Dwɔhyua Buluku ne 7:21 - BAEBOLO ANZƐƐ BULUKU NWUANZANWUANZA

²¹ ninyɛne mɔɔ yɛhonle yɛvale la menwunle anwuma tɛladeɛ kɛnlɛma bie mɔɔ bɛyɛle ye wɔ Babelonia la, dwɛtɛ fufule mɔɔ ye ɛnlomboɛ to kɛyɛ tone nu kilo nwiɔ, ezukoa nvutuke kpɔma ko mɔɔ kɛyɛ kilo foa ko la, na me nye bolole bɛ. Yemɔti menvale. Mevu meyɛ me ndanlɛ sua ne abo, na dwɛtɛ fufule ne a li ɔ bo kpalɛ a.”

Dwɔhyua Buluku ne 7:21 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 10:10

Alumua ne ɛnee Ɛlɛke, Akade, yɛɛ Kaleni, azuamgbole nsa ɛhye mɔ mɔɔ wɔ Babelonia maanle nu la amuala boka Nemelɔdo maanle ne anwo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:6

Yemɔti mɔɔ raalɛ ne nwunle kɛ baka ne ma ne le kɛnlɛma, na bɛdi a ɔle kpalɛ, na ɔwɔ kɛ sonla di bie na ɔnwu nrɛlɛbɛ la, ɔdele bie ɔlile, na ɔdele bie ɔhɔmanle ɔ hu lile.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 34:27

Gyekɔbo amra mrenya mɔɔ hale la rale menli mɔɔ bɛhu bɛ la avinli, na bɛwuale suakpole ne azo debie biala, ɔboalekɛ bɛgua bɛ diema raalɛ ne anyunlu aze.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:2

anwomanyunlu menli bie nwunle kɛ menli amra mraalɛ ne mɔ anwo yɛ fɛ; yemɔti bɛvale mɔɔ bɛdabɛ bɛkulo la bɛgyale bɛ.

2 Sam 11:2

Kenle ko, mɔɔ sɛnzɛne ne tolole aze bie, na Devidi vi ye ewiazo nafelɛ nu dunwuele la, ɔvole suakunlu ɛkɛ ne sua ne ati zo ɔkpɔsɛkpɔsale zolɛ. Na ɔnwunle kɛ raalɛ bie ɛlɛbia. Raalɛ ne anwo yɛ fɛ bo zolɛ.

2 Arl 7:8

Mɔɔ menli nna ne mɔɔ kokobɛ ɛdila bɛ la radwule azokoɛleɛ ne la bɛwolole ndanlɛ sua ko anu, bɛnyianle debie bɛlile na bɛnlonle, bɛvale dwɛtɛ fufule, ezukoa nvutuke, yɛɛ adɛladeɛ bɛvindele bɛhɔveale. Bɛziale bɛrale bieko na bɛwolole ndanlɛ sua fofolɛ nu, na bɛvale ninyɛne bɛvile ɛkɛ bɛhɔveale.

Dwobu Buluku ne 31:1

“Me nee me nye ɛyɛ ngyekyeleɛ; kɛ menrɛnlea bɛlɛra mɔɔ ɛnze nrenya la menrɛhulo ye.

Edwɛndolɛ Buluku ne 119:37

Ye me nye fi ninyɛne mgbane mgbane nwo, na maa me ngoane wɔ wɔ ndenle ne mɔ anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:17

“Bɛmmamaa bɛ nye bolo bɛ gɔnwo sua nu; bɛmmamaa bɛ nye bolo bɛ gɔnwo aye, anzɛɛ ye sonvolɛ nrenya, anzɛɛ ye sonvolɛ raalɛ, anzɛɛ ye ɛnlankɛ nyinli, anzɛɛ ye asoaso, anzɛɛ bɛ gɔnwo debie biala.”

Mrɛlɛbulɛ Buluku ne 1:19

Bɛdabɛ mɔɔ bɛfa menli ɛhunlɛ bɛkpondɛ anwonyia la adenle kɛ de la ɛne; bɛdabɛ bɛ ngome bɛ kɔdiawu anwonyia ne pɛ ɔ nwo ku bɛ.

Mrɛlɛbulɛ Buluku ne 23:31

Mmamaa ɛ nye bolo nwanye mɔɔ ɛwie be, ɔ nye le kɔkɔlɛ, na ɛgua ye kɔpo nu a ɔwu awubue na ɔgua aze bɛtɛɛ la.

Mrɛlɛbulɛ Buluku ne 28:22

Sonla mɔɔ le akyɛbɛ la pele anwonyia nwo, ɔndwenle nwolɛ kɛ kenle bie ɔbahyia.

Mrɛlɛbulɛ Buluku ne 4:23

Nea kɛ ɛsi ɛdwenle la boɛ, ɔluakɛ nuhua yɛɛ wɔ ngoane vi ba a.

Ayezaya Buluku ne 28:15

Kɛmɔ bɛha kɛ, “Yɛ nee ewule ɛyɛ ngyekyeleɛ, yɛɛ yɛ nee ɛbolɔ ɛyɛ ngyehyɛlɛ la, saa munzule kpole ne ba a ɔnrɛha yɛ, ɔluakɛ yɛmaa adalɛ ɛyɛ yɛ ɛvealeka, yɛɛ adalɛ nu a yɛnriandi yɛhɔvea a.”

Ayezaya Buluku ne 29:15

Munzule ɛha bɛdabɛ mɔɔ bɛfa bɛ adwenle ngyehyɛlɛ bɛfea Ɛdɛnkɛma, na bɛfa awozinli bɛwa bɛ nye bɛyɛ nyɛleɛ bie, na bɛka kɛ, “Nwane a nwu yɛ a? Nwane a ze yɛ a?” la.

Habakɛke Buluku ne 2:9

Munzule ɛha sonla ne mɔɔ fa adenle ɛtane zo kpondɛ anyiabɛnwo ba ye awuke nu, maa ye awuke ne yɛ bedevinli na ɔbɔ ɔ nwo bane, amaa awie biala angyegye ye la.

Edwɛkpa ne kɛmɔ Luku hɛlɛle la 12:15

Na ɔzɔle zolɛ ɔzele menli ne amuala kɛ, “Bɛmmayɛ anyebolo wɔ adenle biala anu, ɔboalekɛ sonla ngoane ɛnle ye anwonyia anzɛɛ ye ezukoa kpole mɔɔ ɔlɛ la anu.”

Edwɛkpa ne kɛmɔ Luku hɛlɛle la 12:2

Debie biala mɔɔ bɛheda zolɛ la, bɛbadukue zolɛ, yɛɛ debie biala mɔɔ vea la bala ali.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:3

Bɛle Nyamenle menli, zɔhane ati bɛye adwɔmanebɔlɛ anzɛɛ nyɛleɛ ɛtane ɛtane anzɛɛ anyebolo wɔ bɛ nu bɔkɔɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:5

Bɛde ɛhye abo kpalɛ, awie biala mɔɔ bɔ adwɔmane anzɛɛ ye ɛbɛla nwo ɛnde anzɛɛ ɔle anyebolo (anyebolo le awozonlezonlenlɛ) la ɛnrɛnyia agyadeɛ wɔ Kelaese nee Nyamenle Belemgbunlililɛ ne anu.

Mɛla 7:25

Bɛyela bɛ ananze ne mɔ mɔɔ bɛgua la kɔsɔɔti wɔ senle nu. Bɛmmamaa bɛ nye bolo ezukoa nvutuke anzɛɛ dwɛtɛ fufule ne mɔ mɔɔ bɛholo bɛgua nwolɛ la na anrɛɛ bɛkɛzua bɛ nwo ɛhane, ɔluakɛ bɛle Ɛdɛnkɛma bɛ Nyamenle ne kyibadeɛ.

Kɔlɔ 3:5

Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane, yɛɛ anyebolo, ɔluakɛ ɛhye mɔ ɛyɛlɛ le awozonle ɛzonlenlɛ.

Kɛlata mɔɔ bɛhɛlɛle bɛhɔmanle Hibuluma la 13:5

Bɛye ezukoa nwo anyebolo bɛvi bɛ ɛbɛla nu, na bɛmaa bɛ kunlu ɛdwo mɔɔ bɛlɛ ye la anwo. Ɔluakɛ Nyamenle ɛha ye kɛ, “Menrɛgyakyi bɛ ɛlɛ, yɛɛ me rɛle ɛnrɛvi bɛ fee.”

Gyemise Kɛlata ne 1:15

Saa ye munzule atiakunluwɔzo ne nrenzɛ a ɔwo ɛtane, yɛɛ ɛtane wie nyi a ɔwie ewule.

Dwɔhyua Buluku ne 7:20

Ekan buale kɛ, “Nɔhalɛ, meyɛ ɛtane metia Ɛdɛnkɛma mɔɔ le Yizilayɛ Nyamenle ne. Mɔɔ menyɛle la ɛne:

Dwɔhyua Buluku ne 7:22

Zɔhane ati Dwɔhyua zoanle menli manle bɛhɔle Ekan ndanlɛ sua ne anu na bɛhɔnwunle ninyɛne ne kɛ yevu yeyɛ, na dwɛtɛ fufule ne li ɔ bo kpalɛ.

2 Pit 2:15

Bɛgyakyi adenle kpalɛ ne na bɛminli nwɔnda; bɛva Biyɔ ara Beelam mɔɔ doale ezukoa anyebolo na ɔlile ɛtane