Edwɛkpa ne kɛmɔ Luku hɛlɛle la 1:17 - BAEBOLO ANZƐƐ BULUKU NWUANZANWUANZA

¹⁷ Ɔbalumua Awulae anyunlu wɔ sunsum nee tumi nu kɛ Nyamenle kpɔmanvolɛ Yilaegya la. Ɔbamaa selɛma nee bɛ mra abɔ nu bieko; ɔbamaa anzosesebɛma azia arava Nyamenle adenle fɔɔnwo ne azo, na yeaziezie Awulae menli ne yeamaa ye.”

Edwɛkpa ne kɛmɔ Luku hɛlɛle la 1:17 ပူးပေါင်းရင်းမြစ်များ

1 Arl 17:1

Akee Yilaegya mɔɔ vi Tehyebi mɔɔ wɔ Geleade maanle nu la hanle hilele Ehabe kɛ, “Meka Ɛdɛnkɛma, Yizilayɛ tease Nyamenle ne mɔɔ mesonle ye la, kɛ ɛbɔlɛ anzɛɛ ezule ɛnrɛdɔ ɛvolɛ kɛyɛ nsa ye anu kɔkpula mekɛ mɔɔ menwɔye me nloa la.”

1 Arl 18:18

Yilaegya buale kɛ, “Tɛ mame a megyegye Yizilayɛma a. Wɔmɔ, nee ɛ ze sua nu amra a ɛgyegye Yizilayɛma a. Ɔluakɛ bɛzie Nyamenle mɛla ne ahane na bɛhɔli awozonle Beeyale ne mɔ anzi.

1 Arl 21:20

Ehabe nwunle Yilaegya ala la ɔhanle kɛ, “Hue e! Me kpɔvolɛ ɛvinde me.” Yilaegya buale ye kɛ, “Ɛhɛe, mevinde wɔ! Ɔboalekɛ wɔbɔ kpɔkɛ kɛ wɔmɔ, amumuyɛ ala a ɛyɛ wɔatia Ɛdɛnkɛma a.

2 Arl 1:16

“Kɛ Ɛdɛnkɛma se la ɛne, ‘Kɛmɔ wɔzoa menli kɛ bɛhɔ Ɛkelɔn bozonle Beeyalezibɛbe ɛkɛ bɛhɔbiza ɛ nwo la, ɛnee ɛnea a Nyamenle ɛnle Yizilayɛ ɔ? Zɔhane ati ɛvi wɔ anwonyane ne anu ɛnrɛdwazo, ɛbawu.’ ”

1 Edk 29:18

Yɛ nlenya mɔ Ebileham, Ayezeke, nee Gyekɔbo Ɛdɛnkɛma Nyamenle, maa tunwomaa sunsum ye mɔɔ menli ye ɛnyia ye la ɛdɛnla bɛ nu dahuu na ɔnyi, na maa bɛli nɔhalɛ bɛmaa wɔ.

2 Edk 29:36

Na Belemgbunli Hɛzikaya nee menli ne amuala anye liele wɔ mɔɔ Nyamenle ɛyɛ ɛmaa menli ne la anwo, ɔluakɛ gyima zɛhae mɔɔ bɛlile la zenle waa.

Edwɛndolɛ Buluku ne 10:17

O Ɛdɛnkɛma, tie bɛlɛvoma nzɛlɛlɛ, si bɛ ahonle; gyele ɛ nzo tie bɛ.

Edwɛndolɛ Buluku ne 111:10

Ɛdɛnkɛma ɛzulolɛ le nrɛlɛbɛ bo ɛbɔlɛ; bɛdabɛ mɔɔ bɛlɛ ndelebɛbo kpalɛ la a le bɛdabɛ mɔɔ bɛyɛ tieyɛ la. Ye ayɛlɛyelɛ wɔ ɛkɛ ne dahuu.

Edwɛndolɛ Buluku ne 78:8

amaa bɛanyɛ kɛ bɛ nlenya mɔ, bɛanyɛ awolɛndoazo atuadelɛma nee anzosesebɛ; awolɛndoazo mɔɔ ɛnnea ɛleka ko, mɔɔ ɛnli nɔhalɛ ɛmmaa Nyamenle la.

Ayezaya Buluku ne 29:24

Bɛdabɛ mɔɔ sunsum nu bɛfo la bade ɔ bo, na bɛdabɛ mɔɔ bɛtendɛ bɛ nzo abo la balie ngilehilelɛ ne ado nu.”

Emɔzo Buluku ne 4:12

Yemɔti O Yizilayɛma, mɔɔ mebava meayɛ bɛ la ɛne. Kɛmɔ mebayɛ ɛhye la ati, bɛboɔboa bɛ nwo bɛrayia medame, bɛ Nyamenle ne!”

Edwɛkpa ne kɛmɔ Mateyu hɛlɛle la 11:14

na saa bɛkɛlie bɛkɛli a, anrɛɛ mese, Dwɔn a le Yilaegya ne mɔɔ bɛhanle ye edwɛkɛ kɛ ɔbara la.

Edwɛkpa ne kɛmɔ Mateyu hɛlɛle la 14:4

ɔluakɛ Dwɔn hanle hilele ye fane dɔɔnwo kɛ, “Ɔnle amaamuo kpalɛ kɛ ɛkɛgya Hɛlɔdease.”

Edwɛkpa ne kɛmɔ Mateyu hɛlɛle la 3:3

Dwɔn ɛhye a Nyamenle kpɔmanvolɛ Ayezaya hanle ɔ nwo edwɛkɛ kɛ, “Awie ɛlɛtea nu wɔ fienemgbole ne anu kɛ, ‘Bɛziezie Awulae adenle ne, bɛdenrɛdenrɛ ye ndenle ne mɔ.’ ”

Edwɛkpa ne kɛmɔ Mateyu hɛlɛle la 3:4

Dwɔn wula tɛladeɛ mɔɔ bɛva afunlumu enrinli a bɛnwo la, na yeva nwoma akyeso yehye ɔ nze zo, yɛɛ ye aleɛ a le abɛbɛ nee wolɛ.

Edwɛkpa ne kɛmɔ Luku hɛlɛle la 1:16

Na ɔbahwe Yizilayɛma dɔɔnwo yeamaa bɛazia bɛara Awulae bɛ Nyamenle ne ɛkɛ.

Edwɛkpa ne kɛmɔ Luku hɛlɛle la 1:76

“Na wɔmɔ, me awolɛ, bɛbavɛlɛ wɔ Anwuma Anwuma Nyamenle ne kpɔmanvolɛ, ɔluakɛ ɛbalumua Awulae anyunlu wɔahɔziezie ye ndenle ne mɔ,

Dw 1:13

mɔɔ bɛanlua nwonane nee mogya ngyehyɛlɛ zo a bɛwole bɛ na bɛarayɛ Nyamenle amra a, ɔluakɛ Nyamenle ɔdaye a ɔle bɛ ze a.

Dw 1:34

Na mese, menwu ye, na meka meahile bɛ kɛ, nrenya ɛhye, yemɔ a ɔle Nyamenle Ara ne a.”

Dw 3:28

Bɛdabɛ bɛdi daselɛ kɛ menganle kɛ, ‘Tɛ me a mele Mɛzaya ne, na bɛzoanle me kɛ menlumua ɔ nyunlu.’

Ɛzoanvolɛma Gyima ne 10:33

Ɛhye ati a menzoanle kɛ bɛrava wɔ a, yɛɛ ɛdawɔ noko wɔandwenlehwenle ɛ bo aze na wɔra a. Yemɔti yɛ muala yɛyia wɔ Nyamenle anyunlu ɛke kɛ yɛtie mɔɔ Awulae ɛva ɛmaa wɔ kɛ ɛraha ɛhile yɛ la.”

Wulo 9:23

Eza noko ɔkulo kɛ ye anyunlunyia ne da ɛkɛ, na ɔwola ɔgua yɛdayɛ mɔɔ ɔwɔ kɛ ɔnwu yɛ anwunvɔne, na yeziezie yɛ kɛ yɛnyia ye anyunlunyia ne la anwo zo.

Kɔlɔ 1:12

na bɛava fɛlɛkolilɛ bɛayɛ Selɛ ne mɔɔ ɛmaa bɛfɛta kɛ bɛ nee ye menli ne kɛbɔ nu kɛdɛnla ye wienyi ne anu la mo.

2 Tem 2:21

Saa awie twe ɔ nwo fi ninyɛne evinli nwo a, ɔkɛyɛ kɛ ɛyɛba mɔɔ anwo hyia na bɛde nwolɛ bɛmaa Nyamenle, na ɔ nwo ɛra nvasoɛ ɛmaa ɔ menle na bɛziezie ye kɛ bɛfa bɛayɛ gyima kpalɛ la.

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

1 Dw 2:28

Akee me mra ngakula, bɛ nee Kelaese ɛyɛ ko ɛdɛnla, amaa saa Kenle ne dwu na ɔye ɔ nyunlu a yɛazi pi na yɛanva nyiane yɛangɔnwenwe ɛleka bie.

Yekile 20:4

Eza menwunle arelemgbunli mbia, na bɛmanle bɛdabɛ mɔɔ bɛdede zolɛ la tumi kɛ bɛbua ndɛne. Menwunle bɛdabɛ noko mɔɔ ɔluakɛ bɛbɔle Nyamenle Edwɛkpa ne nee nɔhalɛ ne mɔɔ Gyisɛse yele hilele la nolo la ati bɛhunle bɛ la ɛkɛla ne mɔ. Bɛanzonle nane ne anzɛɛ ye ananze ne, yɛɛ bɛanyɛ bɛ nane ne nzonlɛ ne bie wɔ bɛ nwoma azo anzɛɛ bɛ sa anwo. Menli ɛhye mɔ ziale rale ngoane nu bieko na bɛ nee Kelaese lile belemgbunli ɛvolɛ apenle.

1 Sam 7:5

Akee Samoɛle zele Yizilayɛma kɛ, “Bɛ kɔsɔɔti bɛhɔyia Mezepa na mebazɛlɛ Ɛdɛnkɛma meamaa bɛ.”