Dwɔhyua Buluku ne 8:33 - BAEBOLO ANZƐƐ BULUKU NWUANZANWUANZA

³³ Yizilayɛma amuala, bɛdabɛ mɔɔ bɛle nyɛvolɛ na bɛwɔ bɛ avinli nee bɛdabɛ Dwuuma amuala, bɛ nee bɛ mgbanyima nee mbɔlɔba mgbanyinli nee ndɛnebuavolɛma gyinlanle ye ɛhonlene nwiɔ wɔ Ɛdɛnkɛma Ngyekyeleɛ Ɛlɛka ne foa nee ye foa, na bɛnleanle Livae sɛlɛvolɛma ne mɔɔ zoale la. Menli ne foa ko anzi kɔ Gɛlaezem Boka yɛɛ foa ko noko anzi kɔ Yibale Boka. Ɛdɛnkɛma sonvolɛ Mosisi zele bɛ kɛ saa mekɛ ne dwu na bɛdie nyilalɛ a bɛgyinla ye zɔhane.

Dwɔhyua Buluku ne 8:33 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:49

Mɛla ko ne ala a wɔ ɛkɛ maa sonla mɔɔ vi maanle ne anu nee ɛyɛvolɛ mɔɔ nee bɛ rale la a.”

Sɛlɛ 24:22

Mɛla ko ala a wɔ ɛkɛ maa Yizilayɛnli nee ɛyɛvolɛ mɔɔ de Yizilayɛma avinli la a, ɔluakɛ medame a mele Ɛdɛnkɛma bɛ Nyamenle ne a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:15

Ngyehyɛlɛ ko ye ala wɔ ɛkɛ maa awolɛndoazo mɔɔ bara la amuala, bɛdabɛ nee nyɛvolɛ mɔɔ de bɛ avinli la, ɔluakɛ wɔ Ɛdɛnkɛma anyunlu, bɛ muala bɛle menli ko.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:16

Mɛla ko yɛɛ ngyehyɛlɛ ko ala a wɔ ɛkɛ maa bɛdabɛ nee nyɛvolɛ mɔɔ nee bɛ de la a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:29

Mɛla ko ne ala wɔ ɛkɛ maa awie biala, Yizilayɛnli anzɛɛ ɛyɛvolɛ mɔɔ de bɛ avinli mɔɔ anye ɛnla nwo na ɔkɛyɛ ɛtane la.

Dw 4:20

Me nlenya mɔ Samɛleama zonlenle Nyamenle wɔ boka ye azo, na bɛmɛ Dwuuma bɛse Gyɛlusalɛm ala a le ɛleka mɔɔ ɔwɔ kɛ bɛsonle Nyamenle a.”

Mɛla 11:29

Saa Ɛdɛnkɛma bɛ Nyamenle ne fa bɛ dwu azɛlɛ ne mɔɔ bɛlɛkɔ bɛahɔva la azo a, bɛva nyilalɛ ne bɛzie Gɛlaezem Boka na bɛva munzule ne bɛzie Yibale Boka.

Mɛla 31:12

Bɛboɔboa menli ne kɔsɔɔti anloa, mrenya, mraalɛ, ngakula, nee nyɛvolɛ mɔɔ wɔ bɛ azua ne mɔ azo la, amaa bɛade mɛla ne na bɛazulo Ɛdɛnkɛma bɛ Nyamenle ne, na bɛali mɛla ne amuala azo nɔhalɛ nu.

Mɛla 31:25

Akee Mosisi zele Livaema ne mɔɔ soa Ɛdɛnkɛma Ngyekyeleɛ Ɛlɛka ne la kɛ,

Mɛla 31:9

Akee Mosisi hɛlɛle mɛla ɛhye na ɔvale ɔmanle Livae abo zo amra ne mɔ mɔɔ le sɛlɛvolɛma, mɔɔ zoale Ɛdɛnkɛma Ngyekyeleɛ Ɛlɛka ne la, nee Yizilayɛ mgbanyima ne mɔ.

Dwɔhyua Buluku ne 23:2

yemɔti ɔvɛlɛle Yizilayɛma amuala, bɛ mgbanyima, bɛ mbusua mgbanyinli, ndɛnebuavolɛma, nee bɛ mbɔlɔba ne mɔ amuala na ɔzele bɛ kɛ, “Kɛkala, akee meyɛ kpanyinli.

Dwɔhyua Buluku ne 24:1

Dwɔhyua manle Yizilayɛ mbusua ekpunli ekpunli ne mɔ amuala yiale Hyikɛm. Ɔvɛlɛle mgbanyima ne mɔ, mbusua mgbanyinli nee, ndɛnebuavolɛma ne mɔ, yɛɛ Yizilayɛ mbɔlɔba kɔsɔɔti ɔmanle bɛrayiale Nyamenle duma nu wɔ Hyikɛm.

Dwɔhyua Buluku ne 3:14

Mekɛ ne le ɛbuhenle, na azule ne ɛyi ɛbu aze. Na menli ne mɔ vi bɛ azokoɛleɛ ne dule bɛ bo kɛ bɛkɔ bɛahɔpɛ Dwɔdan ne. Sɛlɛvolɛma mɔɔ zo Ngyekyeleɛ Ɛlɛka ne la li bɛ ti. Mɔɔ sɛlɛvolɛma mɔɔ zo Ngyekyeleɛ Ɛlɛka ne la agyakɛ hanle nzule ne mɔɔ wɔ azule ne pemgbɛne ne anloa ala la yɛɛ

Dwɔhyua Buluku ne 3:3

na bɛzele bɛ kɛ, “Saa bɛnwu kɛ Livaema ne mɔɔ bɛmɛ a bɛle sɛlɛvolɛma la ɛmaa Ɛdɛnkɛma bɛ Nyamenle ne Ngyekyeleɛ Ɛlɛka ne zo bɛvi azokoɛleɛ ɛke bɛlɛkɔ a, bɛdabɛ noko bɛdu bɛ bo bɛdoa bɛ.

Dwɔhyua Buluku ne 3:6

Akee ɔzele sɛlɛvolɛma ne kɛ, “Bɛva Ngyekyeleɛ Ɛlɛka ne bɛze bɛlumua menli ne anyunlu.” Na bɛyɛle ye zɔhane.

Dwɔhyua Buluku ne 4:10

Sɛlɛvolɛma ne gyinlanle azule ne avinli hɔkpulale mekɛ mɔɔ debie biala mɔɔ Ɛdɛnkɛma zele Dwɔhyua kɛ ɔha ɔhile menli ne ɔmaa bɛyɛ la lile munli la. Mosisi a hyehyɛle kɛ anrɛɛ Dwɔhyua ɛyɛ a. Menli ne pɛle azule ne ndɛndɛ.

Dwɔhyua Buluku ne 4:18

Mɔɔ sɛlɛvolɛma ne vole file zo ala la yɛɛ azule ne bɔle ɔ bo kɛ ɔse a, na ɔyile ɔbule aze bieko.

Dwɔhyua Buluku ne 6:6

Nɛn ara Dwɔhyua vɛlɛle sɛlɛvolɛma ne na ɔzele bɛ kɛ, “Bɛva Ngyekyeleɛ Ɛlɛka ne na bɛ nuhua nsuu ɛva mɛne aweɛne ne mɔ na bɛhɔli Ɛdɛnkɛma Ngyekyeleɛ Ɛlɛka ne anyunlu.”