Dwɔhyua Buluku ne 7:16 - BAEBOLO ANZƐƐ BULUKU NWUANZANWUANZA

¹⁶ Aleɛ hyenle nwonlomɔ mangyee ne la, Dwɔhyua vale Yizilayɛma ne rale, ɔvale bɛ abusua ekpunli ekpunli ɔvindele Ɛdɛnkɛma anyunlu na bɛyele Dwuda abusua ekpunli ne.

Dwɔhyua Buluku ne 7:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:3

Yemɔti Ebileham dwazole nwonlomɔ mangyee ne ala na ɔzieziele ye asoaso ne, ɔvale ye sonvolɛma nwiɔ yɛɛ ɔ ra Ayezeke; akee ɔpepɛle ɛyɛne ne mɔɔ ɔfa yeayela azubɔdeɛ ne la, na ɔhɔle ɛleka ne mɔɔ Nyamenle ɛha kɛ ɔhɔ la.

Edwɛndolɛ Buluku ne 119:60

Meka me nwo, mensisi aze kɛ menwɔli wɔ mɛla ne mɔ azo.

Nolo 9:10

Debie biala mɔɔ ɛkɛzɔ nu kɛ ɛyɛ la, fa wɔ anwosesebɛ yɛ, ɔluakɛ gyima anzɛɛ ndwenlenwo anzɛɛ adwenle anzɛɛ nrɛlɛbɛ biala ɛnle Ɛbolɔ mɔɔ ɛlɛkɔ la.

Dwɔhyua Buluku ne 3:1

Aleɛ hyenle la Dwɔhyua nee Yizilayɛma amuala dwazole nwonlomɔ mangyee ne ala; bɛvi Akasea azokoɛleɛ ne bɛdule bɛ bo bɛrazokoɛle Dwɔdan ne anloa bɛrahendɛle bɛ nwo kolaa na bɛapɛ.

Dwɔhyua Buluku ne 7:15

Sonla mɔɔ bɛkɛhye ye kɛ ninyɛne ne mɔ bie wɔ ye ɛkɛ ne la, bɛbayela ye nee debie biala mɔɔ ɔlɛ la. Ɔluakɛ yemaa anyiemgba ɛha Yizilayɛma, yɛɛ eza yedo me mɛla ne.”

Dwɔhyua Buluku ne 7:17

Akee ɔmanle abusua ekpunli ne anu amra rale ye mrɛladane nu, na ɔbɔle Zila asa azo ne. Dwɔhyua manle Zila asa azo ne ragyinlanle ye awuke awuke nu, na ɔbɔle Zabedae awuke nu amra.

Maanlebuvolɛma Buluku ne 20:19

Nwonlomɔ ne, Yizilayɛma ne hɔdɛle Gebɛya kandiba.