Dwɔhyua Buluku ne 6:2 - BAEBOLO ANZƐƐ BULUKU NWUANZANWUANZA

² Ɛdɛnkɛma zele Dwɔhyua kɛ, “Nea, meye Gyɛleko memaa wɔ. Sua ne azo belemgbunli ne nee ye ɛlɔnema mɔɔ anwo yɛ se la amuala wɔ ɛ bo.

Dwɔhyua Buluku ne 6:2 ပူးပေါင်းရင်းမြစ်များ

2 Sam 5:19

Devidi bizale Ɛdɛnkɛma kɛ, “Mengɔ mengɔteta Filisitiama ɔ? Ɛkɛye bɛ ɛkɛmaa me ɔ?” Ɛdɛnkɛma zele ye kɛ, “Kɔ na mebaye Filisitiama ne meamaa wɔali bɛ nwo zo konim.”

Nihɛmaya Buluku ne 9:24

Bɛlile Keenama anwo zo konim bɛvale azɛlɛ ne, ɛvole menli mɔɔ wɔ ɛkɛ ne la akɔme zo; ɛmanle wɔ menli ne tumi bɛvale Keena arelemgbunli nee menli bɛyɛle mɔɔ bɛdabɛ bɛkulo la.

Daneɛle Buluku ne 2:21

Ɔkakyi mekɛ, ɔkakyi ɛlobɔ; ɔtu arelemgbunli, ɔsie arelemgbunli; ɔmaa nrɛlɛbɛvolɛ nwu nrɛlɛbɛ, na ɔmaa mɔɔ lɛ ndelebɛbo la adwenle;

Daneɛle Buluku ne 2:44

Mekɛ mɔɔ maanle maanle ɛhye mɔ wɔ zolɛ la Nyamenle bamaa maanle ko avinde, na ɔbahomo maanle zɔhane mɔ anwo zo yeamaa bɛagolo. Maanle ɛhye badɛnla ɛkɛ ne dahuu, awie ɛnrɛhola ɛnrɛzɛkye ye kenle bie maanle nu, yɛɛ awie mɔ gyɛne ɛnrɛhola ɛnrɛlie maanle ne ɛnrɛbu,

Daneɛle Buluku ne 4:17

Nyamenle soanvolɛma ne mɔɔ sinza la anloa edwɛkɛ ɛne. Ɔle kpɔkɛ mɔɔ nwuanzanwuanzama ne ɛbɔ, amaa menli kɔsɔɔti anwu kɛ Anwuma Anwumanli ne lɛ tumi wɔ ewiade belemgbunlililɛ zo, yɛɛ ɔfa ɔmaa awie biala mɔɔ ɔkulo la, ɔnvane nwolɛ kɛ ahenle le koahweabane bɔbɔ.’

Daneɛle Buluku ne 4:35

Aleɛabo amra amuala ɛnzɔho ɛhwee ɔ nye zo; ɔyɛ debie biala mɔɔ ɔkulo la wɔ anwuma amra nee aze amra avinli. Awie ɛngola ɛndua ye yɛɛ awie ɛngola ɛmbiza ye kɛ, ‘Duzu a ɛlɛyɛ la?’

Daneɛle Buluku ne 5:18

“Nana, Anwuma Anwuma Nyamenle ne yɛle ɛ ze Nɛbukadenɛza belemgbunli kpole na ɔnyianle ɔ nyunlu.

Mɛla 7:24

Ɔbaye bɛ arelemgbunli ne mɔ yeamaa bɛ na bɛamaa bɛ aluma aminli ewiade ye anu. Awie biala ɛnrɛhola bɛ nyunlu gyinla, kɔkpula kɛ bɛkɛzɛkye menli zɔhane mɔ kɔsɔɔti la.

Dwɔhyua Buluku ne 12:9

Yizilayɛma lile arelemgbunli mɔɔ wɔ azuamgbole ɛhye mɔ azo la anwo zo konim: Gyɛleko, Eyae (mɔɔ zua Bɛtɛle la),

Dwɔhyua Buluku ne 2:24

na bɛzele Dwɔhyua kɛ, “Yɛdie yɛdi bɔkɔɔ kɛ Ɛdɛnkɛma ɛva maanle ne amuala ɛmaa yɛ; menli mɔɔ wɔ maanle ne anu la amuala ɛzulo yɛ.”

Dwɔhyua Buluku ne 2:9

na ɔzele bɛ kɛ, “Meze kɛ Ɛdɛnkɛma ɛva azɛlɛ ye ɛmaa bɛ. Awie biala mɔɔ wɔ yɛ maanle ye anu la sulo bɛ, yɛɛ menli te bɛ nganeɛ a ɛnee ɛzulolɛ ɛha bɛ.

Dwɔhyua Buluku ne 20:1

Akee Ɛdɛnkɛma zele Dwɔhyua kɛ

Dwɔhyua Buluku ne 6:1

Yizilayɛma ati, Gyɛleko amra totole bɛ sua bɔdenle ne anuhɔlɛ ne mɔ anu. Awie vi sua ne azo ɛnvinde yɛɛ bie ɛmba sua ne azo.

Dwɔhyua Buluku ne 6:3

Ɛbava wɔ ɛlɔnema ne mɔ wɔadia kilikili wɔabɔ suakpole ne mgbɔlɔka wɔayia kenle ko biala. Bɛbayɛ ɛhye toonwo kenle nsia.

Dwɔhyua Buluku ne 8:1

Ɛdɛnkɛma zele Dwɔhyua kɛ, “Fa wɔ ɛlɔnema ne kɔ Eyae. Mmasulo yɛɛ mmamaa wɔ ahonle tu. Mebamaa wɔali Eyae belemgbunli ne anwo zo konim; ye menli, ye suakpole ne, nee ye azɛlɛ ne amuala bayɛ wɔ ɛdeɛ.

Maanlebuvolɛma Buluku ne 11:21

Na Ɛdɛnkɛma, Yizilayɛ Nyamenle ne, yele Saehɔn nee ye ɛlɔnema manle Yizilayɛma lile bɛ nwo zo konim. Yemɔti Yizilayɛma vale Amɔlema azɛlɛ ne kɔsɔɔti.

Maanlebuvolɛma Buluku ne 11:24

Duzu ati yɛɛ bɛnrɛhɔva bɛ maanle ɛdeɛ ne mɔɔ bɛ nyamenle Kimɔhye ne ɛva ɛmaa bɛ la ɛ? Ɔluakɛ azɛlɛ biala mɔɔ Ɛdɛnkɛma, yɛ Nyamenle ne ɛva ɛmaa yɛ la, sinli bɔbɔ, yɛnrɛgyakyi nu.