Dwɔhyua Buluku ne 6:21 - BAEBOLO ANZƐƐ BULUKU NWUANZANWUANZA

²¹ Bɛhunle awie biala mɔɔ wɔ suakpole ne azo la, mrenya nee mraalɛ, ngakula nee mgbanyinli. Eza bɛhunle nlankɛ, mboane, yɛɛ asoaso muala.

Dwɔhyua Buluku ne 6:21 ပူးပေါင်းရင်းမြစ်များ

1 Arl 20:42

Nyamenle kpɔmanvolɛ ne zele belemgbunli ne kɛ, “Kɛ Ɛdɛnkɛma se la ɛne, ‘Wɔmaa sonla ne mɔɔ meha kɛ bɛhu ye la ɛnriandi, yemɔti ɛbava wɔ ngoane wɔadua. Eza wɔmaa ye ɛlɔnema ne mɔɔ ɔwɔ kɛ bɛsɛkye bɛ la ɛvi ɛsalɛ, yemɔti, ɔwɔ kɛ bɛsɛkye wɔ ɛlɔnema ɛdeɛ ne.’ ”

Gyɛlɛmaya Buluku ne 48:18

Daebɔnoma, bɛvi bɛ anyunlunyia ɛleka ne bɛtolo bɛrakpofo azɛlɛ ketekete ye azo, ɔluakɛ sɛkyevolɛ ne mɔɔ ɛzɛkye Mowabe la ɛra bɛ nwo zo; yebubu bɛ aranemgbole ne mɔ.

Mɛla 13:16

Bɛva debie biala mɔɔ bɛkɛnyia ye wɔ sua ne azo la bɛrɛla ɛleka kpatawienyi ne na bɛdo senle nu, bɛdo senle sua ne azo bɛyela ye kɛ ɛyelalɛ azubɔdeɛ bɛmaa Ɛdɛnkɛma bɛ Nyamenle ne. Na ɔbayɛ suadu mɔɔ awie ɛnrɛkyekye ye bieko ɛlɛ a.

Mɛla 2:34

Yɛhonle yɛvale ye azuamgbole ne mɔ amuala, wɔ mekɛ ne anu na yɛbɔle suakpole biala, yɛhunle menli mɔɔ wɔ zolɛ la, mrenya, mraalɛ, nee ngakula kɔsɔɔti. Yɛangyakyi ko bɔbɔ.

Mɛla 7:16

Bɛzɛkye menli mɔɔ Ɛdɛnkɛma bɛ Nyamenle ne kɛye bɛ kɛmaa bɛ la amuala. Ɔnle kɛ bɛse bɛ anwunvɔne fee, yɛɛ bɛmmasonle bɛ awozonle ne mɔ, ɔluakɛ zɔhane ninyɛne ne mɔ bayɛ ngane amaa bɛ.

Dwɔhyua Buluku ne 10:28

Kenle ko ne Dwɔhyua honle vale Makidaa na ɔhyele ye belemgbunli ne ɔhunle ye nee awie biala mɔɔ wɔ suakpole ne azo la; ko bɔbɔ anga. Ɔyɛle Makidaa belemgbunli ne kɛ mɔɔ ɔyɛle Gyɛleko belemgbunli ne la.

Dwɔhyua Buluku ne 10:39

Ɔvale sua ne na ɔhyele ye belemgbunli ne. Eza ɔvale azua mɔɔ zuozua suakpole ne la. Bɛhunle awie biala mɔɔ wɔ azua ne mɔ azo la. Dwɔhyua yɛle Dibɛ nee ye belemgbunli ne kɛ mɔɔ ɔyɛle Hibulɔn yɛɛ Lebena nee bɛ arelemgbunli ne mɔ la.

Dwɔhyua Buluku ne 11:11

Bɛhunle awie biala; ko bɔbɔ anga, na bɛyelale suakpole ne.

Dwɔhyua Buluku ne 11:14

Yizilayɛma ne vale ninyɛne mɔɔ anwo hyia nee nyɛmoa mɔɔ wɔ azuamgbole ne mɔ azo la. Na bɛhunle awie biala; ko bɔbɔ anga.

Dwɔhyua Buluku ne 8:2

Kɛ ɛyɛle Gyɛleko nee ye belemgbunli ne la, zɔhane ala yɛɛ ɛbayɛ Eyae nee ye belemgbunli ne a. Na ɛnɛ ɛdeɛ, ninyɛne nee nlankɛ ne mɔ le bɛ ɛdeɛ. Bɛboɔboa bɛ nwo na bɛbu bɛ nzi bɛhɔ bɛ nwo zo arɛlevilɛ nu na bɛva sua ne.”

Dwɔhyua Buluku ne 8:22

Yizilayɛma mɔɔ wɔ suakpole ne azo la rabokale konle ne anwo. Eyaema nwunle kɛ bɛha Yizilayɛma avinli bɔkɔɔ; na Yizilayɛma hunle bɛ muala. Ko bɔbɔ anvi ɛsalɛ

Dwɔhyua Buluku ne 9:3

Na Gebɛyɔnoma mɔɔ le Haevae asa azo la dele mɔɔ Dwɔhyua vale hilele Gyɛlekoma nee Eyaema la,

Yekile 18:21

Akee Nyamenle soanvolɛ anwo ɛzulolɛ ko manle bolɛ totohyia ko mɔɔ le kɛ ɛdibolɛ la zo na ɔvuandinle ɔdole nyevile ne anu, ɔse: “Kɛ bɛbavuandi suakpole Babelɔn bɛado la ɛne, na bɛnrɛnwu ye bieko.”

1 Sam 15:3

Yemɔti kɔ na kɔhu Amalɛkema kɔsɔɔti, sɛkye bɛ debie biala mɔɔ bɛlɛ la, mmagyakyi debie biala fee; ku mrenya nee mraalɛ, ngakula nee nlɔma, nlankɛ nee mboane, afunlumu nee asoaso kɔsɔɔti. Mmagyakyi ko bɔbɔ.’ ”

1 Sam 15:8

Ɔhyele Amalɛke belemgbunli Egage anyewɔzo, na ɔhunle menli ne kɔsɔɔti.