Dwɔhyua Buluku ne 8:35 - BAEBOLO ANZƐƐ BULUKU NWUANZANWUANZA

³⁵ Dwɔhyua gengale Mosisi mɛla ne mɔ ngoko ngoko hilele Yizilayɛma kɔsɔɔti, mrenya nee mraalɛ, ngakula, yɛɛ nyɛvolɛ mɔɔ wɔ bɛ avinli la amuala.

Dwɔhyua Buluku ne 8:35 ပူးပေါင်းရင်းမြစ်များ

Ɛzela Buluku ne 10:1

Mekɛ mɔɔ Ɛzela ɛlɛyɛ nzɛlɛlɛ ne na ɔlɛ ɛzunlɛ ɔlɛka ɛtane mɔɔ bɛyɛ, ɔweweɛ ɔ nwo aze wɔ Nyamenle Ɛzonlenlɛ Sua ne anyunlu ɛkɛ ne la, Yizilayɛma dɔɔnwo kpalɛ, mraalɛ nee mrenya, nee ngakula, rabɔle yiale ye, na bɛdabɛ noko bɛzunle bɛmanle ɔyɛle alɔbɔlɛ.

Nihɛmaya Buluku ne 8:2

Yemɔti Ɛzela vale Mɛla Buluku ne rale ɛleka mɔɔ bɛyia la. Ɛnee bɛyia tɛɛnye, mrenya nee mraalɛ nee ngakula mɔɔ ɛnyi na bɛlɛ ndelebɛbo la amuala wɔ ɛkɛ.

Nihɛmaya Buluku ne 8:3

Na ɛkɛ ne, wɔ Nzule Anlenkɛ Kpole ne anyunlu kpatawienyi ne azo, Ɛzela gyinlanle manle ɔ nzi hɔle anlenkɛ ne anloa na ɔbɔle ɔ bo aleɛbahye ne ɔgengale Mɛla ne ɔhilele bɛ toonwo sɛnzɛngyinla. Na menli ne gyelele bɛ nzo diele ye kpalɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:38

Menli gyɛne gyɛne dɔɔnwo nee bɛ hɔle; bɛvale bɛ nlankɛ, mboane yɛɛ mbɔnkye noko bɛhɔle.

Gyɛlɛmaya Buluku ne 26:2

Ɛdɛnkɛma dendɛle hilele me. Ɔse; “Kɔgyinla Ɛdɛnkɛma Ɛzonlenlɛ Sua ne alie ne anwo, na ka nrɛlaleɛ ɛhye mɔɔ meva memaa wɔ la amuala kile menli mɔɔ vi Dwuda azuamgbole ne mɔ azo basonle Ɛdɛnkɛma la amuala; mmagyakyi kpɔkɛ ko bɔbɔ.

Dwowɛle Buluku ne 2:16

Bɛboɔboa menli ne anloa. Bɛnlua menli mɔɔ ɛyia ɛlɛsonle la; bɛboɔboa mgbanyima ne mɔ anloa; bɛboɔboa ngakula ne mɔ anloa, bɛboɔboa nlɔma mɔɔ la nyɛfonlɛ nloa la anloa. Bɛmaa atɔfolɛ nrenya ne vi ye ekpumgbunli ne anu evinde, na atɔfolɛ raalɛ ne vi ye suakunlu ɛvinde.

Zɛkalaya Buluku ne 8:23

Mekɛ ne anu mrenya bulu vi maanle maanle ne mɔ nee aneɛ ngakyile ne mɔ anu barazɔ Dwuunli tɛladeɛ nu na bɛaha kɛ, ‘Maa yɛ nee wɔ ɛhɔ, ɔluakɛ yɛde kɛ Nyamenle nee bɛ lua.’ ”

Edwɛkpa ne kɛmɔ Maake hɛlɛle la 10:14

Mɔɔ Gyisɛse nwunle ye la, ɔvale ɛya na ɔzele ye ɛdoavolɛma ne mɔ kɛ, “Bɛgyakyi ngakula ne mɔ bɛmaa bɛrɛla me nwo, bɛmmatua bɛ, na bɛdabɛ mɔɔ bɛle kɛ ɛhye mɔ zɛhae la yɛɛ Nyamenle Belemgbunlililɛ ne le bɛ ɛdeɛ a.

Ɛzoanvolɛma Gyima ne 20:27

Ɔluakɛ meanva debie biala mɔɔ fane Nyamenle ngyehyɛlɛ ne anwo la meanvea bɛ.

Ɛzoanvolɛma Gyima ne 21:5

Noko yɛ mekɛ mɔɔ yɛdi ye bɛ nwo ɛkɛ ne la wiele la, yɛvile ɛkɛ ne na yɛzɔle yɛ adendulɛ ne azo. Bɛ muala bɛ nee bɛ ye mɔ nee bɛ mra bɛhɔzɔhonle yɛ wɔ suakpole ne kandiba, na yɛ muala yɛhotole ɛnwea ne azo yɛyɛle nzɛlɛlɛ.

Mɛla 29:10

“Ɛnɛ bɛ muala bɛgyi Ɛdɛnkɛma bɛ Nyamenle ne anyunlu ɛke, bɛ mbusua ekpunli ekpunli ne mɔ mgbanyinli, maanle mgbanyima, bɛ mbɔlɔba mgbanyinli, Yizilayɛma kɔsɔɔti,

Mɛla 29:11

bɛ mra, bɛ ye mɔ, nyɛvolɛ mɔɔ wɔ bɛ avinli ɛke, sonvolɛma mɔɔ soa ɛyɛne nee mɔɔ soa nzule, bɛ kɔsɔɔti bɛra,

Mɛla 29:9

Yemɔti bɛnlea edwɛkɛ mɔɔ wɔ ngyekyeleɛ ɛhye anu la boɛ na bɛli zolɛ, amaa bɛakpazi wɔ debie biala anu.

Mɛla 31:12

Bɛboɔboa menli ne kɔsɔɔti anloa, mrenya, mraalɛ, ngakula, nee nyɛvolɛ mɔɔ wɔ bɛ azua ne mɔ azo la, amaa bɛade mɛla ne na bɛazulo Ɛdɛnkɛma bɛ Nyamenle ne, na bɛali mɛla ne amuala azo nɔhalɛ nu.

Mɛla 4:2

Bɛmmafa edwɛkɛ kpɔkɛ ko bɔbɔ bɛboka mɔɔ melɛfa meamaa bɛ la anwo, yɛɛ bɛmmaye bie bɛfi nu, amaa bɛahola bɛali Ɛdɛnkɛma bɛ Nyamenle ne mɛla ne mɔ mɔɔ melɛfa meamaa bɛ la azo.