Dwɔhyua Buluku ne 9:21 - BAEBOLO ANZƐƐ BULUKU NWUANZANWUANZA

²¹ Na mgbanyima ne mɔ zuzule kɛ, “Bɛmaa bɛnyia bɛ ti na bɛzoa ɛyɛne nee nzule bɛmaa yɛ.” Yemɔti menli ne kponlenle na bɛmanle Gebɛyɔnoma zonlenle bɛ.

Dwɔhyua Buluku ne 9:21 ပူးပေါင်းရင်းမြစ်များ

Gyɛlɛmaya Buluku ne 46:22

Yigyibiti twolo kɛ ɛwɔlɛ mɔɔ ɛlɛtwenle ɔ nwo ahɔ la, ɔluakɛ ye kpɔvolɛma tia kilikili ba ɔ nwo zo; bɛfa akuma bɛba ɔ nwo zo kɛ menli mɔɔ bu mbaka la.

Mɛla 29:10

“Ɛnɛ bɛ muala bɛgyi Ɛdɛnkɛma bɛ Nyamenle ne anyunlu ɛke, bɛ mbusua ekpunli ekpunli ne mɔ mgbanyinli, maanle mgbanyima, bɛ mbɔlɔba mgbanyinli, Yizilayɛma kɔsɔɔti,

Mɛla 29:11

bɛ mra, bɛ ye mɔ, nyɛvolɛ mɔɔ wɔ bɛ avinli ɛke, sonvolɛma mɔɔ soa ɛyɛne nee mɔɔ soa nzule, bɛ kɔsɔɔti bɛra,

Dwɔhyua Buluku ne 10:1

Gyɛlusalɛm Belemgbunli Adonaezidɛke dele kɛ Dwɔhyua ɛho ɛva Eyae, yebɔ sua ne bɔkɔɔ na yehu ye belemgbunli ne, kɛmɔ ɔyɛle Gyɛleko nee ye belemgbunli ne la. Eza ɔdele kɛ Gebɛyɔnoma nee Yizilayɛma ɛyɛ anzonudwolɛ ngyehyɛlɛ na ɔlua zolɛ Gebɛyɔnoma nee bɛ a de a.

Dwɔhyua Buluku ne 9:15

Dwɔhyua nee Gebɛyɔnoma ne yɛle anzonudwolɛ ngyehyɛlɛ mɔɔ bamaa bɛadɛnla ngoane nu a. Yizilayɛma mgbanyinli ne mɔ hanle ndane kɛ bɛkɛli ngyehyɛlɛ ne azo.

Dwɔhyua Buluku ne 9:20

Ɔlua yɛ ɛwɔkɛ mɔɔ yɛbɔ bɛ la ati, ɔwɔ kɛ bɛnyia bɛ ti. Saa yeanyɛ ye zɔhane a Nyamenle badea yɛ.”

Dwɔhyua Buluku ne 9:23

Mɔɔ bɛyɛ la, Nyamenle ɛbua bɛ ewule fɔlɛ ɛwie. Bɛ menli ne mɔ bayɛ ahanra dahuu azoa ɛyɛne nee nzule ahɔ me Nyamenle ne sua nu.”

Dwɔhyua Buluku ne 9:27

Na ɔyɛle bɛ ahanra ɔmanle bɛzoale ɛyɛne nee nzule bɛmanle Yizilayɛma na bɛvale bie bɛhɔle ɛleka mɔɔ Ɛdɛnkɛma azukponle ne wɔ la. Ɛnɛ nee ɛnɛ ala bɛtɛdi zɔhane gyima ne wɔ ɛleka mɔɔ Ɛdɛnkɛma kɛhile kɛ bɛzonle ye la.