Dwɔhyua Buluku ne 7:1 - BAEBOLO ANZƐƐ BULUKU NWUANZANWUANZA

¹ Ɛdɛnkɛma mɛla ne mɔɔ ɔlile ɔmanle Yizilayɛma kɛ awie biala mmafa ɔ sa ka debie biala mɔɔ ɔwɔ kɛ bɛsɛkye ye wɔ Gyɛleko la, bɛanli zolɛ. Nrenya bie mɔɔ bɛfɛlɛ ye Ekan la donle mɛla ne. Ɛdɛnkɛma vale Yizilayɛma anwo ɛya kpole. (Ekan le Zila angabɛnzo. Ɔ ze a le Kaamae yɛɛ ɔ nlenya a le Zabedae. Ɔbɔ Dwuda abusua ekpunli ne bie.)

Dwɔhyua Buluku ne 7:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 34:27

Gyekɔbo amra mrenya mɔɔ hale la rale menli mɔɔ bɛhu bɛ la avinli, na bɛwuale suakpole ne azo debie biala, ɔboalekɛ bɛgua bɛ diema raalɛ ne anyunlu aze.

2 Sam 24:1

Eza Ɛdɛnkɛma vale Yizilayɛma anwo ɛya bieko, na ɔmanle Devidi ahonle futule bɛ nwo. Ɔzele ye kɛ, “Kɔ kɔdia Yizilayɛma nee Dwudama kɔsɔɔti.”

2 Arl 5:24

Bɛhɔdwule boka ne mɔɔ Yilaehya wɔ zo la abo la, Gɛheezae liele ninyɛne ne na ɔvale ɔhɔguale ye sua ne mɔɔ ɔda nu la anu na ɔmanle menli ne mɔ ziale.

1 Edk 21:7

Nyamenle anye anlie deɛ ɛhye anwo, yemɔti ɔdeanle Yizilayɛma.

2 Edk 24:18

Bɛgyakyile ɛzonlenlɛ wɔ Ɛdɛnkɛma, bɛ ze mɔ Nyamenle ne Ɛzonlenlɛ Sua ne anu, na bɛhɔzonlenle bɛ bozonle raalɛ Ahyela ne ananze ne mɔ, na bɛzɔle mmonle. Na Nyamenle ɛya ne rale Gyɛlusalɛm amra nee Dwudama amuala anwo zo.

Ɛzela Buluku ne 9:6

“O me Nyamenle, ɔyɛ me anyiemgba na ɔyɛ me nyiane bɔbɔ kɛ menwɔkpogya me nye zo menwɔnlea wɔ a, ɔluakɛ yɛ amumuyɛ ɛbɛla ne ɛbo zolɛ na yɛ ɛtane ne mɔ ɛdwu ɛ nyunlu.

Dwobu Buluku ne 35:8

Wɔ amumuyɛ ne mɔ ka sonla mɔɔ le kɛ ɛdawɔ la, yɛɛ wɔ tenleneyɛlɛ ka sonla ala.

Nolo 9:18

Nrɛlɛbɛ le kpalɛ tɛla konle adu, na ɛtanenli kokye sɛkye ninyɛne kpalɛ dɔɔnwo.

Daneɛle Buluku ne 9:7

Wɔmɔ, O Awulae, dahuu ɛyɛ mɔɔ le tenlene la, na yɛmɛ, ɛnɛ nee ɛnɛ ala, yɛtɛgua yɛ nyunlu aze, yɛdayɛ mɔɔ yɛwɔ Dwuda la o, yɛdayɛ mɔɔ yɛwɔ Gyɛlusalɛm la o, bɛnye bie. Zɔhane ala yɛɛ Yizilayɛma kɔsɔɔti, bɛdabɛ mɔɔ bɛwɔ sua nu nee bɛdabɛ mɔɔ ɔlua bɛ nyɛleɛ ɛtane mɔɔ bɛyɛ bɛtia wɔ la ati wɔkponde bɛ maanle maanle zo la de a.

Sɛlɛ 10:6

Na Mosisi zele Aalɔn nee ɔ mra mrenya Ɛlieza nee Yetamaa kɛ, “Bɛmmamaa bɛ ti enrinli kendɛhenda nwolɛ yɛɛ bɛmmasuosua bɛ adɛladeɛ nu bɛkile kɛ bɛlɛdi nyane, anrɛɛ bɛkɛwu, na bɛkɛmaa bɛkɛva menli mɔɔ ɛrayia ɛke la amuala anwo ɛya. Noko bɛ mediema Yizilayɛma amuala kola su bɛ wɔ senle ɛhye mɔɔ Ɛdɛnkɛma ɛva ɛyela bɛ la ati.

Dwona Buluku ne 1:7

Na bɛhanle bɛhilele bɛ nwo ngoko ngoko kɛ, “Bɛrɛla bɛmaa yɛgua nzeleba yɛkpondɛ sonla holɛ ko ne mɔɔ ɔlua ɔ ti munzule kpole ɛhye ɛdo yɛ la.” Bɛguale nzeleba ne la, ɔbɔle Dwona.

Dwɔhyua Buluku ne 22:16

Bɛgyinlanle Ɛdɛnkɛma menli ne mɔ amuala agyakɛ anu bɛbizale bɛ kɛ, “Duzu munzule debie a bɛyɛ bɛtia Yizilayɛ Nyamenle ne la? Saa bɛzi azukponle ɛhye bɛmaa bɛ nwo a ɛnee bɛkpo Ɛdɛnkɛma! Bɛkpo kɛ bɛnrɛdoa ɔ bo zo bieko!

Dwɔhyua Buluku ne 22:18

Yemɔti ɛnɛ noko eza bɛkpo kɛ bɛnrɛdoa ye ɔ? Saa bɛkpo Ɛdɛnkɛma ɛnɛ a, ɛhyema ɔbava Yizilayɛnli biala anwo ɛya.

Dwɔhyua Buluku ne 22:20

Bɛhakye Zila ara Ekan. Yeanli mɛla ne mɔɔ fane ninyɛne mɔɔ ɔwɔ kɛ bɛsɛkye bɛ la azo la, ɔmanle Yizilayɛma amuala nyianle nwolɛ ndeanlɛ. Tɛ Ekan angome a wule wɔ ye ɛtane ne mɔɔ ɔyɛle la ati a.”