Dwɔhyua Buluku ne 7:7 - BAEBOLO ANZƐƐ BULUKU NWUANZANWUANZA

⁷ Na Dwɔhyua hanle kɛ, “O, Awulae Nyamenle! Duzu ati yɛɛ wɔva yɛ wɔra azule Dwɔdan ye anzi ɛke, na wɔye yɛ wɔmaa Amɔlema kɛ bɛhu yɛ ɛ? Duzu ati yɛɛ yɛandɛnla Dwɔdan ne anzi lɔ a?

Dwɔhyua Buluku ne 7:7 ပူးပေါင်းရင်းမြစ်များ

2 Arl 3:10

Na Yizilayɛ belemgbunli ne zele kɛ, “Aa! amgba Ɛdɛnkɛma ɛvɛlɛ yɛdayɛ arelemgbunli nsa ye wɔ ɛke kɛ ɔbaye yɛ yeamaa Mowabema ahu yɛ! ”

Edwɛndolɛ Buluku ne 116:11

menvale ewugyemu menganle kɛ, “Anyelazo wɔ menli kɔsɔɔti anu le mgbane”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:3

Bɛzele Mosisi nee Aalɔn kɛ, “Ɔle kpalɛ kɛ anrɛɛ Ɛdɛnkɛma hunle yɛ wɔ Yigyibiti azɛlɛ zo. Ɛkɛ ne, yɛdɛnlanle aze yɛlile nane nee aleɛ yɛ ko yile tɛkɛɛ. Bɛva yɛ bɛragua fienemgbole ye anu bɛmaa ɛhɔne ahu menli pemgbenleamgbe ɛhye.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 17:3

Nzuhɔne hunle menli ne na bɛdendɛle bɛtiale Mosisi, bɛhanle kɛ, “Duzu ati a ɛvale yɛ ɛvile Yigyibiti, kɛ ɛ nee yɛ ba wɔamaa nzuhɔne ahu yɛ, ahu yɛ mra nee yɛ nlankɛ ɛ?”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:16

kɛ ɛhunle wɔ menli ne wɔ fienemgbole ne anu, ɔboalekɛ wɔangola bɛ fa kɔ azɛlɛ ne mɔɔ ɛvale ɛbɔle bɛ ɛwɔkɛ kɛ ɛbava wɔamaa bɛ la azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:3

Duzu ati bɔbɔ yɛɛ Ɛdɛnkɛma kɛva yɛ kɛra azɛlɛ ɛhye azo, kɛ yɛrawu dadeɛ nloa ɛ? Yɛ mraalɛ nee yɛ mra badɔ donvula. Duzu ati a yɛnrɛzia yɛnrɛhɔ Yigyibiti a?”

Edwɛkpa ne kɛmɔ Mateyu hɛlɛle la 17:17

Gyisɛse buale kɛ, “Bɛmɛ mɔɔ bɛnlɛ diedi na bɛfo a! Me nee bɛ ɛdɛnla, menyia bɛ nwo abotane ɔhɔdwu kenlenzu? Fa kakula nrenya ne bɛla ɛke.”

Edwɛkpa ne kɛmɔ Mateyu hɛlɛle la 17:20

Gyisɛse buale bɛ kɛ, “Ɔluakɛ bɛ diedi le ekyi la ati ɔ. Nɔhalɛ, meka meahile bɛ kɛ, saa bɛ diedi ne kpole le kɛ ‘mɛsetade’ ma kunlu ma ekyi bie bɔbɔ a, anrɛɛ bɛbahola bɛaze boka ɛhye kɛ, ‘Tudu kɔ nehane!’ na ɔkɛhɔ; eza debie biala ɛyɛlɛ ɛnrɛyɛ se ɛnrɛmaa bɛ. [

Kɛlata mɔɔ bɛhɛlɛle bɛhɔmanle Hibuluma la 12:5

Anzɛɛ bɛ rɛle ɛvi akɛnrazilɛ edwɛkɛ ne mɔɔ Nyamenle ka kile bɛ kɛ bɛle ɔ mra la ɔ? Ɔse, “Me ra, saa Awulae tea wɔ a die ye fɛlɛko nu, yɛɛ saa ɔtwi ɛ nyunlu a mmamaa ɛ rɛle bɔ.

Dwɔhyua Buluku ne 7:6

Dwɔhyua nee Yizilayɛ mgbanyima ne mɔ tetele bɛ adɛladeɛ ne mɔ bɛvale bɛhilele nyane mɔɔ ɛha bɛ la, na bɛdule bɛguale mutule nu wɔ Ɛdɛnkɛma Ngyekyeleɛ Ɛlɛka ne anyunlu, na bɛguale ɛkɛ ne toonwo nɔsolɛ nu; eza bɛvulale ɛnwea bɛguale bɛ ti zo bɛhilele kɛ bɛlɛdi nyane.

Dwɔhyua Buluku ne 7:8

O, Awulae, kɛkala mɔɔ Yizilayɛma ɛnriandi ɛvi bɛ kpɔvolɛma anyunlu la, duzu edwɛkɛ yɛɛ menga a?

Maanlebuvolɛma Buluku ne 20:23

Yizilayɛma ne hɔle Ɛzonlenlɛ Sua ne anu hɔzunle zɛlɛle toonwo nɔsolɛ; na bɛbizale Ɛdɛnkɛma kɛ, “Eza yɛva konle yɛhɔdoa yɛ mediema Bɛngyamanema ne bieko ɔ?” Ɛdɛnkɛma buale kɛ, “Bɛ nee bɛ ɛhɔho.”

1 Sam 4:3

Yizilayɛ ɛlɔnema mɔɔ hale la ziale rale bɛ azokoɛleɛ ne la, bɛ mgbanyima ne bizale kɛ, “Duzu ati a ɛnɛ Ɛdɛnkɛma ɛmaa Filisitiama ɛli yɛ nwo zo konim a? Bɛmaa yɛhɔ Hyaelo yɛhɔva Ɛdɛnkɛma Ngyekyeleɛ Ɛlɛka ne yɛrɛla ɛke, amaa yearadɛnla yɛ avinli na yealie yɛ yeavi yɛ kpɔvolɛma tumi ne abo.”