Dwɔhyua Buluku ne 8:28 - BAEBOLO ANZƐƐ BULUKU NWUANZANWUANZA

²⁸ Dwɔhyua yelale Eyae na ɔmanle ɔyɛle suadu. Ɛnɛ nee ɛnɛ, ɛkɛ ne tɛde suadu.

Dwɔhyua Buluku ne 8:28 ပူးပေါင်းရင်းမြစ်များ

2 Arl 19:25

Asoo ɛtɛtele kɛ mengyehyɛle ɛhye mendole ɛkɛ ne dɛba dɛba yɛɛ kɛkala memaa yeyɛ zɔhane a? Memanle wɔ anwosesebɛ kɛ ɛva ɛbutubutu azuamgbole mɔɔ bɛbɔ nwolɛ bane la anye aze ɛyɛ bɛ azuadu.

Ayezaya Buluku ne 17:1

Ɛdɛnkɛma edwɛkɛ mɔɔ fane Dɛmasekɛse anwo la ɛne. Ɔse, “Bɛnlea, Dɛmasekɛse ɛnrɛyɛ suakpole bieko; ɔbayɛ ewula edukue.

Ayezaya Buluku ne 25:2

Wɔyɛ suakpole ne ewula edukue, wɔyɛ suakpole ne mɔɔ bɛhye nwolɛ la suadu; nyɛvolɛ ne mɔ suakunlu ne mɔ mɔɔ bɛsisile la ɛnle ɛkɛ bieko, awie ɛnrɛkyekye ye bieko ɛlɛ.

Gyɛlɛmaya Buluku ne 49:2

Bɛnlea, mekɛ ɛlɛba mɔɔ mebamaa konle azi Amɔnoma suakpole Relaba azo abɔ ye, na ye namunamu ne mɔ ayela adɔ nzonle. Yizilayɛma baza menli mɔɔ liele bɛ azɛlɛ ne bɛ sa nu la alie bɛ debie, medame Ɛdɛnkɛma a mese a.

Gyɛlɛmaya Buluku ne 50:26

Bɛvi ewiade ɛleka biala bɛrɛla. Bɛrabu ye aleɛ ɛzielɛ azua ne nlenkɛ ne mɔ. Bɛhwe ye ninyɛne ne mɔ bɛhuohua bɛ kɛ ma edukue edukue. Bɛzɛkye maanle ne bɔkɔɔ, bɛmmagyakyi debie biala.

Gyɛlɛmaya Buluku ne 9:11

Mebamaa Gyɛlusalɛm ahakyi ewula edukue, ɔbahakyi ɛzonlɛ dabelɛ. Mebamaa Dwuda azuamgbole adɔ mgbane, awie ɛnrɛdɛnla ɛkɛ.”

Maeka Buluku ne 3:12

Yemɔti bɛmɛ ti, bɛbagologolo Gyɛlusalɛm kɛ bɛgolo ɛya la bɛamaa yeayɛ suadu na boka ne mɔɔ Ɛzonlenlɛ Sua ne gyi zo la ahakyi kpɔkɛ.

Mɛla 13:16

Bɛva debie biala mɔɔ bɛkɛnyia ye wɔ sua ne azo la bɛrɛla ɛleka kpatawienyi ne na bɛdo senle nu, bɛdo senle sua ne azo bɛyela ye kɛ ɛyelalɛ azubɔdeɛ bɛmaa Ɛdɛnkɛma bɛ Nyamenle ne. Na ɔbayɛ suadu mɔɔ awie ɛnrɛkyekye ye bieko ɛlɛ a.

Mɛla 13:17

Ninyɛne mɔɔ ɔwɔ kɛ bɛyela bɛ la, bɛmmafa bie, amaa Ɛdɛnkɛma agyakyi ye ɛya kpole ne mɔɔ yeva la na yeaze bɛ anwunvɔne, amaa saa bɛyɛ tieyɛ bɛmaa Ɛdɛnkɛma bɛ Nyamenle ne, na bɛdi ye mɛla ne mɔ mɔɔ melɛfa meamaa bɛ ɛnɛ la azo, bɛyɛ mɔɔ le kpalɛ la na bɛsɔ ɔ nye a, yeamaa bɛ nwo azo, kɛmɔ ɔvale ɔbɔle bɛ ze mɔ ɛwɔkɛ la.

Dwɔhyua Buluku ne 4:9

Dwɔhyua noko huohuanle awolɛ bulu nee nwiɔ anloa wɔ Azule Dwɔdan ne avinli, ɛleka mɔɔ sɛlɛvolɛma ne mɔɔ zo Ngyekyeleɛ Ɛlɛka ne la gyinlanle la. (Awolɛ zɔhane tɛbɔ ɛkɛ ne ɛnɛ nee ɛnɛ ala.)

Dwɔhyua Buluku ne 8:29

Ɔhendanle Eyae belemgbunli ne wɔ baka kpole bie azo na ɔgyakyile ye ɛkɛ ne toonwo nɔsolɛ. Sɛnzɛne ne kadɔ la Dwɔhyua manle bɛhɔyele funli ne, na bɛvuandinle ye bɛdole Eyae suakpole ne anuhɔlɛ kpole ne anyunlu. Bɛhuanle awolɛ edukue kpole kpalɛ ko bɛhedale funli ne azo, na ɛnɛ nee ɛnɛ ala ɔtɛbɔ ɛkɛ ne.