Dwɔhyua Buluku ne 8:10 - BAEBOLO ANZƐƐ BULUKU NWUANZANWUANZA

¹⁰ Nwonlomɔ mangyee ne Dwɔhyua dwazole vɛlɛvɛlɛle ye ɛlɔnema ne. Akee ɔdaye yɛɛ Yizilayɛ mgbanyima ne mɔ lile ɛlɔnema mɔɔ ɛha la ati na bɛguale adenle zo kɛ bɛkɔ Eyae.

Dwɔhyua Buluku ne 8:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:3

Yemɔti Ebileham dwazole nwonlomɔ mangyee ne ala na ɔzieziele ye asoaso ne, ɔvale ye sonvolɛma nwiɔ yɛɛ ɔ ra Ayezeke; akee ɔpepɛle ɛyɛne ne mɔɔ ɔfa yeayela azubɔdeɛ ne la, na ɔhɔle ɛleka ne mɔɔ Nyamenle ɛha kɛ ɔhɔ la.

Edwɛndolɛ Buluku ne 119:60

Meka me nwo, mensisi aze kɛ menwɔli wɔ mɛla ne mɔ azo.

Dwɔhyua Buluku ne 3:1

Aleɛ hyenle la Dwɔhyua nee Yizilayɛma amuala dwazole nwonlomɔ mangyee ne ala; bɛvi Akasea azokoɛleɛ ne bɛdule bɛ bo bɛrazokoɛle Dwɔdan ne anloa bɛrahendɛle bɛ nwo kolaa na bɛapɛ.

Dwɔhyua Buluku ne 6:12

Aleɛ hyenle la Dwɔhyua dwazole nwonlomɔ mangyee ne ala, na sɛlɛvolɛma ne nee ɛlɔnema ne mɔ diale kilikili bɔle Gyɛleko sua bɔdenle ne mgbɔlɔka yiale, kɛmɔ bɛyɛle ye wɔ kenle ne mɔɔ lumua la: ɛlɔnema ne ekpunli ko lumua, sɛlɛvolɛma nsuu ne mɔɔ ɛlɛbɔ mɛne aweɛne ne mɔ la doa bɛ, sɛlɛvolɛma ne mɔɔ zo Ɛdɛnkɛma Ngyekyeleɛ Ɛlɛka ne la doa zo, yɛɛ akee ɛlɔnema mɔɔ ɛha la noko bɛdabɛ bɛli bɛ nzi. Mekɛ ɛhye amuala, ɛnee aweɛne ne la zo zɛhae ala.

Dwɔhyua Buluku ne 7:16

Aleɛ hyenle nwonlomɔ mangyee ne la, Dwɔhyua vale Yizilayɛma ne rale, ɔvale bɛ abusua ekpunli ekpunli ɔvindele Ɛdɛnkɛma anyunlu na bɛyele Dwuda abusua ekpunli ne.

Dwɔhyua Buluku ne 8:11

Ɛlɔnema ne nee Dwɔhyua vale suakpole ne anuhɔlɛ kpole ne adenle zo, na mɔɔ bɛbikyele suakpole ne bie la, bɛzokoɛle ye ɛbɔ nu afoa nu, ɛleka bie mɔɔ bɔnza anu kuloonwu bie la bɛ nee Eyae avinli la.

Dwɔhyua Buluku ne 8:9

Zɔhane ati Dwɔhyua guale bɛ adenle zo, na bɛhɔveale Bɛtɛle nee Eyae avinli, mɔɔ di kɔ Eyae adɔleɛ la. Dwɔhyua nee ye menli ne mɔ hɔlale azokoɛleɛ ɛkɛ ne kenle ko ne nɔe ne.