Dwɔhyua Buluku ne 9:27 - BAEBOLO ANZƐƐ BULUKU NWUANZANWUANZA

²⁷ Na ɔyɛle bɛ ahanra ɔmanle bɛzoale ɛyɛne nee nzule bɛmanle Yizilayɛma na bɛvale bie bɛhɔle ɛleka mɔɔ Ɛdɛnkɛma azukponle ne wɔ la. Ɛnɛ nee ɛnɛ ala bɛtɛdi zɔhane gyima ne wɔ ɛleka mɔɔ Ɛdɛnkɛma kɛhile kɛ bɛzonle ye la.

Dwɔhyua Buluku ne 9:27 ပူးပေါင်းရင်းမြစ်များ

2 Edk 2:16

Yɛbapɛ mbaka dodo biala mɔɔ ɛkpondɛ wɔ Lɛbanɔn la, na yeakyekye bɛ avile yeava yɛalua nyevile nye yɛara Dwɔpa, na wɔarava wɔahɔ Gyɛlusalɛm.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:28

Ɛlɔnema ne afoa nu ɛdeɛ ne, die nwolɛ adwule maa Ɛdɛnkɛma. Menli ɛya nnu biala, bɛye nuhua sonla ko, zɔhane ala yɛɛ bɛyɛ nlankɛ, asoaso, mboane, yɛɛ mbɔnkye ne mɔ a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:30

Yizilayɛma mɔɔ ɛha la afoa nu ɛdeɛ ne, menli abulanlu biala, bɛye nuhua ko, zɔhane ala yɛɛ bɛyɛ nlankɛ, asoaso, mboane, yɛɛ mbɔnkye ne mɔ a. Bɛva bɛmaa Livaema mɔɔ nea Ɛdɛnkɛma Ndanlɛ Sua ne la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:47

Na kɛmɔ Ɛdɛnkɛma zele la, Mosisi vale menli abulanlu biala anu ko yɛɛ nyɛmoa abulanlu biala anu ko manle Livaema mɔɔ nea Ɛdɛnkɛma Ndanlɛ Sua ne la.

Mɛla 12:11

yɛɛ bɛbahɔ ɛleka mɔɔ ɔdaye Ɛdɛnkɛma bɛ Nyamenle ne kɛhile kɛ bɛva ye duma bɛvɛlɛ ye la, na bɛahɔzonle a. Ɛkɛ ne yɛɛ bɛbava mɔɔ meha mehile bɛ la amuala: bɛ ɛyelalɛ azubɔlɛ ninyɛne, bɛ azubɔlɛ ngakyile ne mɔ ninyɛne, bɛ ngyɛnu bulu ɛkpɔ ngoko ne mɔ, bɛ ahyɛlɛ ninyɛne nee bɛ ɛwɔkɛ mɔɔ bɛbɔ Ɛdɛnkɛma la ɛyelɛ kɔsɔɔti bɛahɔ a.

Mɛla 12:14

Bɛbava bɛahɔ ɛleka ne mɔɔ Ɛdɛnkɛma kɛnlea mbusua ekpunli ekpunli ne mɔ anu kɛye la ala. Ɛkɛ ne yɛɛ bɛbabɔ bɛ ɛyelalɛ azu ne mɔ na bɛayɛ mɔɔ melɛka meahile bɛ la a.

Mɛla 12:5

Ɛdɛnkɛma bɛ Nyamenle ne banlea aye ɛleka ko avi bɛ mbusua ekpunli ekpunli ne azɛlɛ ne mɔ anu, na yeava ye duma yeado zolɛ, yɛadɛnla ɛkɛ, na ɛkɛ ne yɛɛ ɔwɔ kɛ bɛkɔ bɛkɔsonle ye a.

Dwɔhyua Buluku ne 9:21

Na mgbanyima ne mɔ zuzule kɛ, “Bɛmaa bɛnyia bɛ ti na bɛzoa ɛyɛne nee nzule bɛmaa yɛ.” Yemɔti menli ne kponlenle na bɛmanle Gebɛyɔnoma zonlenle bɛ.

Dwɔhyua Buluku ne 9:26

Zɔhane ati Dwɔhyua bɔle bɛ nwo bane na yeammaa Yizilayɛma adenle yeammaa bɛangu bɛ.