛ. Ɔzele bɛ kɛ, “Bɛha bɛhile Gyemise nee mediema mɔɔ ɛha la amuala,” na ɔvindele ɔhɔle.

Ɛzoanvolɛma Gyima ne 19:33

Bɛ nuhua bie mɔ dwenlenle kɛ Alɛzanda a di nzakadolɛ ne anwo ɛzonle a, ɔluakɛ Dwuuma bie mɔ mɔɔ wɔ ɛkɛ ne la ɛzuhuzuhu ye dedee bɛmaa yeragyinla ɛlɔne ne anyunlu. Alɛzanda bobole bɛ kɛ bɛyɛ koonwu, na ɔyɛle kɛ ɔtendɛ yeahile bɛ.

Ɛzoanvolɛma Gyima ne 21:40

Na sogyama kpanyinli ne manle ye adenle kɛ ɔdendɛ. Na Pɔɔlo gyinlanle kpolike ne azo, ɔmanle ɔ sa zo ɔbobole menli ne. Mɔɔ bɛ muala bɛyɛle koonwu kpalɛ la, Pɔɔlo dendɛle Hibulu aneɛ nu hilele bɛ zele kɛ,