Dwɔhyua Buluku ne 9:14 - BAEBOLO ANZƐƐ BULUKU NWUANZANWUANZA

¹⁴ Yizilayɛma ne liele nyɛvolɛ ne mɔ aleɛ ne bie lile wɔ mekɛ mɔɔ bɛambiza Ɛdɛnkɛma bɛandie ɔ nloa edwɛkɛ la.

Dwɔhyua Buluku ne 9:14 ပူးပေါင်းရင်းမြစ်များ

2 Sam 2:1

Ɛhye anzi, Devidi bizale Ɛdɛnkɛma kɛ, “Mengɔ Dwuda azuamgbole ne mɔ bie azo ɔ?” Ɛdɛnkɛma zele ye kɛ, “Kɔ.” Devidi bizale kɛ, “Boni azo a mengɔ a?” Ɛdɛnkɛma buale ye kɛ, “Kɔ Hibulɔn.”

2 Sam 5:19

Devidi bizale Ɛdɛnkɛma kɛ, “Mengɔ mengɔteta Filisitiama ɔ? Ɛkɛye bɛ ɛkɛmaa me ɔ?” Ɛdɛnkɛma zele ye kɛ, “Kɔ na mebaye Filisitiama ne meamaa wɔali bɛ nwo zo konim.”

Ɛzela Buluku ne 8:21

Aheeva azule ne anloa yɛɛ mengyehyɛle kɛ ɔwɔ kɛ yɛ muala yɛkye ɛhɔne na yɛbɛlɛ yɛ nwo aze wɔ yɛ Nyamenle ne anyunlu na yɛsɛlɛ ye kɛ ɔnlea yɛ, yɛ mra nee yɛ nwo ninyɛne zo na ɔzinza yɛ wɔ yɛ adendulɛ nu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:30

Bɛva Yulem nee Tɛmem ne bɛgua ndɛnebualɛ akɛnrazo aguzo ne anu mɔɔ saa Aalɔn wula a ɛnee ɔgua ye ɛbolɛ zo la, amaa saa ɔlɛba me nyunlu ɛke a ɔ nee bɛ ara. Mekɛ ɛhye mɔ anu ɔwɔ kɛ ɔwula ndɛnebualɛ akɛnrazo aguzo ne, amaa yeahola yeamaa Yizilayɛma anwu me ɛhulolɛdeɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 27:21

Na ɔbahɔ Sɛlɛvolɛ Ɛlieza anyunlu na Ɛlieza ava Yulem nee Tɛmem abiza ɔ ti amaa ye, amaa saa ɔse bɛ kɛ bɛhɔ a, bɛahɔ, ɔse bɛ kɛ bɛrɛla a, bɛara. Ɛlieza bahile Dwɔhyua nee Yizilayɛma kɔsɔɔti adenle.”

Gyemise Kɛlata ne 1:5

Saa bɛ nuhua bie hyia nrɛlɛbɛ a, ɔzɛlɛ Nyamenle na ɔkɛva ɔkɛmaa ye; ɔboalekɛ Nyamenle ati akunlu le kɛnlɛma na ɔyila bɛdabɛ mɔɔ bɛbiza ye debie la.

Dwɔhyua Buluku ne 9:13

Mɔɔ yɛgua nwanye ne wɔ nwoma ahodoku ɛhye mɔ anu la, ɛnee bɛle fofolɛ, noko nea kɛ bɛzi bɛkpukekpuke bɛmaa yɛteta nu bie a! Adenle ne mɔɔ wale la ati yɛ adɛladeɛ nee yɛ mgbɔlaboa ɛwie yɛ nwo tete.”

Maanlebuvolɛma Buluku ne 1:1

Dwɔhyua wule la, Yizilayɛma bizale Ɛdɛnkɛma kɛ, “Nwane yɛɛ ɛlumua ɛhɔteta Keenama ɔ nee bɛ ɛho a?”

Maanlebuvolɛma Buluku ne 20:18

Yizilayɛma hɔle Bɛtɛle hɔbizale Nyamenle kɛ, “Yizilayɛ mbusua ekpunli ekpunli ne, nuhua boni yɛɛ ɛlumua ɛhɔteta Bɛngyamanema nee bɛ ɛho a?” Ɛdɛnkɛma zele bɛ kɛ, “Dwuda abusua ekpunli ne a dumua ahɔ a.”

1 Sam 22:10

Ahemɛlɛke bizale Ɛdɛnkɛma debie mɔɔ ɔwɔ kɛ Devidi yɛ la, eza ɔmanle ye aleɛ na ɔvale Filisitianli Golayate konle dadeɛ ne ɔmanle ye.”