Dwɔhyua Buluku ne 6:3 - BAEBOLO ANZƐƐ BULUKU NWUANZANWUANZA

³ Ɛbava wɔ ɛlɔnema ne mɔ wɔadia kilikili wɔabɔ suakpole ne mgbɔlɔka wɔayia kenle ko biala. Bɛbayɛ ɛhye toonwo kenle nsia.

Dwɔhyua Buluku ne 6:3 ပူးပေါင်းရင်းမြစ်များ

2 Edk 4:3

Bɛguale debie bie mɔɔ le kɛ nlankɛ nyinli la dɔɔnwo ɛhonlone nwiɔ wɔ angola ne anloa. Bɛvale bɛ bɛbokale angola ne bɛguale bɛ kokye, yɛɛ ɛhonlone ko wɔ ko azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:9

Bɛmmate Ɛdɛnkɛma anwo atua; yɛɛ bɛmmasulo menli mɔɔ de azɛlɛ ne azo la, ɔluakɛ bɛnle ɛhwee wɔ yɛ nye zo. Bɛ nwo banebɔlɛ ne ɛbubu, yɛɛ Ɛdɛnkɛma nee yɛ lua; bɛmmasulo, yɛbaza bɛ yɛalie bɛ debie biala.”

2 Kɔl 4:7

Noko yɛmɛ mɔɔ yɛlɛ Sunsum nu anwonyia ɛhye la yɛle kɛ mbuakɛ ala, amaa yeala ali kɛ tumi bedevinli ne le Nyamenle ɛdeɛ, na ɔnle yɛ ɛdeɛ.

Dwɔhyua Buluku ne 6:11

Yemɔti ɔmanle menli ne mɔ vale Ɛdɛnkɛma Ngyekyeleɛ Ɛlɛka ne bɔle suakpole ne anwo mgbɔlɔka yiale na bɛziale bɛhɔle bɛ azokoɛleɛ ne bɛhɔlale.

Dwɔhyua Buluku ne 6:14

Kenle ɛhye tɔ zolɛ kenle nwiɔ, bɛbɔle suakpole ne mgbɔlɔka bɛyiale na bɛziale bɛhɔle bɛ azokoɛleɛ ne. Bɛyɛle ɛhye toonwo kenle nsia.

Dwɔhyua Buluku ne 6:2

Ɛdɛnkɛma zele Dwɔhyua kɛ, “Nea, meye Gyɛleko memaa wɔ. Sua ne azo belemgbunli ne nee ye ɛlɔnema mɔɔ anwo yɛ se la amuala wɔ ɛ bo.

Dwɔhyua Buluku ne 6:4

Ɛbamaa sɛlɛvolɛma nsuu ava mboane mɛne nsuu ayɛ aweɛne na bɛali Ngyekyeleɛ Ɛlɛka ne anyunlu. Kenle ne mɔɔ tɔ zolɛ nsuu la, ɛ nee wɔ ɛlɔnema ne bɛdia kilikili bɛbɔ sua bɔdenle ne mgbɔlɔka fane nsuu. Mekɛ ɛhye amuala ɛnee sɛlɛvolɛma ne ɛlɛwu bɛ aweɛne ne mɔ anu.

Dwɔhyua Buluku ne 6:7

Akee ɔzele menli ne amuala kɛ, “Bɛhɔ! Bɛdia kilikili bɛbɔ suakpole ye mgbɔlɔka bɛyia. Bɛdabɛ mɔɔ bɛdedɛ konle ninyɛne la ɛpɛ ɛli Ɛdɛnkɛma Ngyekyeleɛ Ɛlɛka ne anyunlu.”