Dwɔhyua Buluku ne 6:19 - BAEBOLO ANZƐƐ BULUKU NWUANZANWUANZA

¹⁹ Debie biala mɔɔ bɛva dwɛtɛ fufule, ezukoa nvutuke, kɔbele anzɛɛ bulalɛ bɛyɛ la, bɛva bɛzie ɛkɛ bɛmaa Ɛdɛnkɛma. Bɛva zɔhane ninyɛne ne mɔ bɛhɔgua Ɛdɛnkɛma gya ne anu.”

Dwɔhyua Buluku ne 6:19 ပူးပေါင်းရင်းမြစ်များ

2 Sam 8:11

Belemgbunli Devidi dule ahyɛlɛdeɛ ne nee mɔɔ ɔnyianle bɛ wɔ maanle maanle mɔɔ ɔlile bɛ nwo zo konim la anu la manle Ɛdɛnkɛma.

1 Arl 14:26

Ɔsesale Ɛzonlenlɛ Sua ne anu ninyɛne ne mɔ nee ninyɛne mɔɔ wɔ belemgbunli sua nu la amuala ɔhɔle. Ɔvale debie biala, ɔsesale bɛ sa nu enyinlike ne mɔ mɔɔ Sɔlɔmɔn manle bɛvale ezukoa nvutuke bɛyɛle la bɔbɔ ɔhɔle.

1 Arl 7:51

Mɔɔ Belemgbunli Sɔlɔmɔn wiele Ɛzonlenlɛ Sua ne anwo debie biala yɛ la, ɔvale ninyɛne mɔɔ ɔ ze Devidi ɛva ɛgua ɛkɛ ɛmaa Ɛdɛnkɛma la amuala ɔhɔziele ekpumgbunli ne mɔ mɔɔ wɔ Ɛzonlenlɛ Sua ne anu la bie mɔ anu. Ɛhye mɔ le dwɛtɛ fufule, ezukoa nvutuke, nee ninyɛne dɔɔnwo bie.

2 Arl 24:13

ɔ nee ye hɔle Babelɔn a. Ɔzoale Ɛzonlenlɛ Sua ne anu nee suakunlu ɛkɛ ne ninyɛne kɔsɔɔti ɔhɔle. Kɛmɔ Ɛdɛnkɛma hanle dole ɛkɛ ne la, Nɛbukadenɛza bubule ezukoa nvutuke dwora ne mɔ mɔɔ Belemgbunli Sɔlɔmɔn manle bɛyɛle mɔɔ bɛfa bɛsonle wɔ Ɛzonlenlɛ Sua ne anu la amuala.

1 Edk 18:11

Belemgbunli Devidi dule ninyɛne ɛhye mɔ ziele ahane kɛ bɛva bɛboka ezukoa nvutuke nee dwɛtɛ fufule mɔɔ ɔzale maanle maanle mɔɔ ɔlile bɛ nwo zo konim la ɔliele la anwo bɛva bɛzonle Nyamenle. Ɔliele ezukoa nvutuke ne nee dwɛtɛ fufule ne mɔ ɔvile maanle maanle ɛhye mɔ ɛkɛ: Yidɔm, Mowabe, Amɔn, Filisitia, yɛɛ Amalɛke.

1 Edk 26:20

Livaema bie mɔ noko lile gyima ngakyile wɔ Ɛzonlenlɛ Sua ne anu. Ahaegya a nea Ɛzonlenlɛ Sua ne gya ne nee ninyɛne mɔɔ bɛdu bɛzie ɛkɛ bɛmaa Nyamenle la azo a.

1 Edk 26:26

Hyɛlomete nee ye awuke nu amra a nea ninyɛne mɔɔ Belemgbunli Devidi, mbusua mgbanyinli, safohyenlema mɔɔ nea ɛlɔnema apenle nee ɛya nwo zo, yɛɛ Safohyenlema Mgbanyinli ɛdu ɛzie ɛkɛ ɛmaa Nyamenle la a.

1 Edk 26:27

Bɛdule ninyɛne mɔɔ bɛdule bɛ ahu wɔ ɛlɔne nu la bie bɛziele ahane kɛ bɛva bɛyɛ Ɛzonlenlɛ Sua ne anu gyima.

1 Edk 26:28

Hyɛlomete nee ye awuke nu amra a debie biala mɔɔ bɛdu bɛzie ahane kɛ bɛva bɛyɛ gyima wɔ Ɛzonlenlɛ Sua ne anu la wɔ bɛ sa nu a. Ahyɛlɛ ninyɛne mɔɔ Nyamenle Kpɔmanvolɛ, Samoɛle, Belemgbunli Sɔɔlo, Nɛɛ ara Abenɛɛ, yɛɛ Zɛluaya ara Dwowabe vale manle Nyamenle la boka nwolɛ.

1 Edk 28:12

Eza ɔvale debie biala mɔɔ wɔ ye adwenle nu kɛ ɔbayɛ la anwo ngɛlata ɔmanle Sɔlɔmɔn. Ngɛlata ne mɔ kile kɛ bɛbazi bɛazi ɛleka mɔɔ bɛbali edwɛkɛ baguasee, nee ekpumgbunli ne mɔ mɔɔ ɛbɔ ye ɛyia, ye ekpumgbunli mɔɔ bɛbava ahyɛlɛ ninyɛne mɔɔ bɛdu bɛzie ahane bɛmaa Ɛdɛnkɛma nee ahyɛnze mɔɔ bɛfa bɛyɛ ɛzonlenlɛ gyima wɔ Ɛzonlenlɛ Sua ne anu la bɛazie nu la.

2 Edk 15:18

Ɔvale ɔ ze ahyɛlɛ ninyɛne mɔɔ bɛdu bɛzie ɛkɛ bɛmaa Nyamenle la, nee ɔdaye ye ahyɛlɛ ninyɛne ne mɔ amuala, dwɛtɛ fufule, nee ezukoa nvutuke yɛɛ ahyɛnze kɔsɔɔti ɔrale Ɛdɛnkɛma Ɛzonlenlɛ Sua ne anu.

2 Edk 31:12

Bɛvale ninyɛne ne mɔɔ bɛdu bɛzie ahane bɛmaa Ɛdɛnkɛma la nee ngyɛnu bulu ɛkpɔ ngoko ne amuala bɛziele nu. Abɔlɔba kpanyinli mɔɔ ɛnee nea zolɛ la a le Livaenli Konanaya, yɛɛ mɔɔ li ɔ nzi la a le ɔ diema Hyemɛyae.

Nihɛmaya Buluku ne 10:38

Saa bɛlɛdielie ngyɛnu bulu ɛkpɔ ngoko ne mɔ a, ɔwɔ kɛ sɛlɛvolɛma mɔɔ le Aalɔn abo zo amra la nee Livaema dua nwolɛ, yɛɛ ɔwɔ kɛ Livaema fa Ɛzonlenlɛ Sua ne anu ngyɛnu bulu ɛkpɔ ko ne kɔsie Ɛzonlenlɛ sua ne ninyɛnezielɛ ɛleka ne.

Gyɛlɛmaya Buluku ne 38:11

Yemɔti Yibɛdemɛlɛke vale menli nsa bokale ɔ nwo na ɔ nee bɛ rale suakunlu ɛkɛ. Bɛhɔvale adɛladeɛ ndeteleka wɔ ɛlamoa bie mɔɔ wɔ sua ne mɔɔ bɛsie ninyɛne nu la anu, bɛvale nyɛma bɛzɔle bɛ na bɛdwulale bɛ bula ne anu bɛmanle Gyɛlɛmaya.

Sɛlɛ 19:24

Ɛvolɛ nna ne azo, mbaka ne mɔ azo ma ne amuala anwo bade saanwu; bɛva bɛbɔ ayɛlɛyelɛ azu bɛmaa Ɛdɛnkɛma.

Maeka Buluku ne 4:13

Ɛdɛnkɛma se, “Gyɛlusalɛmma, bɛdwazo bɛwozo ma ne na mebamaa bɛ mɛne ne mɔ ayɛ mbulalɛ na bɛ ndwɛlɛ ndaboa ayɛ kɔbele. Bɛbatietia maanle maanle dɔɔnwo anwo zo bɛazɛkye bɛ, na bɛadu anwonyia mɔɔ bɛkɛnyia ye la bɛamaa medame Ɛdɛnkɛma, ewiade amuala Awulae.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:11

Bɛvale ninyɛne mɔɔ bɛnyianle, menli mɔɔ bɛhyele bɛ wɔ konle ne anu nee nyɛmoa kɔsɔɔti.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:12

Akee bɛvale menli mɔɔ bɛhyele bɛ nee ninyɛne mɔɔ bɛnyianle la bɛrɛlɛle Mosisi, Sɛlɛvolɛ Ɛlieza nee Yizilayɛma kɔsɔɔti mɔɔ wɔ Mowabe fienemgbole ne mɔɔ wɔ Dwɔdan ne anloa wɔ Gyɛleko afoa nu la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 31:22

Debie biala mɔɔ ka senle a ɔnyela, debie mɔɔ le kɛ ezukoa nvutuke, dwɛtɛ fufule, kɔbele, bulalɛ, kyɛnze anzɛɛ sumi la, bɛva bɛha senle bɛdu nwolɛ. Eza bɛva evinlidulɛ nzule ne bɛnlua bɛ. Debie gyɛne biala mɔɔ ka senle a ɔyela la, bɛva nzule ne mɔɔ bɛfa bɛtu evinli la bɛnlua ye.

Edwɛkpa ne kɛmɔ Mateyu hɛlɛle la 27:6

Sɛlɛvolɛ mgbanyinli ne mɔ sesale ezukoa ne na bɛhanle kɛ, “Ɛhye le mogya ezukoa, yɛɛ ɔtia yɛ mɛla ne kɛ yɛkɛva yɛkɛgua Ɛzonlenlɛ Sua ne gya ne anu.”

Edwɛkpa ne kɛmɔ Maake hɛlɛle la 12:41

Gyisɛse dɛnlanle Ɛzonlenlɛ Sua ne anu ɛleka mɔɔ gya nlɛka ne mɔ gyigyi la, na ɔnleanle menli mɔɔ lɛ ezukoa ɛlɛgua gya ne anu la. Sukoavolɛma dɔɔnwo vale ezukoa mgbole raguale nu,

Dwɔhyua Buluku ne 7:11

Yizilayɛma ɛyɛ ɛtane. Bɛdo me mɛla ne mɔɔ menvale memanle bɛ la. Bɛva ninyɛne ne mɔɔ ɔwɔ kɛ bɛsɛkye bɛ la bie. Bɛwuale, bɛbɔle nwolɛ adalɛ na bɛva bɛvea bɛ ninyɛne nu.