Dwɔhyua Buluku ne 7:13 - BAEBOLO ANZƐƐ BULUKU NWUANZANWUANZA

¹³ Dwazo! Maa menli ne ɛde bɛ nwo na bɛrɛla me nyunlu ɛke. Bɛziezie bɛ nwo bɛrɛla me nyunlu ɛke ɛhyema, ɔboalekɛ medame, Yizilayɛ Ɛdɛnkɛma Nyamenle ne, melɛ ɛhye meka meahile bɛ: ‘Yizilayɛma, ninyɛne mɔɔ menganle kɛ bɛzɛkye bɛ la bie mɔ vea bɛ nwo ɛkɛ! Bɛnrɛhola bɛ kpɔvolɛma anyunlu gyinla ɛlɛ, kyesɛ bɛminli ninyɛne ɛhye mɔ abo zo.’

Dwɔhyua Buluku ne 7:13 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 34:27

Gyekɔbo amra mrenya mɔɔ hale la rale menli mɔɔ bɛhu bɛ la avinli, na bɛwuale suakpole ne azo debie biala, ɔboalekɛ bɛgua bɛ diema raalɛ ne anyunlu aze.

2 Edk 28:10

Akee eza kɛkala bɛkpondɛ kɛ bɛsisi Dwuda nee Gyɛlusalɛm mraalɛ nee mrenya anwo zo bɔkɔɔ na bɛyɛ bɛ kɛ ahanra. Na bɛnze kɛ bɛdabɛ noko bɛyɛ ɛtane bɛtia Ɛdɛnkɛma, bɛ Nyamenle ne ɔ?

Edwɛkpa ne kɛmɔ Mateyu hɛlɛle la 7:5

Wɔmɔ nabalabanli! Dumua ye dubinli ne mɔɔ la ɛ nye zo la na wɔanwu debie kpalɛ, na wɔahola wɔaye mumunli ne mɔɔ la ɛ diema ne anye zo la.

Mɛla 13:6

“Saa ɛdawɔ ɛ nli ara nrenya anzɛɛ ɛ ra nrenya anzɛɛ raalɛ, anzɛɛ ɛ ye mɔɔ la wɔ ahonle nwo, anzɛɛ ɛ gɔnwo mɔɔ tɛla ɛ nli ara bɔbɔ la pe fealera adenle nu bɛlɛbɛla wɔ kɛ ɛmaa bɛhɔzonle awozonle mɔɔ bɛ nlenya mɔ anzonle bie la,

Dwɔhyua Buluku ne 3:5

Dwɔhyua zele menli ne kɛ, “Bɛdu bɛ nwo bɛzie ahane bɛmaa Ɛdɛnkɛma, ɔboalekɛ ɛhyema Ɛdɛnkɛma bayɛ nwanwane ninyɛne ahile bɛ.”

Dwɔhyua Buluku ne 6:18

Na bɛmɛ, ɔnle kɛ bɛfa debie biala mɔɔ ɔwɔ kɛ bɛsɛkye ye la. Saa bɛfa debie a, bɛkɛmaa munzule kɛra Yizilayɛma anwo zo wɔ bɛ azokoɛleɛ ne.

Dwɔhyua Buluku ne 7:11

Yizilayɛma ɛyɛ ɛtane. Bɛdo me mɛla ne mɔɔ menvale memanle bɛ la. Bɛva ninyɛne ne mɔɔ ɔwɔ kɛ bɛsɛkye bɛ la bie. Bɛwuale, bɛbɔle nwolɛ adalɛ na bɛva bɛvea bɛ ninyɛne nu.