Dwɔhyua Buluku ne 7:26 - BAEBOLO ANZƐƐ BULUKU NWUANZANWUANZA

²⁶ Bɛhuohuanle awolɛ edukue kpole kpalɛ ɔ nwo zo; ɔtɛbɔ ɛkɛ ne ɛnɛ nee ɛnɛ ala. Yemɔti bɛfɛlɛ ɛkɛ ne Ngyegyelɛ Bɔnza. Na Ɛdɛnkɛma akunlu dwole fɔɔnwo.

Dwɔhyua Buluku ne 7:26 ပူးပေါင်းရင်းမြစ်များ

2 Sam 18:17

Bɛyele Abesalɛm funli ne na bɛvuandinle ye bɛdole kuma kpole bie anu wɔ kpɔkɛ ne anu. Bɛhuohuanle awolɛ edukue kpole bie ɔ nwo zo. Na Yizilayɛma kɔsɔɔti guale ɛbɔ nu. Ko biala hɔle ɔdaye ye sua zo.

2 Sam 21:14

Bɛziele Sɔɔlo nee ɔ ra Dwɔnatan mbowule ne mɔ wɔ Sɔɔlo ɔ ze Kehye nla ne anu wɔ Zila, wɔ Bɛngyaman maanzinli nu. Akee bɛyɛle mɔɔ belemgbunli ne hanle hilele bɛ la amuala. Na Nyamenle diele maanlema ne nzɛlɛlɛ.

2 Edk 29:10

“Kɛkala, mebɔ kpɔkɛ kɛ me nee Ɛdɛnkɛma, Yizilayɛ Nyamenle ne yɛyɛ ngyekyeleɛ, amaa yeaye ye ɛya kpole ne yɛ nwo zo.

Ɛzela Buluku ne 10:14

Bɛye mgbanyima bɛzie Gyɛlusalɛm ɛke bɛmaa bɛgyinla menli ne kɔsɔɔti agyakɛ anu na bɛhile kenle bɛmaa bɛdabɛ mɔɔ bɛgya nyɛvolɛ mraalɛ la ɛrɛla ɛranwu bɛ wɔ mekɛ mɔɔ bɛkɛhile la anu. Mekɛ mɔɔ bɛkɛhile sua biala azo amra la, saa bɛlɛba a ɔwɔ kɛ bɛ nee sua ne azo mgbanyima nee ndɛnebuavolɛma a ba a. Na bɛyɛ ye zɔhane kɔkpula kɛ Nyamenle ɛya kpole ne mɔɔ yeva wɔ ɛhye anwo la kɛha aze la.”

Edwɛndolɛ Buluku ne 85:4

O yɛ ngoanelielɛ Nyamenle, fa yɛ sie yɛ gyinlabelɛ dɛba ne, na maa ɛ kunlu ɛdwo yɛ nwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:12

Gua wɔ edwɛne azule nu; mmakakyi wɔ adwenle ɛmaa munzule to bɛ.

Ayezaya Buluku ne 40:2

Bɛdendɛ bɛtɛɛ bɛhile Gyɛlusalɛmma, na bɛdea nu bɛze bɛ kɛ bɛ ɛbɛla nu konle ne ɛwie; bɛva bɛ ɛtane bɛhyɛ bɛ. Na mɔɔ bɛ ɛtane ne mɔ ati bɛminlinle ye la Ɛdɛnkɛma bamaa bɛanyia ye mɔnwo.”

Ayezaya Buluku ne 65:10

Hyɛlɔn fienemgbole ne bayɛ adidileka amaa me menli ne mɔɔ ɛkpondɛ me bo zo la mboane nee nlankɛ, yɛɛ Ekɔ Bɔnza bayɛ ɛleka mɔɔ bɛ nlankɛ balie bɛ ɛnwomenle a.

Gyɛlɛmaya Awolɛyelɛ 3:53

bɛvuandinle me anyewɔzo bɛdole kuma nu, na bɛtotole awolɛ bɛbɔle me.

Hozia Buluku ne 2:15

Ɛkɛ ne, mebava ye vanye egyinli ne mɔ meamaa ye na meamaa Ngyegyelɛ Bɔnza ayɛ anyelazo anlenkɛ. Na ɛkɛ ne yɛɛ mefɛlɛ ye a ɔbalie zo, kɛmɔ ye mbɛlɛra nu mɔɔ ɔvi Yigyibiti ɔrale la ɔyɛle la.

Hozia Buluku ne 2:17

Ɔluakɛ menrɛmaa ɔnrɛbɔ Beeyale ne mɔ duma bieko, yɛɛ bɛnrɛbɔ bɛ duma bieko.

Dwowɛle Buluku ne 2:13

Bɛtete bɛ ahonle nu na tɛ bɛ adɛladeɛ nu ɔ.” Bɛzia bɛhɔ Ɛdɛnkɛma bɛ Nyamenle ne ɛkɛ, ɔluakɛ ɔle dovolɛ nee anwunvɔnezelɛnli; ɔnva ɛya mgbane mgbane, ye ɛhulolɛ kpundii ne le kpole, yɛɛ dahuu ɔfa ɛtane ɔkyɛ.

Dwowɛle Buluku ne 2:18

Akee Ɛdɛnkɛma hwenle ye azɛlɛ ne anwo nungule, na ɔnwunle ye menli ne anwunvɔne.

Dwona Buluku ne 1:15

Na bɛmanle Dwona zo bɛvuandinle ye bɛdole nyevile ne anu, na ɛkɛ ne ala nyevile ne guale diinyi.

Zɛkalaya Buluku ne 6:8

Nyamenle soanvolɛ ne deanle nu zele me kɛ, “Nea, mgbɔnwɔ ne mɔ mɔɔ ɛlɛkɔ ɛbɔ nu afoa nu la ɛmaa me Sunsum ne akunlu ɛdwo ɛbɔ nu afoa nu maanle ne anwo.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:8

ɔhɔle nrenya ne nee raalɛ ne anwo zo wɔ ndanlɛ sua ne anu, na ɔwowɔle bɛ ɔhunle bɛ. Ɛhye manle ewulenzane mɔɔ rale Yizilayɛma anwo zo la gyakyile,

Mɛla 13:17

Ninyɛne mɔɔ ɔwɔ kɛ bɛyela bɛ la, bɛmmafa bie, amaa Ɛdɛnkɛma agyakyi ye ɛya kpole ne mɔɔ yeva la na yeaze bɛ anwunvɔne, amaa saa bɛyɛ tieyɛ bɛmaa Ɛdɛnkɛma bɛ Nyamenle ne, na bɛdi ye mɛla ne mɔ mɔɔ melɛfa meamaa bɛ ɛnɛ la azo, bɛyɛ mɔɔ le kpalɛ la na bɛsɔ ɔ nye a, yeamaa bɛ nwo azo, kɛmɔ ɔvale ɔbɔle bɛ ze mɔ ɛwɔkɛ la.

Dwɔhyua Buluku ne 10:27

Mɔɔ sɛnzɛne ne ɛlɛkɔ ahɔdɔ la, Dwɔhyua manle bɛyeyele avunli ne mɔ na bɛvuandinle bɛ bɛguale bɔne ne mɔɔ ɛnee bɛvea nu la anu. Bɛhundole awolɛ mgbole bɛduale bɔne ne, na ɛnɛ nee ɛnɛ ala ɔtɛbɔ ɛkɛ.

Dwɔhyua Buluku ne 7:24

Dwɔhyua nee Yizilayɛma zɔle Zila angabɛnzo Ekan nu, bɛvale dwɛtɛ fufule ne, tɛladeɛ ne, yɛɛ ezukoa nvutuke ne; akee bɛvale Ekan amra mrenya nee mraalɛ, ye nlankɛ, mboane, asoaso, yɛɛ ndanlɛ sua ne nee debie biala mɔɔ ɔlɛ la bɛhɔle Ngyegyelɛ Bɔnza ne anu.

Dwɔhyua Buluku ne 8:29

Ɔhendanle Eyae belemgbunli ne wɔ baka kpole bie azo na ɔgyakyile ye ɛkɛ ne toonwo nɔsolɛ. Sɛnzɛne ne kadɔ la Dwɔhyua manle bɛhɔyele funli ne, na bɛvuandinle ye bɛdole Eyae suakpole ne anuhɔlɛ kpole ne anyunlu. Bɛhuanle awolɛ edukue kpole kpalɛ ko bɛhedale funli ne azo, na ɛnɛ nee ɛnɛ ala ɔtɛbɔ ɛkɛ ne.