Dwɔhyua Buluku ne 6:15 - BAEBOLO ANZƐƐ BULUKU NWUANZANWUANZA

¹⁵ Kenle nsuu ne azo bɛdwazole aleɛbahye ne na bɛhɔbɔle suakpole ne mgbɔlɔka, kɛmɔ bɛyɛ ye dɛba ne ala la, fane nsuu. Kenle ko ɛhye ala yɛɛ bɛdiale kilikili bɛbɔle suakpole ne mgbɔlɔka fane nsuu a.

Dwɔhyua Buluku ne 6:15 ပူးပေါင်းရင်းမြစ်များ

Edwɛndolɛ Buluku ne 119:147

Medwazo aleɛbahye na mesu mefɛlɛ wɔ kɛ ɛboa me; me anyelazo wɔ wɔ edwɛkɛ ne anu.

Edwɛkpa ne kɛmɔ Mateyu hɛlɛle la 28:1

Ɛnwomenlelielɛ Kenle ne anzi, mɔɔ le Molɛ aleɛbahye ne, Mɛle mɔɔ vi Magedala la nee Mɛle ko ne hɔle sɛka ne azo.

Kɛlata mɔɔ bɛhɛlɛle bɛhɔmanle Hibuluma la 11:30

Diedi zo yɛɛ Yizilayɛma luale bɔle suakpole Gyɛleko bane ne mgbɔlɔka dedee kenle nsuu manle ɔgolole ɔguale a.

Dwɔhyua Buluku ne 3:1

Aleɛ hyenle la Dwɔhyua nee Yizilayɛma amuala dwazole nwonlomɔ mangyee ne ala; bɛvi Akasea azokoɛleɛ ne bɛdule bɛ bo bɛrazokoɛle Dwɔdan ne anloa bɛrahendɛle bɛ nwo kolaa na bɛapɛ.

Dwɔhyua Buluku ne 6:14

Kenle ɛhye tɔ zolɛ kenle nwiɔ, bɛbɔle suakpole ne mgbɔlɔka bɛyiale na bɛziale bɛhɔle bɛ azokoɛleɛ ne. Bɛyɛle ɛhye toonwo kenle nsia.

Dwɔhyua Buluku ne 6:16

Fane nsuu ne azo, mɔɔ sɛlɛvolɛma ne wule aweɛne ne mɔ anu la, Dwɔhyua zele menli ne kɛ, “Bɛdea nu, ɔluakɛ Ɛdɛnkɛma ɛva suakpole ye ɛmaa bɛ!

2 Pit 1:19

Ɛhye maa yɛ adwenle si pi kpalɛ wɔ edwɛkɛ mɔɔ Nyamenle Kpɔmanvolɛma hanle la anwo. Ɔhyia kɛ bɛkɛdie ye boɛ, ɔluakɛ ɔle kɛ kɛnlaneɛ mɔɔ ɛlɛta ɛleka mɔɔ le awozinli la, kɔkpula kɛ Alehyenlɛ ne kɛra na aleɛbahye edole ne kɛdu bɛ ahonle ne mɔ anu.