Dwɔhyua Buluku ne 6:17 - BAEBOLO ANZƐƐ BULUKU NWUANZANWUANZA

¹⁷ Bɛzɛkye suakpole ne nee debie biala mɔɔ wɔ zolɛ la bɔkɔɔ bɛva bɛbɔ azu bɛmaa Ɛdɛnkɛma. Tuutuunli Releehabe nee bɛdabɛ mɔɔ bɛwɔ ye sua nu ɛkɛ ne la ala a bɛgyakyi bɛ a, ɔboalekɛ ɔvale yɛ menli ne mɔɔ yɛzoanle bɛ la ɔveale.

Dwɔhyua Buluku ne 6:17 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:3

Mebayila bɛdabɛ mɔɔ bɛyila wɔ la, Na meamaa munzule ado mɔɔ kɛzuzu munzule kɛmaa wɔ la; Na ɔlua ɛ nwo zo nyilalɛ aha maanle maanle kɔsɔɔti mɔɔ wɔ ewiade la.”

Ayezaya Buluku ne 34:6

Ɛdɛnkɛma lɛ konle dadeɛ; mogya ɛbia ye takaa kɛ mboane nee mbɔnkye mogya, yɛɛ ɛnlome ɛyɛ nwolɛ sofuaa kɛ boane nyinli kelenzia nwo ɛnlome. Ɔluakɛ Ɛdɛnkɛma lɛ azubɔlɛ wɔ Bɔzela, na ɔbahu menli dɔɔnwo wɔ Yidɔm azɛlɛ zo.

Gyɛlɛmaya Buluku ne 46:10

Kenle ne le medame Tumivolɛ Awulae Nyamenle me kenle, ɔle nzenralɛlilɛ kenle; mebali me kpɔvolɛma nzenralɛ. Dadeɛ bali bɛ antɛnlɛma; bɛ mogya bavɔ ye soonwu, ɔluakɛ Tumivolɛ Awulae Nyamenle bɔ azu wɔ sɔlɔ maanle nu, wɔ Azule Yufileti ne anloa.

Yizikeɛle Buluku ne 39:17

Awulae Nyamenle ne se, “Na wɔmɔ, sonla ra, tendɛ kile nloma ngakyile kɔsɔɔti, nee ɛbɔ nu nane kɔsɔɔti kɛ: Bɛboɔboa bɛ nloa na bɛrɛla, bɛrabɔ azu ne mɔɔ melɛbɔ meamaa bɛ la ɛkponle ne anwo bɛyia. Ɔle azubɔlɛ ɛkponledolɛ kpole kpalɛ wɔ Yizilayɛ awoka ne mɔ azo lɔ, na bɛbali nwonane bɛanlo mogya.

Sɛlɛ 27:21

Saa ɛvolɛ abulanlu ɛvoyia ne dwu a, ɛnee ɛya ne anwo te na ɔle Ɛdɛnkɛma ɛdeɛ, kɛ azɛlɛ mɔɔ bɛboɔboa bɛdu bɛmaa Ɛdɛnkɛma la; ɔwɔ kɛ ɔyɛ sɛlɛvolɛ ne ɛdeɛ.

Maeka Buluku ne 4:13

Ɛdɛnkɛma se, “Gyɛlusalɛmma, bɛdwazo bɛwozo ma ne na mebamaa bɛ mɛne ne mɔ ayɛ mbulalɛ na bɛ ndwɛlɛ ndaboa ayɛ kɔbele. Bɛbatietia maanle maanle dɔɔnwo anwo zo bɛazɛkye bɛ, na bɛadu anwonyia mɔɔ bɛkɛnyia ye la bɛamaa medame Ɛdɛnkɛma, ewiade amuala Awulae.”

Edwɛkpa ne kɛmɔ Mateyu hɛlɛle la 25:40

Na mebabua bɛ kɛ, ‘Nɔhalɛ, meka meahile bɛ kɛ, suzuamgba ala mɔɔ bɛyɛle ɛhye mɔ bɛmanle me mediema ɛhye mɔ mɔɔ anwo ɛngyia la anu bie la, bɛyɛle bɛmanle me.’

1 Kɔl 16:22

Awie biala mɔɔ ɛngulo Awulae la, munzule ɛha ye. Yɛ Awulae, bɛla!

1 Kɔl 2:7

Nrɛlɛbɛ ne mɔɔ yɛbɔ ye nolo la le Nyamenle nrɛlɛbɛ mɔɔ vea na menli ɛnze a. Nyamenle vale ziele yɛ ɛkɛ dɛba kolaa na yeabɔ ewiade ye kɛ ɔbava yeade yɛ nyunlu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:10

Bɛdabɛ mɔɔ bɛdwenle kɛ bɛdi mɛla ne azo na bɛazɔ Nyamenle anye la ɛnwu amaneɛ. Ɔluakɛ Nyamenle Edwɛkɛ ne se, “Awie biala mɔɔ anli mɛla ne ngyehyɛlɛ ne amuala azo, kɛmɔ bɛhɛlɛ ye wɔ Nyamenle Mɛla buluku ne anu la, munzule ɛha ye.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:12

Noko mɛla ne azo ɛlilɛ nee Nyamenle mɔɔ ɛdie ye wɔali la ɛnle ko. Ɔluakɛ, Nyamenle Edwɛkɛ ne se, “Awie mɔɔ di mɛla ne amuala azo la a banyia ngoane a.”

Mɛla 20:17

Bɛzɛkye debie biala: bɛbɔ Hɛtema, Amɔlema, Keenama, Pɛlɛzema, Haevaema, yɛɛ Gyibɛsema amuala abo zo, kɛmɔ Ɛdɛnkɛma bɛ Nyamenle ne ɛze bɛ la.

Kɛlata mɔɔ bɛhɛlɛle bɛhɔmanle Hibuluma la 11:31

Diedi zo yɛɛ ɔlua mɔɔ bɛangu tuutuunli Releehabe kɛ menli anzosesebɛ ne mɔ mɔɔ kpole Nyamenle la a, ɔluakɛ ɔliele Yizilayɛma mɔɔ rale banleɛnlea maanle ne anu na bɛahɔha la azie, na ɔnleanle bɛ gyɛlɛɛnye.

Kɛlata mɔɔ bɛhɛlɛle bɛhɔmanle Hibuluma la 6:10

Nyamenle ɛnli nzisi. Ɔ rɛle ɛnrɛvi gyima mɔɔ bɛyɛle nee ɛhulolɛ mɔɔ bɛhile wɔ ɔ nwo nee nyele mɔɔ kɛkala bɛtɛbɔ nwo bɛtɛkile bɛtɛmaa bɛ mediema mɔɔ doa Kelaese abo zo la.

Gyemise Kɛlata ne 2:25

Kɛ tuutuunli Releehabe ɔdaye ɔyɛle ala la ɛne. Ɔliele Dwuu soanvolɛma ne mɔɔ rale banleɛnlea maanle ne anu ahɔ la azie na ɔboale bɛ ɔmanle bɛluale adenle fofolɛ nu bɛhɔle. Ye gyima ɛhye manle ɔzɔle Nyamenle anye.

Dwɔhyua Buluku ne 2:1

Akee Nɛn ara Dwɔhyua zoanle menli nwiɔ awozinli nu, vi Akasea azokoɛleɛ ne kɛ, “Bɛhɔli busia bɛnleɛnlea kɛ Keena maanle ne anu si de la, bɔbɔ suakpole Gyɛleko.” Menli ne mɔ dwule suakpole ne azo la, bɛhɔlale raalɛ tuutuunli bie mɔɔ bɛfɛlɛ ye Releehabe la sua nu.

Dwɔhyua Buluku ne 2:22

Yizilayɛma nwiɔ ne hɔle awoka ne mɔ azo hɔveale lɔ kenle nsa. Belemgbunli ne menli mɔɔ ɔzoanle bɛ la wolowolole ahodoka mɔɔ wɔ ɛleka biala la anu dedee kenle nsa, na bɛannwu Yizilayɛma nwiɔ ne. Yemɔti bɛziale bɛrale Gyɛleko.

Dwɔhyua Buluku ne 7:1

Ɛdɛnkɛma mɛla ne mɔɔ ɔlile ɔmanle Yizilayɛma kɛ awie biala mmafa ɔ sa ka debie biala mɔɔ ɔwɔ kɛ bɛsɛkye ye wɔ Gyɛleko la, bɛanli zolɛ. Nrenya bie mɔɔ bɛfɛlɛ ye Ekan la donle mɛla ne. Ɛdɛnkɛma vale Yizilayɛma anwo ɛya kpole. (Ekan le Zila angabɛnzo. Ɔ ze a le Kaamae yɛɛ ɔ nlenya a le Zabedae. Ɔbɔ Dwuda abusua ekpunli ne bie.)

1 Sam 15:3

Yemɔti kɔ na kɔhu Amalɛkema kɔsɔɔti, sɛkye bɛ debie biala mɔɔ bɛlɛ la, mmagyakyi debie biala fee; ku mrenya nee mraalɛ, ngakula nee nlɔma, nlankɛ nee mboane, afunlumu nee asoaso kɔsɔɔti. Mmagyakyi ko bɔbɔ.’ ”

1 Sam 15:6

Na Sɔɔlo zele Kina asa zo ne mɔ kɛ, “Bɛvi Amalɛkema avinli bɛhwe bɛ nwo, anrɛɛ menwɔva bɛ menwɔfonla nu menwɔhu bɛ muala. Ɔluakɛ mɔɔ Yizilayɛma vi Yigyibiti ba la bɛyɛle bɛ nyele.” Yemɔti Kinama ne hwenle bɛ nwo vile Amalɛkema maanle ne anu.