Dwɔhyua Buluku ne 6:20 - BAEBOLO ANZƐƐ BULUKU NWUANZANWUANZA

²⁰ Zɔhane ati sɛlɛvolɛma ne bɔle bɛ aweɛne ne mɔ anu. Menli ne dele ala la, bɛdeanle nu kpole ko, ɛnee bane ne mɔɔ bɛhye ye suakpole ne anwo la ɛde ɛgua aze, gɔɔ. Na Yizilayɛ ɛlɔnema ne nyianle adenle hɔle suakpole ne azo na bɛhonle bɛvale.

Dwɔhyua Buluku ne 6:20 ပူးပေါင်းရင်းမြစ်များ

2 Edk 13:15

Akee Dwudama bɔle bubu na Nyamenle manle Gyɛlɔbowam nee Yizilayɛ ɛlɔnema ne lile akoatɔ wɔ Abaegya nee Dwuda ɛlɔnema anyunlu.

Zɛfanaya Buluku ne 1:16

Ɔbayɛ kenle mɔɔ bɛbabɔ konle aweɛne nu na konle ava azuamgbole mɔɔ bɛhye nwolɛ nee tawa mɔɔ bɛgyinla zolɛ bɛnea kɛ ɛlɔne ɛlɛba la aze.

Kɛlata mɔɔ bɛhɛlɛle bɛhɔmanle Hibuluma la 11:30

Diedi zo yɛɛ Yizilayɛma luale bɔle suakpole Gyɛleko bane ne mgbɔlɔka dedee kenle nsuu manle ɔgolole ɔguale a.

Dwɔhyua Buluku ne 6:5

Akee bɛbabɔ bɛ aweɛne ne mɔ tendenle ko. Saa bɛte ɛhye ala a, awie biala ɛdea nu kpole kpalɛ ko, na suakpole ne bane ne mɔ bade agua aze gɔɔ; na ɛlɔnema ne ko biala ɛva ɔ nyunlu fɔɔnwo ɛhɔ sua ne azo.”

1 Sam 4:5

Mekɛ mɔɔ bɛ nee Ɛdɛnkɛma Ngyekyeleɛ Ɛlɛka ne dwule azokoɛleɛ ɛkɛ ne la, Yizilayɛma ne wudole kpole bie manle azɛlɛ kpusule.