Dwɔhyua Buluku ne 8:14 - BAEBOLO ANZƐƐ BULUKU NWUANZANWUANZA

¹⁴ Mekɛ mɔɔ Eyae belemgbunli ne nwunle Dwɔhyua menli ne la, ɔhanle ɔ nwo ndɛndɛ ne ala na ɔvale ye ɛlɔnema ne amuala kɛ bɛ nee Yizilayɛma baho wɔ Dwɔdan Bɔnza ne anu, ɛnee ɔnze kɛ ɛlɔnema babu ɔ nzi.

Dwɔhyua Buluku ne 8:14 ပူးပေါင်းရင်းမြစ်များ

Nolo 9:12

Sonla ɛnze ye mekɛ; kɛmɔ avonle kola yɛ munzule kye fɛlɛ, yɛɛ ɛhane kola kye anloma la, zɔhane ala yɛɛ ɛhane kola kye dasanli wɔ munzule mekɛ mɔɔ ɔ nye ɛnla la a.

Ayezaya Buluku ne 19:11

Zowan mgbanyima le ahoasea kpole kpalɛ, yɛɛ Yigyibiti belemgbunli ne folɛtuvoma tu folɛ ɛtane. Duzu ati a ɔwɔ kɛ bɛka bɛkile Yigyibiti belemgbunli ne kɛ, “Mele nrɛlɛbɛvolɛ ra, mele mɔmoane arelemgbunli ne mɔ bie ara nrenya” ɛ?

Ayezaya Buluku ne 19:13

Zowan mgbanyima ɛyɛ ahoasea, yɛɛ bɛbɛlɛbɛla Mɛmefese mgbanyima. Yigyibiti titilema mɔɔ lɛ maanle ne la ɛmaa Yigyibitima anye zo ɛda bɛ.

Daneɛle Buluku ne 4:31

Belemgbunli ne anloa ampe yɛɛ ɛnelɛ bie dendɛle vi anwuma kɛ, “Belemgbunli Nɛbukadenɛza, tie ɛ! Bɛlie wɔ belemgbunlililɛ ne ɛ sa nu.

Edwɛkpa ne kɛmɔ Mateyu hɛlɛle la 24:39

na bɛannwu mɔɔ ɛlɛba arazi la toonwo azuyilɛ kpole ne ravale bɛ muala la, zɔhane ala yɛɛ medame Sonla Ra, me ɛralɛ mekɛ ne bayɛ a.

Edwɛkpa ne kɛmɔ Mateyu hɛlɛle la 24:50

ɔ menle ne bara kenle mɔɔ ɔdaye sonvolɛ ne ɔnze na eza ɔ nye ɛnla la.

Mɛla 1:1

Edwɛkɛ mɔɔ Mosisi hanle hilele Yizilayɛma wɔ mekɛ mɔɔ ɛnee bɛwɔ ɛsɛlɛ ne azo wɔ Azule Dwɔdan ne aduduleɛ la ɛne. Ɛnee bɛwɔ Dwɔdan Bɔnza ne anu ɛleka mɔɔ bikye Sɛfe, mɔɔ wɔ Pɛlan nee Tofɛle, Leeban, Hazilo, yɛɛ Daezahade avinli la.

Dwɔhyua Buluku ne 8:13

Kɛ bɛhyehyɛle ɛlɔnema ne anu la ɛne: bɛdabɛ mɔɔ bɛbaho konle mumua ne la a le menli mɔɔ wɔ suakpole ne ɛbɔ nu afoa nu la, yɛɛ ɛlɔnema mɔɔ zua alumua ɛlɔnema ne la a le bɛdabɛ mɔɔ bɛwɔ suakpole ne adɔleɛ afoa nu la. Dwɔhyua ɛdeɛ ɔlale bɔnza ne anu nɔe ne.

Dwɔhyua Buluku ne 8:15

Dwɔhyua nee ye ɛlɔnema ne yɛle kɛ asɛɛ bɛho bɛgua, na bɛbɔle ɔ bo kɛ bɛnriandi bɛahɔ ɛsɛlɛ ne azo lɔ.

Dwɔhyua Buluku ne 8:16

Eyae belemgbunli ne vɛlɛle menli mɔɔ wɔ Eyae la kɔsɔɔti kɛ bɛraboka bɛ nwo bɛmaa bɛvoa Yizilayɛma. Mekɛ mɔɔ bɛdoa Dwɔhyua la ɛnee Dwɔhyua nee ye ɛlɔnema ne ɛlɛnriandi ahɔ moa moa kpalɛ.

Dwɔhyua Buluku ne 8:5

Me nee me ɛlɔnema ne yɛbaye yɛ nyunlu. Na saa suakpole ne azo amra finde kɛ bɛbadoa yɛ bɛ nee yɛ aho a, yɛbanriandi yɛazia, kɛmɔ yɛyɛle ye alumua ne la.

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

Maanlebuvolɛma Buluku ne 20:37

Menli ne vi nzia ɛleka ne ravole Gebɛya. Bɛkpondenle suakpole ne azo ɛleka biala na bɛhunle awie biala.