Dwɔhyua Buluku ne 8:1 - BAEBOLO ANZƐƐ BULUKU NWUANZANWUANZA

¹ Ɛdɛnkɛma zele Dwɔhyua kɛ, “Fa wɔ ɛlɔnema ne kɔ Eyae. Mmasulo yɛɛ mmamaa wɔ ahonle tu. Mebamaa wɔali Eyae belemgbunli ne anwo zo konim; ye menli, ye suakpole ne, nee ye azɛlɛ ne amuala bayɛ wɔ ɛdeɛ.

Dwɔhyua Buluku ne 8:1 ပူးပေါင်းရင်းမြစ်များ

Edwɛndolɛ Buluku ne 27:1

Ɛdɛnkɛma le me wienyi nee ngoanelielɛ; menrɛzulo awie biala. Ɛdɛnkɛma le me ɛbɛla nu ɛvealeka; menrɛzulo awie biala.

Edwɛndolɛ Buluku ne 44:3

Bɛdabɛ bɛanva bɛ dadeɛ bɛango bɛanva azɛlɛ, bɛdabɛ bɛanva bɛ anwosesebɛ bɛanli konim; na ɛvale wɔ tumi kpole ne nee wɔ anwosesebɛ ne, yɛɛ ɛ nyunlu ɛdalɛ kpole ne ɛlile konim; ɔluakɛ ɛ nye die bɛ nwo.

Edwɛndolɛ Buluku ne 46:11

Tumivolɛ Ɛdɛnkɛma nee yɛ de; Gyekɔbo Nyamenle ne le yɛ ɛvealeka.

Ayezaya Buluku ne 12:2

Bɛnlea, Nyamenle le me ngoanedievolɛ; menrɛzulo, mebava me rɛle meawula ye nu, ɔluakɛ Ɛdɛnkɛma Nyamenle ne le me anwosesebɛ nee me edwɛne, na yeyɛ me ngoanedievolɛ.”

Ayezaya Buluku ne 43:2

Saa bɛlua nzule buma nu a, me nee bɛ balua; bɛlua azule ne mɔ anu a, bɛnrɛmonla bɛ; saa bɛlua senle nu a, senle ne ɛnrɛyela bɛ, yɛɛ ye ɛzɔlɛ gbolamgbolam ne ɛnrɛyela bɛ.

Gyɛlɛmaya Buluku ne 46:27

“O me akɛlɛ Gyekɔbo, mmasulo. O Yizilayɛ, mmamaa wɔ ahonle tu. Mebalie wɔ meavi moa moa lɔ meara. Mebalie ɛ bo zo amra meavi ɛleka mɔɔ bɛhyele bɛ nuokɛ bɛhɔle la meara. Gyekɔbo bazia ara na ɔ nzo nu adwo ye, ɔ nwo badɔ ye, awie ɛnrɛha ye ɛzulolɛ.

Gyɛlɛmaya Buluku ne 49:3

O Hɛhyebɔnoma, bɛye awolɛ, ɔluakɛ Eyae ɛbɔ! Relaba mraalɛ, bɛzu! Bɛva ɛrele bɛheda, bɛzu bɛkpɔsa, ɔluakɛ bɛbava bɛ bozonle Melekɔm, ye ahɔmenle yɛɛ bɛ mgbanyima ne mɔ amuala bɛahɔ nlɔnu.

Daneɛle Buluku ne 2:21

Ɔkakyi mekɛ, ɔkakyi ɛlobɔ; ɔtu arelemgbunli, ɔsie arelemgbunli; ɔmaa nrɛlɛbɛvolɛ nwu nrɛlɛbɛ, na ɔmaa mɔɔ lɛ ndelebɛbo la adwenle;

Daneɛle Buluku ne 4:25

Bɛbavoa wɔ bɛavi menli nu bɛamaa ɛ nee ɛbɔ nu nane ahɔdɛnla; ɛbali ndile kɛ ɛnlankɛ nyinli na ɛbɔlɛ adɔ ɛ nwo zo toonwo ɛvolɛ nsuu. Ɛhye anzi ɛbanwu kɛ Anwuma Anwumanli ne a sie ewiade a, yɛɛ ɔfa ɔmaa awie biala mɔɔ ɔkulo la.

Daneɛle Buluku ne 4:35

Aleɛabo amra amuala ɛnzɔho ɛhwee ɔ nye zo; ɔyɛ debie biala mɔɔ ɔkulo la wɔ anwuma amra nee aze amra avinli. Awie ɛngola ɛndua ye yɛɛ awie ɛngola ɛmbiza ye kɛ, ‘Duzu a ɛlɛyɛ la?’

Edwɛkpa ne kɛmɔ Mateyu hɛlɛle la 8:26

Gyisɛse zele bɛ kɛ, “Duzu ati a bɛle avoanvoanle zɛhae ɛ? Bɛ diedi le ekyi somaa!” Akee ɔdwazole na ɔdeanle anwoma ne nee azɛlɛkye ne mɔ nu na bɛguale diinyi.

Mɛla 31:8

Ɛdɛnkɛma a bali ɛ nyunlu nee wɔ ahɔ a. Ɔ nee wɔ balua. Ɔnrɛgyakyi wɔ yɛɛ ɔ rɛle ɛnrɛvi wɔ. Mmasulo yɛɛ mmamaa ɛ rɛle bɔ.”

Mɛla 7:18

Bɛmmasulo bɛ. Bɛhakye mɔɔ Ɛdɛnkɛma bɛ Nyamenle ne vale yɛle Yigyibiti belemgbunli ne nee ye maanlema amuala la.

Mɛla 7:21

Ɔnle kɛ bɛsulo bɛ, ɔluakɛ Ɛdɛnkɛma bɛ Nyamenle ne wɔ bɛ avinli. Ɔle Nyamenle kpole mɔɔ anwo yɛ ɛzulolɛ a.

Dwɔhyua Buluku ne 1:9

Kakye kɛ meze wɔ kɛ ɛgyinla kpundii. Mmamaa wɔ ahonle tu yɛɛ mmamaa ɛ nwo bubu wɔ, ɔluakɛ medame, Ɛdɛnkɛma wɔ Nyamenle ne, me nee wɔ lua ɛleka biala mɔɔ ɛkɔ la.”

Dwɔhyua Buluku ne 10:7

Na Dwɔhyua nee ye ɛlɔnema ne amuala, nee ye menli mɔɔ ze konle nye zo kpalɛ la zile nu vi Gelegale hɔle.

Dwɔhyua Buluku ne 10:8

Ɛdɛnkɛma zele Dwɔhyua kɛ, “Mmasulo bɛ na meva konimlilɛ memaa wɔ dɛbadɛba. Bɛ nuhua ko bɔbɔ ɛnrɛhola ɛ nyunlu gyinla.”

Dwɔhyua Buluku ne 2:24

na bɛzele Dwɔhyua kɛ, “Yɛdie yɛdi bɔkɔɔ kɛ Ɛdɛnkɛma ɛva maanle ne amuala ɛmaa yɛ; menli mɔɔ wɔ maanle ne anu la amuala ɛzulo yɛ.”

Dwɔhyua Buluku ne 6:2

Ɛdɛnkɛma zele Dwɔhyua kɛ, “Nea, meye Gyɛleko memaa wɔ. Sua ne azo belemgbunli ne nee ye ɛlɔnema mɔɔ anwo yɛ se la amuala wɔ ɛ bo.

Dwɔhyua Buluku ne 7:9

Keenama nee awie biala mɔɔ wɔ maanle ye anu la bade yɛ nwo edwɛkɛ. Bɛbarabɔ bɛayia yɛ na bɛabɔ yɛ bo zo bɔkɔɔ! Na duzu yɛɛ ɛkɛyɛ na wɔalie wɔ duma kpole ne wɔazie aze ɛ?”