Dwɔhyua Buluku ne 6:7 - BAEBOLO ANZƐƐ BULUKU NWUANZANWUANZA

⁷ Akee ɔzele menli ne amuala kɛ, “Bɛhɔ! Bɛdia kilikili bɛbɔ suakpole ye mgbɔlɔka bɛyia. Bɛdabɛ mɔɔ bɛdedɛ konle ninyɛne la ɛpɛ ɛli Ɛdɛnkɛma Ngyekyeleɛ Ɛlɛka ne anyunlu.”

Dwɔhyua Buluku ne 6:7 ပူးပေါင်းရင်းမြစ်များ

Dwɔhyua Buluku ne 1:14

Bɛ ye mɔ, bɛ mra yɛɛ bɛ nlankɛ ne mɔ baha ɛke wɔ azɛlɛ ye mɔɔ Mosisi ɛva ɛmaa bɛ la azo, na bɛ ɛlɔnema ne mɔ mɔɔ kola ko la apɛ azule ne ahɔboa bɛ mediema Yizilayɛma wɔ Dwɔdan ne anzi lɔ,

Dwɔhyua Buluku ne 4:13

Mrenya kɛyɛ apenle ngoko abulanla a boɔboale bɛ nwo a; bɛvuale bɛhilele Ɛdɛnkɛma kɛ bɛkɔ konle nloa na bɛhɔle Gyɛleko fienemgbole ne anu lɔ.

Dwɔhyua Buluku ne 6:3

Ɛbava wɔ ɛlɔnema ne mɔ wɔadia kilikili wɔabɔ suakpole ne mgbɔlɔka wɔayia kenle ko biala. Bɛbayɛ ɛhye toonwo kenle nsia.

Dwɔhyua Buluku ne 6:6

Nɛn ara Dwɔhyua vɛlɛle sɛlɛvolɛma ne na ɔzele bɛ kɛ, “Bɛva Ngyekyeleɛ Ɛlɛka ne na bɛ nuhua nsuu ɛva mɛne aweɛne ne mɔ na bɛhɔli Ɛdɛnkɛma Ngyekyeleɛ Ɛlɛka ne anyunlu.”

Dwɔhyua Buluku ne 6:8

Yemɔti, kɛmɔ Dwɔhyua hanle ala la, Yizilayɛ ɛlɔnema ne bie mɔ lumuale, sɛlɛvolɛma ne mɔɔ dedɛ mɛne aweɛne ne mɔ la doa bɛ na bɛlɛbɔ bɛ aweɛne ne mɔ; akee sɛlɛvolɛma ne mɔɔ zo Ɛdɛnkɛma Ngyekyeleɛ Ɛlɛka ne la doa zo, yɛɛ ɛlɔnema ne mɔɔ ɛha la li bɛ nzi. Mekɛ ɛhye amuala ɛnee aweɛne ne la zo.