Dwɔhyua Buluku ne 8:2 - BAEBOLO ANZƐƐ BULUKU NWUANZANWUANZA

² Kɛ ɛyɛle Gyɛleko nee ye belemgbunli ne la, zɔhane ala yɛɛ ɛbayɛ Eyae nee ye belemgbunli ne a. Na ɛnɛ ɛdeɛ, ninyɛne nee nlankɛ ne mɔ le bɛ ɛdeɛ. Bɛboɔboa bɛ nwo na bɛbu bɛ nzi bɛhɔ bɛ nwo zo arɛlevilɛ nu na bɛva sua ne.”

Dwɔhyua Buluku ne 8:2 ပူးပေါင်းရင်းမြစ်များ

2 Edk 13:13

Mekɛ ne anu ɛnee Gyɛlɔbowam ɛzoa ɛlɔnema ɛmaa bɛbu Dwuda ɛlɔnema ne anzi, ɛhye ati ɛnee Dwuda ɛlɔnema ne ɛha avinli, Yizilayɛma wɔ bɛ nyunlu nee bɛ nzi.

2 Edk 20:22

Mɔɔ bɛbɔle ɔ bo kɛ bɛto edwɛne bɛaye Ɛdɛnkɛma ayɛlɛ la, Ɛdɛnkɛma manle Amɔnoma, Mowabema, nee Yidɔmma mɔɔ ɛra badoa Yizilayɛma nee bɛ aho la anye zo danle bɛ, na bɛhuhunle bɛ nwo.

Edwɛndolɛ Buluku ne 39:6

Nɔhalɛ, sonla le kɛ ɛlawolɛ! Nɔhalɛ, sonla fonla ɔ nwo mgbane; ɔkuohua, na ɔnze sonla mɔɔ bava la!

Mrɛlɛbulɛ Buluku ne 13:22

Sonlakpalɛ gyakyi ye nlɔnra agyadeɛ, na ɛtanenli anwonyia wɔ ɛkɛ ne maa tenlenema.

Mrɛlɛbulɛ Buluku ne 28:20

Nyilalɛ dɔɔnwo baha sonla mɔɔ di nɔhalɛ la, na mɔɔ pele nyia ɔ nwo ndɛndɛ la ɛnrɛva ɔ nwo dwɔɔ.

Gyɛlɛmaya Buluku ne 17:11

Sonla mɔɔ kpondɛ ezukoa amile nu la le kɛ anloma mɔɔ bobɔ aholonvia mɔɔ tɛ ye a ɔdole la; ɔndwu mgbanyifoa ɛnee yevi ɔ sa, ye awieleɛ nu ɛnee yeyɛ koasea.

Gyɛlɛmaya Buluku ne 51:12

Ɔse, “Bɛyɛ sɛkɛlɛneɛ bɛhile kɛ bɛka Babelɔn bane ne mɔ bɛagua. Bɛmaa sinzavolɛma anwo ɛzo; bɛmaa menli ɛhɔzinza na bie mɔ ɛhɔ nzia, ɔluakɛ medame Ɛdɛnkɛma, mehyehyɛ na meyɛ debie mɔɔ menzele kɛ mebava meayɛ Babeloniama la.

Mɛla 2:35

Yɛvale bɛ nlankɛ ne mɔ na yɛvenle bɛ nwo ninyɛne kɔsɔɔti mɔɔ wɔ bɛ azua ne mɔ azo la.

Mɛla 20:14

na bɛva ngakula, mraalɛ, nlankɛ, nee debie biala mɔɔ bɛkɛnyia ye wɔ suakpole ne azo la. Debie biala mɔɔ le bɛ kpɔvolɛma ne ɛdeɛ la, bɛva, ɔluakɛ Ɛdɛnkɛma bɛ Nyamenle ne a ɛva ɛmaa bɛ a.

Mɛla 3:2

Na Ɛdɛnkɛma zele me kɛ, ‘Mmasulo ye, ɔluakɛ meva ye nee ye menli ne amuala memaa wɔ. Yɛ ye kɛ mɔɔ ɛyɛle Amɔle Belemgbunli Saehɔn mɔɔ ɛnee de Hɛhyebɔn la.’

Dwɔhyua Buluku ne 10:1

Gyɛlusalɛm Belemgbunli Adonaezidɛke dele kɛ Dwɔhyua ɛho ɛva Eyae, yebɔ sua ne bɔkɔɔ na yehu ye belemgbunli ne, kɛmɔ ɔyɛle Gyɛleko nee ye belemgbunli ne la. Eza ɔdele kɛ Gebɛyɔnoma nee Yizilayɛma ɛyɛ anzonudwolɛ ngyehyɛlɛ na ɔlua zolɛ Gebɛyɔnoma nee bɛ a de a.

Dwɔhyua Buluku ne 10:28

Kenle ko ne Dwɔhyua honle vale Makidaa na ɔhyele ye belemgbunli ne ɔhunle ye nee awie biala mɔɔ wɔ suakpole ne azo la; ko bɔbɔ anga. Ɔyɛle Makidaa belemgbunli ne kɛ mɔɔ ɔyɛle Gyɛleko belemgbunli ne la.

Dwɔhyua Buluku ne 11:14

Yizilayɛma ne vale ninyɛne mɔɔ anwo hyia nee nyɛmoa mɔɔ wɔ azuamgbole ne mɔ azo la. Na bɛhunle awie biala; ko bɔbɔ anga.

Dwɔhyua Buluku ne 6:21

Bɛhunle awie biala mɔɔ wɔ suakpole ne azo la, mrenya nee mraalɛ, ngakula nee mgbanyinli. Eza bɛhunle nlankɛ, mboane, yɛɛ asoaso muala.

Dwɔhyua Buluku ne 8:12

Ɔvale menli kɛyɛ apenle nnu na ɔmanle bɛhɔveale suakpole ne adɔleɛ wɔ Eyae nee Bɛtɛle avinli.

Dwɔhyua Buluku ne 8:14

Mekɛ mɔɔ Eyae belemgbunli ne nwunle Dwɔhyua menli ne la, ɔhanle ɔ nwo ndɛndɛ ne ala na ɔvale ye ɛlɔnema ne amuala kɛ bɛ nee Yizilayɛma baho wɔ Dwɔdan Bɔnza ne anu, ɛnee ɔnze kɛ ɛlɔnema babu ɔ nzi.

Dwɔhyua Buluku ne 8:19

Ɔmanle ɔ sa zo ala la, Dwɔhyua menli ne mɔɔ hɔle nzia ne la dwazole ndɛndɛ na bɛvale ɛnriandilɛ bɛrale suakpole ne azo bɛravale. Na bɛdole senle suakpole ne azo.

Dwɔhyua Buluku ne 8:24

Yizilayɛma hunle Eyae ɛlɔnema ne mɔɔ voanle bɛ wɔ ɛsɛlɛ ne azo la, na akee bɛziale bɛhɔle suakpole ne azo bɛhɔhunle bɛdabɛ mɔɔ bɛwɔ ɛkɛ ne la amuala.

Dwɔhyua Buluku ne 8:3

Zɔhane ati Dwɔhyua boɔboale ɔ nwo kɛ ɔ nee ye ɛlɔnema ne amuala kɔ Eyae. Ɔyele menli mɔɔ ze konle nye zo la apenle abulasa na ɔmanle bɛhɔle nɔe ne ala.

Dwɔhyua Buluku ne 8:7

na bɛmɛ bɛavinde arɛlevilɛ nu bɛarava suakpole ne. Ɛdɛnkɛma bɛ Nyamenle ne baye sua ne amaa bɛ.

Dwɔhyua Buluku ne 8:8

Saa bɛfa sua ne a, bɛyela ye, kɛmɔ Ɛdɛnkɛma hanle la. Ɛnee kɛ mese ɛne!”

Dwɔhyua Buluku ne 8:9

Zɔhane ati Dwɔhyua guale bɛ adenle zo, na bɛhɔveale Bɛtɛle nee Eyae avinli, mɔɔ di kɔ Eyae adɔleɛ la. Dwɔhyua nee ye menli ne mɔ hɔlale azokoɛleɛ ɛkɛ ne kenle ko ne nɔe ne.

Dwɔhyua Buluku ne 9:3

Na Gebɛyɔnoma mɔɔ le Haevae asa azo la dele mɔɔ Dwɔhyua vale hilele Gyɛlekoma nee Eyaema la,