Edwɛkpa ne kɛmɔ Luku hɛlɛle la 1:11 - BAEBOLO ANZƐƐ BULUKU NWUANZANWUANZA

¹¹ Arɛlevilɛ nu ala Nyamenle soanvolɛ bie yele ɔ nwo hilele ye, ɔragyinlanle azukponle ne fema zo, ɛleka mɔɔ bɛkpu ɛyɛlɛ ne la.

Edwɛkpa ne kɛmɔ Luku hɛlɛle la 1:11 ပူးပေါင်းရင်းမြစ်များ

Sɛlɛ 16:13

Ɛkɛ ne, ɔbava ɛyɛlɛ ne yeagua senle ne anu wɔ Ɛdɛnkɛma anyunlu, amaa ɛyɛlɛ ne esike ne aheda Anwunvɔnezelɛ Ebia ne mɔɔ dua Ngyekyeleɛ Ɛlɛka ne azo la azo, amaa yeannwu ye na yeawu.

Edwɛkpa ne kɛmɔ Luku hɛlɛle la 1:19

Nyamenle soanvolɛ ne buale kɛ, “Mame a mele Nyamenle soanvolɛ kpanyinli ne mɔɔ bɛfɛlɛ ye Geebeleɛle la. Mame a megyi Nyamenle anyunlu a, yɛɛ yezoa me kɛ menva nrɛlaleɛ fɛlɛko ɛhye membɛlɛ wɔ a.

Edwɛkpa ne kɛmɔ Luku hɛlɛle la 1:28

Nyamenle soanvolɛ ne rale ɔ nwo ɛkɛ ne na ɔzele ye kɛ, “Ɔmɔ mɔɔ Nyamenle ɛlo wɔ a, ahye o! Awulae nee wɔ de, na yeyila wɔ kpole!”

Edwɛkpa ne kɛmɔ Luku hɛlɛle la 2:10

Nyamenle soanvolɛ ne zele bɛ kɛ, “Bɛmmasulo! Melɛ amaneɛ kpalɛ melɛbɛlɛ bɛ, mɔɔ bamaa fɛlɛkolilɛ kpole aha menli kɔsɔɔti a.

Edwɛkpa ne kɛmɔ Luku hɛlɛle la 2:9

Nyamenle soanvolɛ vindele bɛ nwo ɛkɛ ne, na Awulae anyunlunyia ne dale bɛ nwo zo manle ɛzulolɛ kpole hanle bɛ.

Ɛzoanvolɛma Gyima ne 5:19

Na kenle ko ne nɔe ne, Awulae soanvolɛ rabukele efiade ne nlenkɛ ne mɔ na ɔvale bɛ ɔvindele na ɔzele bɛ kɛ,

Kɛlata mɔɔ bɛhɛlɛle bɛhɔmanle Hibuluma la 1:14

Ɛnee Nyamenle soanvolɛma a le nwane mɔ? Bɛmɛ a le sunsum bie mɔ mɔɔ sonle Nyamenle na ɔsoɔzoa bɛ ɔmaa bɛkɔboa bɛdabɛ mɔɔ ɔwɔ kɛ bɛnyia ngoane la.

Yekile 9:13

Nyamenle soanvolɛ ne mɔɔ tɔ zolɛ nsia la bɔle ye aweɛne tendenle ne. Na mendele kɛ ɛnelɛ bie vi ezukoa azukponle ne mɔɔ wɔ Nyamenle anyunlu ɛkɛ ne la mgbɛnezo nna ne mɔ anu vindele.

Maanlebuvolɛma Buluku ne 13:3

Ɛdɛnkɛma soanvolɛ yele ɔ nwo hilele raalɛ ne na ɔzele ye kɛ, “Wɔmɔ, ɛle mota; ɛtɛwole ralɛ ɛlɛ. Ɛbava ɛkolɛ na wɔawo ralɛ nrenya.

Maanlebuvolɛma Buluku ne 13:9

Nyamenle diele Manowa nzɛlɛlɛ ne. Na mekɛ mɔɔ ɛnee raalɛ ne wɔ ye ɛya nu la, Nyamenle soanvolɛ ne ziale rale ɔ nwo ɛkɛ ne bieko. Ɛnee ɔ hu Manowa ɛnle ɔ nwo ɛkɛ.