Dwɔhyua Buluku ne 7:11 - BAEBOLO ANZƐƐ BULUKU NWUANZANWUANZA

¹¹ Yizilayɛma ɛyɛ ɛtane. Bɛdo me mɛla ne mɔɔ menvale memanle bɛ la. Bɛva ninyɛne ne mɔɔ ɔwɔ kɛ bɛsɛkye bɛ la bie. Bɛwuale, bɛbɔle nwolɛ adalɛ na bɛva bɛvea bɛ ninyɛne nu.

Dwɔhyua Buluku ne 7:11 ပူးပေါင်းရင်းမြစ်များ

2 Arl 18:12

Samɛlea bɔle, ɔluakɛ Yizilayɛma anyɛ tieyɛ ammaa Ɛdɛnkɛma bɛ Nyamenle ne. Bɛbulule ngyekyeleɛ ne mɔɔ ɔ nee bɛ yɛle la azo, na bɛdule bɛ gye wɔ Ɛdɛnkɛma mɛla ne mɔɔ ɔvale ɔmanle Mosisi la anwo. Bɛandie ye yɛɛ bɛanyɛ tieyɛ bɛammaa ye.

2 Arl 5:24

Bɛhɔdwule boka ne mɔɔ Yilaehya wɔ zo la abo la, Gɛheezae liele ninyɛne ne na ɔvale ɔhɔguale ye sua ne mɔɔ ɔda nu la anu na ɔmanle menli ne mɔ ziale.

Ayezaya Buluku ne 24:5

Menli mɔɔ wɔ ewiade la ɛzɛkye azɛlɛ ye, ɔluakɛ bɛbulu Nyamenle mɛla ne mɔ azo, bɛzɛkye ye ngyehyɛlɛ ne mɔ na bɛtulu ye damɛnlangoate ngyekyeleɛ ne.

Gyɛlɛmaya Buluku ne 31:32

Ngyekyeleɛ ɛhye ɛnrɛyɛ kɛ mɔɔ me nee bɛ ze mɔ vi Yigyibiti ba la me nee bɛ yɛle la. Ɛnee mele kɛ kunli memaa bɛ, noko bɛanli me ngyekyeleɛ zɔhane azo.

Hozia Buluku ne 6:7

“Bɛle kɛ Adam la, bɛtulule ngyekyeleɛ ne mɔɔ me nee bɛ kyekyele la, bɛanli nɔhalɛ bɛammaa me.

Sɛlɛ 5:15

“Saa awie anye ɛnla nwolɛ na ɔyɛ ɛtane kɛ yebu ɔ nye yegua ye diedi gyima zo, mɔɔ fane Ɛdɛnkɛma ninyɛne nwuanzanwuanza ne mɔ anwo a, ɔwɔ kɛ ɔfa fɔlɛlilɛ azubɔdeɛ ɔbɛlɛ Ɛdɛnkɛma. Ɔwɔ kɛ ɔfa boane nyinli mɔɔ anwo ɛnlɛ dɛne, na ɛdawɔ ɛkɛnlea ɛkɛpɛ ye bolɛ wɔ dwɛtɛ fufule nu, kɛmɔ bɛdi ye wɔ ɛleka nwuanzanwuanza ne la; ɔle fɔlɛlilɛ azubɔdeɛ.

Habakɛke Buluku ne 2:6

Asoo menli ɛhye mɔ amuala ɛnrɛhakyi bɛ nwo ɛnrɛbɔ ye aholoba, ɛnrɛzi ye amgbu, na bɛnrɛze kɛ, “Munzule ɛha sonla ne mɔɔ kuohua mɔɔ ɛnle ye ɛdeɛ la anloa fa yɛ ye ɛdeɛ la. Kenlenzu yɛɛ ɔkɛgyakyi awoba ninyɛne ɛlielɛ a?”

Zɛkalaya Buluku ne 5:4

Tumivolɛ Ɛdɛnkɛma se ɔbazoa ye yeamaa yeawolo awule awuke biala nee bɛdabɛ mɔɔ bɛfa ye duma bɛka ndane adalɛ la biala awuke nu, na ɔbadɛnla ɛkɛ ne toonwo kɔkpula kɛ sua zɔhane kɛyɛ suadu, na nuhua mbaka nee awolɛ kɛgologolo kɛgua la.”

Edwɛkpa ne kɛmɔ Mateyu hɛlɛle la 22:21

Bɛzele kɛ, “Siza ɔ.” Gyisɛse zele bɛ kɛ, “Ɛnee bɛva mɔɔ le Siza ɛdeɛ la bɛmaa ye ɛ, na bɛva mɔɔ le Nyamenle ɛdeɛ noko la bɛmaa ye.”

Ɛzoanvolɛma Gyima ne 5:9

Na Pita zele ye kɛ, “Duzu ati a ɛ nee ɛ hu bɛyɛ adwenle ko kɛ bɛbazɔ Awulae Sunsum ne bɛanlea ɛ? Nea, menli mɔɔ hɔziele ɛ hu la agyakɛ abo a ɛte ye wɔ anuhɔlɛ lɔ la, na bɛ nee ɛdawɔ noko bahɔ.”

Mɛla 17:2

“Saa bɛwɔ bɛ azua mɔɔ Ɛdɛnkɛma bɛ Nyamenle ne bava amaa bɛ la azo na bɛte kɛ nrenya bie anzɛɛ raalɛ bie ɛyɛ ɛtane ɛtia Ɛdɛnkɛma bɛ Nyamenle ne, yebulu ngyekyeleɛ ne azo,

Kɛlata mɔɔ bɛhɛlɛle bɛhɔmanle Hibuluma la 4:13

Wɔ Nyamenle anyunlu, debie biala ɛnvea; debie biala mɔɔ wɔ aleɛabo la la ɔ nyunlu wienyi, na yemɔ yɛɛ yɛbabu yɛ mgbonda yɛahile ye a.

Dwɔhyua Buluku ne 23:16

Saa bɛanli mɛla ne mɔɔ Ɛdɛnkɛma bɛ Nyamenle ne ɛva ɛmaa bɛ la azo, na bɛsonle anzɛɛ bɛyeyɛ awozonle a, yemɔ, ɔbava ɛya na yeadea bɛ. Na bɛ nuhua ko bɔbɔ ɛnrɛha azɛlɛ kɛnlɛma ye mɔɔ yeva yemaa bɛ la azo.”

Dwɔhyua Buluku ne 7:1

Ɛdɛnkɛma mɛla ne mɔɔ ɔlile ɔmanle Yizilayɛma kɛ awie biala mmafa ɔ sa ka debie biala mɔɔ ɔwɔ kɛ bɛsɛkye ye wɔ Gyɛleko la, bɛanli zolɛ. Nrenya bie mɔɔ bɛfɛlɛ ye Ekan la donle mɛla ne. Ɛdɛnkɛma vale Yizilayɛma anwo ɛya kpole. (Ekan le Zila angabɛnzo. Ɔ ze a le Kaamae yɛɛ ɔ nlenya a le Zabedae. Ɔbɔ Dwuda abusua ekpunli ne bie.)

Dwɔhyua Buluku ne 7:10

Ɛdɛnkɛma zele Dwɔhyua kɛ, “Dwazo! Duzu ati a ɛla ye mutule nu zɛhae ɛ?

Maanlebuvolɛma Buluku ne 2:20

Ɛdɛnkɛma vale Yizilayɛma anwo ɛya na ɔzele kɛ, “Kɛmɔ menli ɛhye mɔ ɛtulu me ngyekyeleɛ ne mɔɔ me nee bɛ ze mɔ kyekyele, na bɛandie me ne la,

1 Sam 14:38

Na Sɔɔlo zele mgbanyima ne mɔ kɛ, “Bɛrɛla, bɛranlea ɛtane mɔɔ ɛnɛ bɛyɛ la.