Dwɔhyua Buluku ne 7:5 - BAEBOLO ANZƐƐ BULUKU NWUANZANWUANZA

⁵ Eyaema voanle Yizilayɛma vile sua ne anuhɔlɛ kpole ne anloa na bɛvoanle bɛ toonwo bɛhɔdwule Hyɛbalem boka ne azo lɔ, bɛ sa hanle Yizilayɛma anu abulasa nee nsia bɛhunle bɛ wɔ boka ne ndololeɛ nu. Yizilayɛma anwo bubule bɛ na bɛzulole.

Dwɔhyua Buluku ne 7:5 ပူးပေါင်းရင်းမြစ်များ

Edwɛndolɛ Buluku ne 22:14

Bɛwola me bɛgua kɛ nzule la, me mbowule ɛhoatihoati; me ahonle le kɛ ɛyɛlɛ, yeholo me kunlu.

Edwɛndolɛ Buluku ne 58:7

Maa bɛze bɛhɔ kɛ azule mɔɔ ɛdukue la, maa bɛyɛ kɛ ndile, bɛtietia bɛ nwo zo, bɛgyengye.

Ayezaya Buluku ne 13:7

Ɛsalɛ biala anu bado, awie biala ahonle badu,

Yizikeɛle Buluku ne 21:7

Na saa bɛbiza wɔ kɛ, ‘Duzu ati a wɔgu ɛnwomenle kpole ɛhye’ a, ka kile bɛ kɛ nrɛlaleɛ ne mɔɔ ɛlɛba la ati ɔ. Saa nrɛlaleɛ ne ba a, awie biala ahonle badu. Bɛ sa nu batuto, bɛ nwo bagolo bɛ, na bɛ gyakɛ agbɔkɛ abili kɛ atɛ. Bɛdie, kɛ ɔlɛba ɛ, na ɔbayɛ zɔhane noko. Medame Awulae Nyamenle a mese a.”

Sɛlɛ 26:36

“Bɛdabɛ mɔɔ bɛbaha mɔɔ bɛbahye bɛ bɛahɔ nlɔnu la, mebamaa ahunlundetelɛ adɔ bɛ nwo mɔɔ ɛya mgbane mɔɔ kɛde la bamaa bɛanriandi a; bɛbanriandi kɛ menli mɔɔ ɛgua ndwɛlɛ aze wɔ konle nloa na bɛ kpɔvolɛma zi bɛ zo la, na bɛbadu bɛagua aze wɔ mekɛ mɔɔ awie ɛndoa bɛ la.

Nahum Buluku ne 2:10

Bɛdu Nenɛvɛ bɛfonyia! Bɛgologolo ye! Menli ne ahonle ɛdu; bɛngola gyinla; bɛ nwo wozo bɛ; bɛ nyunlu ɛza.

Mɛla 1:44

Na Amɔlema mɔɔ ɛnee de ɛkɛ ne maanle ne anu la vindele rayiale bɛ na bɛvoanle bɛ kɛ wolɛ foa menli la, bɛbole bɛ toonwo bɛradwule Hɔɔma, na bɛlile bɛ nwo zo konim wɔ Yidɔm awoka ne mɔ azo.

Dwɔhyua Buluku ne 2:11

Yɛdele la yɛzulole kpole, na ɔlua bɛmɛ bɛ ti, anwosesebɛ biala mɔɔ yɛlɛ la ɛwie. Ɔluakɛ Ɛdɛnkɛma bɛ Nyamenle ne a le Nyamenle wɔ anwuma lɔ nee azɛlɛ ye azo a.

Dwɔhyua Buluku ne 2:9

na ɔzele bɛ kɛ, “Meze kɛ Ɛdɛnkɛma ɛva azɛlɛ ye ɛmaa bɛ. Awie biala mɔɔ wɔ yɛ maanle ye anu la sulo bɛ, yɛɛ menli te bɛ nganeɛ a ɛnee ɛzulolɛ ɛha bɛ.

Dwɔhyua Buluku ne 5:1

Mɔɔ Amɔle arelemgbunli mɔɔ wɔ Dwɔdan adɔleɛ nee Keena arelemgbunli mɔɔ wɔ Mɛdetɛlenia Nyevile ne anloa lɔ la dele kɛ Ɛdɛnkɛma ɛmaa Azule Dwɔdan ne ɛsesa na yeye azɛlɛ resee yemaa Yizilayɛma ɛpɛ la, bɛ ahonle dule. Yizilayɛma ati, bɛ nwo mɔra dule bɔkɔɔ.