Edwɛkpa ne kɛmɔ Luku hɛlɛle la 1:18 - BAEBOLO ANZƐƐ BULUKU NWUANZANWUANZA

¹⁸ Zɛkalaya bizale Nyamenle soanvolɛ ne kɛ, “Kɛkala mɔɔ me nee me ye yɛwie mrelera yɛ la, ɛnee kɛ ɔkɛyɛ na meanwu ɛhye nɔhalɛ ɛ?”

Edwɛkpa ne kɛmɔ Luku hɛlɛle la 1:18 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:8

Na Ebilam bizale kɛ, “O Awulae Nyamenle, na kɛ menwɔzi menwɔyɛ na meanwu kɛ azɛlɛ ne bayɛ me ɛdeɛ ɛ?”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:17

Ebileham dule dɔle mutule nu zelele na ɔbizale ɔ nwo kɛ, “Asoo nrenya mɔɔ ɛli ɛvolɛ ɛya la bahola awo ralɛ? Asoo Sɛla mɔɔ ɛli ɛvolɛ abulahɔnla la bawo ralɛ?”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:12

Yemɔti Sɛla zelele na ɔbizale ɔ nwo kɛ, “Asoo kɛkala mɔɔ mewie ɛrelera yɛ, na me hu ɔdaye yeyɛ ɛrelera la, yɛɛ akee mebalie me nye a?”

2 Arl 7:2

Na belemgbunli sonvolɛ ne mɔɔ nee ye lua la zele Yilaehya kɛ, “Ɛhye, yemɔ tafela. Saa Ɛdɛnkɛma mumua ne tukuedukue anwuma nvɛnzɛlɛ bɔbɔ a, ɔnrɛzi zɔhane ɛlɛ.” Yilaehya buale kɛ, “Ɛ nye banwu ye na ɛnrɛli bie.”

Ayezaya Buluku ne 38:22

Hɛzikaya bizale kɛ, “Duzu sɛkɛlɛneɛ yɛɛ bahile kɛ Ɛdɛnkɛma bayɛ me ayile na meahɔ Ɛdɛnkɛma Ɛzonlenlɛ Sua ne anu a?”

Edwɛkpa ne kɛmɔ Luku hɛlɛle la 1:34

Mɛle hanle hilele Nyamenle soanvolɛ ne kɛ, “Yɛmenle, menze nrenya, na kɛ ɔkɛyɛ na ɛhye ayɛ ɛkɛ ɛ?”

Edwɛkpa ne kɛmɔ Luku hɛlɛle la 1:7

Bɛnlɛ ralɛ, ɔluakɛ ɛnee Ɛlezabɛte le mota, yɛɛ bɛ mu nwiɔ bɛwie mrelera yɛ.

Wulo 4:19

Ɛnee yeli ɛvolɛ asɛɛ ɛya, noko ye diedi andɔ sinli, kɛmɔ ɔnea a ɛnee asɛɛ yewu, na ɔ ye Sɛla le mota la.