Dwɔhyua Buluku ne 6:4 - BAEBOLO ANZƐƐ BULUKU NWUANZANWUANZA

⁴ Ɛbamaa sɛlɛvolɛma nsuu ava mboane mɛne nsuu ayɛ aweɛne na bɛali Ngyekyeleɛ Ɛlɛka ne anyunlu. Kenle ne mɔɔ tɔ zolɛ nsuu la, ɛ nee wɔ ɛlɔnema ne bɛdia kilikili bɛbɔ sua bɔdenle ne mgbɔlɔka fane nsuu. Mekɛ ɛhye amuala ɛnee sɛlɛvolɛma ne ɛlɛwu bɛ aweɛne ne mɔ anu.

Dwɔhyua Buluku ne 6:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:3

Yemɔti Nyamenle yilale kenle ne mɔɔ tɔ zolɛ nsuu ne la azo, na ɔyɛle ye kenle nwuanzanwuanza, ɔboalekɛ kenle zɔhane a ɔvale ɔliele ye ɛnwomenle, ɔyele ɔ sa wɔ gyima mɔɔ ɔbɔ ewiade la ɔyɛle la anwo a.

1 Arl 18:43

Akee ɔzele ye sonvolɛ ne kɛ, “Kɔ ɛ nyunlu na to ɛ nye nyevile nu.” Sonvolɛ ne hɔle na ɔrahanle kɛ, “Mennwu debie wɔ nehane.” Yilaegya zele ye kɛ, “Kɔ zɔhane fane nsuu.”

2 Arl 5:10

Na Yilaehya zoanle ye sonvolɛma ne mɔ ko manle ɔrazele ye kɛ, “Kɔbia Azule Dwɔdan ne anu fane nsuu na ɛ nwo baza na wɔ nwonane ne ayɛ kɛ ye dɛba ne ala la.”

2 Arl 5:14

Na Neeman hɔle Dwɔdan ne anloa na ɔdɔle nu fane nsuu kɛmɔ Yilaehya zele ye la, na ɔdele kpɔkɛ bɔkɔɔ. Ye nwonane ne yɛle kɛnlɛma kɛ adɔma nwonane la.

2 Edk 13:12

Bɛnlea o, na Nyamenle nee yɛ a lua a, yɛɛ yemɔ yɛɛ li yɛ ti a. Ye sɛlɛvolɛma ne babɔ bɛ aweɛne ndendenle ne mɔ anu bɛamaa konle ne atia bɛ. O Yizilayɛma, bɛ nee bɛ ze mɔ Ɛdɛnkɛma Nyamenle ne mmako, ɔluakɛ bɛnrɛhola ɔ nyunlu gyinla.”

2 Edk 20:17

Dwudama nee Gyɛlusalɛmma, ɔnrɛhyia kɛ bɛkɛho bɔbɔ wɔ konle ɛhye anu. Bɛmɛ bɛgyinla bɛ bo zo ne, bɛmmatu bɛ bo, na bɛnlea kɛ Ɛdɛnkɛma bazi aho bɛ ti ali konim la.’ Bɛmmasulo, yɛɛ bɛmmamaa bɛ rɛle bɔ. Ɛhyema bɛhɔteta bɛ na Ɛdɛnkɛma nee bɛ bahɔ.”

2 Edk 20:19

Na Livaema mɔɔ bɔ Kohate nee Kɔla mbusua ne bie la dwazole deɛdeanle nu yele Ɛdɛnkɛma, Yizilayɛ Nyamenle ne ayɛlɛ.

2 Edk 20:21

Akee ɔ nee menli ne bɛhanle bɛ ti bɛkpulale nwolɛ na ɔyele menli mɔɔ ɛwula ɛzonlenlɛ adɛladeɛ ɛli ɛlɔnema ne ati la, na ɔzele bɛ kɛ bɛdo edwɛne bɛmaa Ɛdɛnkɛma na bɛye ye ayɛlɛ bɛze kɛ, “Bɛyɛ Ɛdɛnkɛma mo, ɔluakɛ ye ɛhulolɛ kpundii ne ɛnlɛ awieleɛ.”

Dwobu Buluku ne 42:8

Yemɔti bɛva nlankɛ nyinli nsuu nee mboane nyinli nsuu bɛhɔ me sonvolɛ Dwobu anwo ɛkɛ ne bɛhɔbɔ ɛyelalɛ azu wɔ bɛdabɛ bɛ ti, na me sonvolɛ Dwobu bazɛlɛ amaa bɛ, ɔluakɛ mebadie ye nzɛlɛlɛ ne, na me nee bɛ ɛnrɛli ye kɛ mɔɔ bɛ ɛtane ne mɔ de la, ɔboalekɛ bɛanga me nwo edwɛkɛ kpalɛ kɛ mɔɔ me sonvolɛ Dwobu hanle la.”

Ayezaya Buluku ne 27:13

Mekɛ ne anu bɛbabɔ aweɛne tendenle kpole ne anu, na bɛdabɛ mɔɔ bɛminlinle bɛhɔle Aselea azɛlɛ zo, nee bɛdabɛ mɔɔ bɛvoanle bɛ bɛmanle bɛhɔle Yigyibiti azɛlɛ zo la bara na bɛarazonle Ɛdɛnkɛma wɔ Boka Nwuanzanwuanza ne azo wɔ Gyɛlusalɛm.

Sɛlɛ 14:16

na yeava ɔ sa fema ɛrɛlɛsɛka yeabɔ nwole ne mɔɔ wɔ ɔ sa bɛne ne anu la anu yeava yeakponde Ɛdɛnkɛma anyunlu ɛkɛ ne fane nsuu.

Sɛlɛ 4:6

Akee ɔbava ɔ sa ɛrɛlɛsɛka yeabɔ mogya ne anu na yeakponde ye Ɛdɛnkɛma anyunlu ɛkɛ wɔ mgbɛnu ɛdanlɛ ne mɔɔ wɔ nwuanzanwuanza ɛleka ne la anyunlu fane nsuu.

Zɛkalaya Buluku ne 4:2

Na ɔbizale me kɛ, “Duzu a ɛnwu ye a?” Membuale ye kɛ, “Menwu ezukoa nvutuke kɛnlaneɛbaka, dwora gyi zolɛ, na ahɛnlaneɛ nsuu gyigyi zolɛ. Kɛnlaneɛ ne mɔ mɔɔ gyigyi kɛnlaneɛbaka ne azo la, ko biala anloa nsuu.

Zɛkalaya Buluku ne 4:6

Na ɔzele me kɛ, “Edwɛkɛ mɔɔ Ɛdɛnkɛma ɛlɛka ahile Zɛlubabɛle la ɛne: Tɛ anwosesebɛ anzɛɛ tumi, na me Sunsum ne yɛɛ ɛbava wɔali konim a, medame Tumivolɛ Ɛdɛnkɛma a mese a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:1

Beelam hanle hilele Beelake kɛ, “Sisi azukponle nsuu wɔ ɛke maa me, na fa nlankɛ nyinli nsuu nee mboane nyinli nsuu bɛla.”

Dwɔhyua Buluku ne 6:3

Ɛbava wɔ ɛlɔnema ne mɔ wɔadia kilikili wɔabɔ suakpole ne mgbɔlɔka wɔayia kenle ko biala. Bɛbayɛ ɛhye toonwo kenle nsia.

Dwɔhyua Buluku ne 6:5

Akee bɛbabɔ bɛ aweɛne ne mɔ tendenle ko. Saa bɛte ɛhye ala a, awie biala ɛdea nu kpole kpalɛ ko, na suakpole ne bane ne mɔ bade agua aze gɔɔ; na ɛlɔnema ne ko biala ɛva ɔ nyunlu fɔɔnwo ɛhɔ sua ne azo.”

Yekile 1:20

Nwɔlɔra nsuu ne mɔ mɔɔ ɛnwu bɛ me sa fema ye anu, nee ezukoa nvutuke kɛnlaneɛ mbaka nsuu ne abo a le ɛhye: nwɔlɔra nsuu ne a le asɔne nsuu ne Nyamenle soanvolɛma ne mɔ yɛɛ kɛnlaneɛ mbaka nsuu ne mɔ a le asɔne nsuu ne.

Yekile 1:4

Medame Dwɔn a melɛkɛlɛ kɛlata ɛhye meahɔmaa asɔne nsuu ne mɔ mɔɔ wɔ Ehyea maanzinli nu la a: Tete Nyamenle ne mɔɔ ɛnee wɔ ɛkɛ ne, na ɔwɔ ɛkɛ ne kɛkala, na ɔbara la ɛlo bɛ na ɔmaa bɛ anzonudwolɛ. Sunsum nsuu ne mɔ mɔɔ wɔ Nyamenle Belemgbunli Ebia Kpole ne anyunlu la ɛlo bɛ na ɔmaa bɛ anzonudwolɛ.

Yekile 10:3

na ɔvale ɛnelɛ mɔɔ dielie kɛ awenade ne la ɔdeanle nu kpole bie. Ɔdeanle nu ala la, maanle nu hulule fane nsuu.

Yekile 15:1

Akee menwunle debie ɛzulolɛ bie wɔ anwomanyunlu, mɔɔ le kpole na eza ɔyɛ nwanwane a. Menwunle Nyamenle soanvolɛma nsuu kɛ bɛlɛ amaneɛnwunlɛ ngakyile nsuu, mɔɔ le amaneɛnwunlɛ mɔɔ li amozi a, ɔluakɛ saa bɛmɛ bɛwie a ɛnee Nyamenle ɛya kpole ne ɛdwo.

Yekile 15:7

Tease abɔdeɛ nna ne anu ko vale ezukoa nvutuke dwora nsuu ne mɔɔ Damɛnlangoate Nyamenle ne mɔɔ wɔ ɛkɛ dahuu la ɛya ne wɔ nu la manle bɛ.

Yekile 16:1

Akee mendele ɛnelɛ kpole bie wɔ Ɛzonlenlɛ Sua ne anu kɛ ɔlɛka yeahile Nyamenle soanvolɛma nsuu ne kɛ, “Bɛhɔ, bɛhɔwola Nyamenle ɛya ne mɔɔ wɔ dwora ne mɔ anu la bɛgua azɛlɛ ne azo!”

Yekile 5:1

Menwunle kɛ ahenle mɔɔ de belemgbunli ebia kpole ne azo la lɛ nwoma ɔ sa fema ne anu; nwoma ne, bɛhɛlɛ ɔ kunlu nee ɔ nzi amuala na bɛva ɛyɛlɛ bɛzɔ ɔ nloa fane nsuu.

Yekile 5:6

Na menwunle kɛ Boaneralɛ ne gyi belemgbunli ebia ne mɔɔ tease abɔdeɛ nna ne nee mgbanyima ne mɔ ɛbɔ ɛyia ye la anyunlu. Ɔzɔho Boaneralɛ ne mɔɔ bɛhu ye la. Ɔlɛ mɛne nsuu yɛɛ ɛnyelɛ nsuu, mɔɔ le Nyamenle Sunsum nsuu ne, mɔɔ bɛzoanle bɛ wɔ ewiade ye amuala anu la.

Yekile 8:2

Akee menwunle Nyamenle soanvolɛma nsuu ne mɔɔ gyigyi Nyamenle anyunlu ɛkɛ ne la, na bɛvale aweɛne ndendenle nsuu bɛmanle bɛ.

Yekile 8:6

Akee Nyamenle soanvolɛma nsuu ne boɔboale bɛ nwo kɛ bɛbɔ bɛ aweɛne ndendenle nsuu ne mɔ anu.