Dwɔhyua Buluku ne 8:20 - BAEBOLO ANZƐƐ BULUKU NWUANZANWUANZA

²⁰ Eyaema dole bɛ nye bɛ nzi la, bɛnwunle kɛ senle ɛdɔ bɛ sua ne azo na ye esike ɛdwazo bolonwonwo zɛhae. Zɔhane ati ɛnee akee bɛnnwu ɛleka mɔɔ bɛnriandi bɛabɔ bɛ ti a, ɔboalekɛ Yizilayɛma ne mɔɔ nriandile hɔle ɛsɛlɛ ne azo la akee ɛzi ɛgyinla kɛ bɛ nee bɛ ko.

Dwɔhyua Buluku ne 8:20 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:28

Ɔdole ɔ nye Sodɔm nee Gomɔla na ɔnleanle azɛlɛ ne mɔɔ la bɔnza ne anu la amuala azo, na ɔnwunle kɛ maanle ne mɔɔ ɛlɛyela la esike ne ɛdwazo bolonwonwo kɛ tɔlɔra senle.

Dwobu Buluku ne 11:20

Amumuyɛma ɛnrɛnwu ɛhwee; ɛnriandilɛ adenle biala baminli bɛ nye zo, bɛ anyelazo a le ewule.”

Edwɛndolɛ Buluku ne 76:5

Bɛkpokpole akɛnrasesebɛma bɛliele bɛ sa nu ninyɛne; bɛguale aze bɛwule; ɛlɔnema ne amuala annyia gyinlagyakɛ.

Ayezaya Buluku ne 34:10

Ye esike ne badwazo bolonwonwo dahuu, yɛɛ bɛnrɛhola ye nua alehyenlɛ nee aledwolɛ kɔsɔɔti. Azɛlɛ ne badɔ mgbane, ɔvi awolɛndoazo kɔdwu awolɛndoazo. Awie ɛnrɛpɛ nu ɛkɛ ne ɛlɛ.

Dwɔhyua Buluku ne 8:19

Ɔmanle ɔ sa zo ala la, Dwɔhyua menli ne mɔɔ hɔle nzia ne la dwazole ndɛndɛ na bɛvale ɛnriandilɛ bɛrale suakpole ne azo bɛravale. Na bɛdole senle suakpole ne azo.

Dwɔhyua Buluku ne 8:21

Dwɔhyua nee ye ɛlɔnema ne nwunle kɛ Yizilayɛma ɛhendeɛ ne mɔ ɛva suakpole ne na bɛdo senle wɔ zolɛ la, bɛhakyile bɛ nye na bɛbɔle ɔ bo kɛ bɛku bɛ kpɔvolɛma ne.

Yekile 18:9

Bɛdabɛ arelemgbunli mɔɔ bɛwɔ ewiade, mɔɔ bɛ nee ye bɔle adwɔmane ɛbɛla, bɛyɛle anyebolo la, saa bɛnwu kɛ sua ne ɛlɛsi ayela la a, bɛbazu bɛadedɛ bɛ nwo bonrane nu.

Yekile 19:3

Eza bɛdeanle nu kɛ, “Bɛye Nyamenle ayɛlɛ! Esike ne mɔɔ vi suakpole ne ɛyelalɛ nu finde la dwazo bolonwonwo mɔɔ ɔngua ɛlɛ a!”

Maanlebuvolɛma Buluku ne 20:38

Yizilayɛ ɛlɔnema somaa ne nee ɛlɔnema mɔɔ ɛbu ɛvea Gebɛya la lile ziele kɛ saa bɛnwu kɛ esike ɛdwazo bolonwonwo wɔ suakpole ne azo a, ɛnee bɛhakyi bɛ nye bɛ nee Bɛngyaman ɛlɔnema ne ɛho. Mekɛ ne anu ɛnee Bɛngyamanema ne ɛlumua ɛhu Yizilayɛma abulasa na bɛlɛka kɛ, “Amgba yɛlɛka bɛ senle bieko, kɛmɔ yɛyɛle ye alumua konle ne anu la.”

Maanlebuvolɛma Buluku ne 20:40

Noko mɔɔ Bɛngyamanema kado bɛ nye bɛ nzi la ɛnee esike ɛva bɛ suakpole ne na yedwazo bolonwonwo, yedwu nyamenle ne ako abo nehane.

Maanlebuvolɛma Buluku ne 20:41

Akee Yizilayɛma hakyile bɛ nye. Bɛngyamanema anwo vɔle, ɔluakɛ bɛnwunle kɛ akee bɛwie wu ala ɛne.