Dwɔhyua Buluku ne 6:24 - BAEBOLO ANZƐƐ BULUKU NWUANZANWUANZA24 Akee bɛdole senle suakpole ne azo bɛyelale ye boka debie biala mɔɔ wɔ zolɛ la. Ninyɛne mɔɔ bɛva ezukoa nvutuke, dwɛtɛ fufule, kɔbele anzɛɛ bulalɛ bɛyɛ la, bɛvale bɛ muala bɛraguale Ɛdɛnkɛma gya ne anu. အခန်းကိုကြည့်ပါ။ |
Belemgbunli Devidi dule ninyɛne ɛhye mɔ ziele ahane kɛ bɛva bɛboka ezukoa nvutuke nee dwɛtɛ fufule mɔɔ ɔzale maanle maanle mɔɔ ɔlile bɛ nwo zo konim la ɔliele la anwo bɛva bɛzonle Nyamenle. Ɔliele ezukoa nvutuke ne nee dwɛtɛ fufule ne mɔ ɔvile maanle maanle ɛhye mɔ ɛkɛ: Yidɔm, Mowabe, Amɔn, Filisitia, yɛɛ Amalɛke.
Ninyɛne mɔɔ ɔwɔ kɛ bɛyela bɛ la, bɛmmafa bie, amaa Ɛdɛnkɛma agyakyi ye ɛya kpole ne mɔɔ yeva la na yeaze bɛ anwunvɔne, amaa saa bɛyɛ tieyɛ bɛmaa Ɛdɛnkɛma bɛ Nyamenle ne, na bɛdi ye mɛla ne mɔ mɔɔ melɛfa meamaa bɛ ɛnɛ la azo, bɛyɛ mɔɔ le kpalɛ la na bɛsɔ ɔ nye a, yeamaa bɛ nwo azo, kɛmɔ ɔvale ɔbɔle bɛ ze mɔ ɛwɔkɛ la.