Dwɔhyua Buluku ne 7:25 - BAEBOLO ANZƐƐ BULUKU NWUANZANWUANZA

²⁵ Akee Dwɔhyua bizale Ekan kɛ, “Duzu ati a wɔva ngyegyelɛ ɛhye wɔdo yɛ nwo ɛ? Ɛdɛnkɛma bava bie ado ɛ nwo ɛnɛ.” Na Yizilayɛma zile Ekan awolɛ manle ɔwule. Eza bɛzile ye sua nu amra amuala awolɛ bɛhunle bɛ na bɛyelale bɛ nee debie biala mɔɔ bɛlɛ la.

Dwɔhyua Buluku ne 7:25 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 34:30

Na Gyekɔbo zele Semɛyɔn nee Livae kɛ, “Bɛhwe dwɛwɔlɛ bɛmaa me, bɛmaa meyɛ Pɛlɛzema nee Keenama mɔɔ wɔ azɛlɛ ye azo la kpɔvolɛ. Yɛ nwo anzo, na saa bɛboɔboa bɛ nloa na bɛfa konle bɛtoa me a, bɛbabɔ medame nee me sua nu amra abo zo bɔkɔɔ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 38:24

Ɛhye anzi siane nsa, awie hanle hilele Dwuda kɛ, “Teemaa, mɔɔ le ɛ ra ne aye ne ɛbɔ tuutuu ɛbɛla, na yenrenzɛ.” Dwuda zele kɛ, “Bɛva ye bɛrɛla bɛmaa yɛyela ye.”

1 Edk 2:7

Kaamae ara Ekaa hwenle munzule kpole rɛlɛle Yizilayɛma, ɔluakɛ debie biala mɔɔ bɛkɛva bɛkɛbɔ azu bɛkɛmaa Nyamenle la ɛnee yehɔwua.

Mrɛlɛbulɛ Buluku ne 1:19

Bɛdabɛ mɔɔ bɛfa menli ɛhunlɛ bɛkpondɛ anwonyia la adenle kɛ de la ɛne; bɛdabɛ bɛ ngome bɛ kɔdiawu anwonyia ne pɛ ɔ nwo ku bɛ.

Mrɛlɛbulɛ Buluku ne 15:27

Sonla mɔɔ anye sɔ kpondɛ nvasoɛ amile nu la twehwe edwɛkɛ maa ye sua nu amra, na mɔɔ kyi ndoloboa la lɛ ngoane.

Sɛlɛ 20:14

Saa nrenya gya raalɛ na eza ɔfa ɔ ye ɔ nli a, ɔle amumuyɛ ɛbɛla. Bɛgua bɛ senle nu bɛyela bɛ, amaa zɛhae amumuyɛ ɛbɛla ne azi aze wɔ bɛ avinli.

Sɛlɛ 20:2

“Ka kile Yizilayɛma kɛ: Yizilayɛnli biala anzɛɛ ɛyɛvolɛ biala mɔɔ de Yizilayɛma avinli, mɔɔ kɛva ɔ ra kɛbɔ azu kɛmaa bozonle Molɛke la, bɛhu ye. Bɛdabɛ mɔɔ bɛwɔ maanle ne anu la ɛzi ye awolɛ ɛhu ye.

Sɛlɛ 21:9

Sɛlɛvolɛ ara raalɛ biala mɔɔ kɛzɛkye ɔ nwo kɛbɔ tuutuu ɛbɛla biala la ɛgua ɔ ze anyunlu aze. Ɔwɔ kɛ bɛto ye senle nu bɛyela ye.

Sɛlɛ 24:14

“Bɛva ahenle ne mɔɔ bɔle sasa ne la bɛvinde azokoɛleɛ ne kandiba lɔ, na bɛdabɛ mɔɔ bɛdele ye sasabɔlɛ ne la, biala ɛva ɔ sa ɛdo nrenya ne anwoma azo ɛli daselɛ, na akee ɛlɔne ne amuala ɛzi ye awolɛ ɛhu ye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:12

Me kunlu a anrɛɛ menli mɔɔ ɛlɛgyegye bɛ la kɛhɔ zo zɛhae ala na bɛkɛza bɛ nwo bɔbɔ.

Mɛla 13:10

Bɛzi ye awolɛ bɛhu ye, ɔboalekɛ ɔhulole kɛ bɛkɛhwe bɛ nwo bɛkɛvi Ɛdɛnkɛma bɛ Nyamenle ne mɔɔ yele bɛ vile Yigyibiti azɛlɛ zo, wɔ akɛlɛzonlenlɛ nu rale la anwo.

Mɛla 13:11

Na Yizilayɛma kɔsɔɔti bade, bɛbazulo, na bɛanyɛ amumuyɛ debie mɔɔ le zɛhae la bieko wɔ bɛ avinli.

Mɛla 17:5

bɛva ye bɛvinde suakpole ne anlenkɛ kpole ne anzi na bɛzi raalɛ anzɛɛ nrenya zɔhane awolɛ bɛhu ye.

Mɛla 21:21

Saa ɔba ye zɛhae a, bɛdabɛ mɔɔ bɛwɔ suakpole ne azo la ɛrazi ye awolɛ ɛhu ye, amaa bɛakpa munzule bɛavi sua ne azo. Yizilayɛma kɔsɔɔti bade na bɛazulo.

2 Tɛs 1:6

Ɛhye ati Nyamenle badua menli mɔɔ ɛlɛmaa bɛanwu nyane la amuala kakɛ,

Kɛlata mɔɔ bɛhɛlɛle bɛhɔmanle Hibuluma la 12:15

Bɛnlea boɛ na bɛ bie ande anvi Nyamenle ɛlolɛ ne anwo. Bɛnlea boɛ na bɛ bie angakyi ɔ nwo “baka gyangoyi” ambɛkɛbɛka mbaka gyɛne nwo anguhu ɔ gɔnwo mɔ.

Dwɔhyua Buluku ne 6:18

Na bɛmɛ, ɔnle kɛ bɛfa debie biala mɔɔ ɔwɔ kɛ bɛsɛkye ye la. Saa bɛfa debie a, bɛkɛmaa munzule kɛra Yizilayɛma anwo zo wɔ bɛ azokoɛleɛ ne.

Dwɔhyua Buluku ne 7:15

Sonla mɔɔ bɛkɛhye ye kɛ ninyɛne ne mɔ bie wɔ ye ɛkɛ ne la, bɛbayela ye nee debie biala mɔɔ ɔlɛ la. Ɔluakɛ yemaa anyiemgba ɛha Yizilayɛma, yɛɛ eza yedo me mɛla ne.”

1 Sam 14:29

Na Dwɔnatan zele kɛ, “Egya ɛbu amaamuo ɛtane ɛmaa menli ne. Wolɛ ekyi mɔɔ meli la, nea kɛ me nwo ekpundi me bie a.