Dwɔhyua Buluku ne 6:18 - BAEBOLO ANZƐƐ BULUKU NWUANZANWUANZA

¹⁸ Na bɛmɛ, ɔnle kɛ bɛfa debie biala mɔɔ ɔwɔ kɛ bɛsɛkye ye la. Saa bɛfa debie a, bɛkɛmaa munzule kɛra Yizilayɛma anwo zo wɔ bɛ azokoɛleɛ ne.

Dwɔhyua Buluku ne 6:18 ပူးပေါင်းရင်းမြစ်များ

2 Sam 21:1

Belemgbunli Devidi mekɛ zo, ɛhɔne kpole bie rale toonwo ɛvolɛ nsa. Devidi bizale Ɛdɛnkɛma nwolɛ bie. Na Ɛdɛnkɛma zele ye kɛ, “Sɔɔlo nee ye abusua ne di fɔlɛ kɛ bɛha mogya bɛgua a, ɔboalekɛ bɛhunle Gebɛyɔnoma dɔɔnwo somaa.”

Nolo 9:18

Nrɛlɛbɛ le kpalɛ tɛla konle adu, na ɛtanenli kokye sɛkye ninyɛne kpalɛ dɔɔnwo.

Dwona Buluku ne 1:12

Dwona zele bɛ kɛ, “Bɛmaa me zo, bɛvuandi me bɛdo nyevile nu na nyevile ne bagua amaa bɛ, ɔluakɛ meze kɛ medame me ti yɛɛ ahumu kpole ɛhye ɛdwazo a.”

Wulo 12:9

Bɛmaa bɛ ɛhulolɛ ɛyɛ nɔhalɛ ɛhulolɛ; bɛhyi mɔɔ le ɛtane la na bɛzɔ mɔɔ le kpalɛ la anu.

2 Kɔl 6:17

Yemɔti kɛ Awulae se la ɛne, “Bɛgyakyi bɛ na bɛhwe bɛ nwo bɛvi bɛ nwo. Bɛmmafa bɛ sa bɛka debie mɔɔ anwo ɛnde la, na menwɔlie bɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:11

Bɛmmayɛ awozinli nu nyɛleɛ mgbane mgbane ne mɔ mɔɔ menli yɛ na nvasoɛ ɛnle zolɛ la bie. Bɛnwu bie a anrɛɛ bɛha bɛdo gua.

Mɛla 13:17

Ninyɛne mɔɔ ɔwɔ kɛ bɛyela bɛ la, bɛmmafa bie, amaa Ɛdɛnkɛma agyakyi ye ɛya kpole ne mɔɔ yeva la na yeaze bɛ anwunvɔne, amaa saa bɛyɛ tieyɛ bɛmaa Ɛdɛnkɛma bɛ Nyamenle ne, na bɛdi ye mɛla ne mɔ mɔɔ melɛfa meamaa bɛ ɛnɛ la azo, bɛyɛ mɔɔ le kpalɛ la na bɛsɔ ɔ nye a, yeamaa bɛ nwo azo, kɛmɔ ɔvale ɔbɔle bɛ ze mɔ ɛwɔkɛ la.

Mɛla 23:10

Saa bɛ nuhua bie anla boɛ aledwolɛ ne anu la ati ɔ nwo ɛnde a, ɔhɔ azokoɛleɛ ne kandiba, ɔmmaba azokoɛleɛ ne.

Mɛla 7:26

Bɛmmafa debie biala mɔɔ le kyibadeɛ la bɛba bɛ azua nu. Bɛhyi bɛ na bɛkpo bɛ, ɔluakɛ bɛle munzule ninyɛne.

Gyemise Kɛlata ne 1:27

Nyamenlezonlenlɛ kpalɛ mɔɔ evinli biala ɛnle nwolɛ wɔ Nyamenle Selɛ ne anyunlu la a le kɛ ɛkɛkpɔla nrisa nee ahunlanvolɛ wɔ bɛ anwongyelelɛ nu, ɛkɛboa bɛ na ɛkɛzie ɛ nwo gyɛlɛɛnye mɔɔ ewiade amra ɛnnyia ɛ nwo ngehanleɛ biala la.

Dwɔhyua Buluku ne 7:1

Ɛdɛnkɛma mɛla ne mɔɔ ɔlile ɔmanle Yizilayɛma kɛ awie biala mmafa ɔ sa ka debie biala mɔɔ ɔwɔ kɛ bɛsɛkye ye wɔ Gyɛleko la, bɛanli zolɛ. Nrenya bie mɔɔ bɛfɛlɛ ye Ekan la donle mɛla ne. Ɛdɛnkɛma vale Yizilayɛma anwo ɛya kpole. (Ekan le Zila angabɛnzo. Ɔ ze a le Kaamae yɛɛ ɔ nlenya a le Zabedae. Ɔbɔ Dwuda abusua ekpunli ne bie.)

Dwɔhyua Buluku ne 7:13

Dwazo! Maa menli ne ɛde bɛ nwo na bɛrɛla me nyunlu ɛke. Bɛziezie bɛ nwo bɛrɛla me nyunlu ɛke ɛhyema, ɔboalekɛ medame, Yizilayɛ Ɛdɛnkɛma Nyamenle ne, melɛ ɛhye meka meahile bɛ: ‘Yizilayɛma, ninyɛne mɔɔ menganle kɛ bɛzɛkye bɛ la bie mɔ vea bɛ nwo ɛkɛ! Bɛnrɛhola bɛ kpɔvolɛma anyunlu gyinla ɛlɛ, kyesɛ bɛminli ninyɛne ɛhye mɔ abo zo.’

Dwɔhyua Buluku ne 7:15

Sonla mɔɔ bɛkɛhye ye kɛ ninyɛne ne mɔ bie wɔ ye ɛkɛ ne la, bɛbayela ye nee debie biala mɔɔ ɔlɛ la. Ɔluakɛ yemaa anyiemgba ɛha Yizilayɛma, yɛɛ eza yedo me mɛla ne.”

Dwɔhyua Buluku ne 7:25

Akee Dwɔhyua bizale Ekan kɛ, “Duzu ati a wɔva ngyegyelɛ ɛhye wɔdo yɛ nwo ɛ? Ɛdɛnkɛma bava bie ado ɛ nwo ɛnɛ.” Na Yizilayɛma zile Ekan awolɛ manle ɔwule. Eza bɛzile ye sua nu amra amuala awolɛ bɛhunle bɛ na bɛyelale bɛ nee debie biala mɔɔ bɛlɛ la.

1 Dw 5:21

Me mra ngakula, bɛhwe bɛ nwo bɛvi awozonle ɛzonlenlɛ nwo.

1 Sam 15:9

Na Sɔɔlo nee ye menli ne angu Egage, bɛangu mboane kpalɛ ne mɔɔ ɛlɔ la, nlankɛ kpalɛ nee mboane mralɛ ne mɔ, yɛɛ debie biala mɔɔ le kpalɛ la, bɛanzɛkye ye. Ninyɛne mɔɔ ɛnzonle bolɛ la angome a bɛzɛkyele bɛ a.