Dwɔhyua Buluku ne 5:9 - BAEBOLO ANZƐƐ BULUKU NWUANZANWUANZA

⁹ Ɛdɛnkɛma zele Dwɔhyua kɛ, “Ɛnɛ kenle ye, nyiane ne mɔɔ kile kɛ bɛle ngɛkɛlɛ wɔ Yigyibiti azɛlɛ zo la, meye mevi ɛkɛ.” Yemɔti bɛvɛlɛle ɛkɛ ne Gelegale, duma ne tɛbɔ ɛkɛ ne kɛkala.

Dwɔhyua Buluku ne 5:9 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 34:14

Bɛzele Hyikɛm nee ɔ ze Heemɔ kɛ, “Yɛnrɛhola yɛnrɛva yɛ diema raalɛ yɛnrɛmaa nrenya mɔɔ ɛtɛyɛle ye mrenyanu nzonlɛ la. Ɔle anyiemgba ɔmaa yɛ.

2 Sam 19:15

Yemɔti belemgbunli ne rale Azule Dwɔdan ne anloa, na Dwudama mɔɔ ɛnee ɛra Gelegale la rayiale ye kɛ bɛbava ye bɛapɛ Azule Dwɔdan ne.

Nihɛmaya Buluku ne 12:29

Bɛtegelegale, Giba, yɛɛ Azemeevɛte nee bɛ ngameɛngameɛ a bɛrale a.

Edwɛndolɛ Buluku ne 119:39

Ye me fi ndeanlɛ ne mɔɔ mesulo ye la anu, ɔluakɛ wɔ mɛla ne mɔ le kpalɛ.

Gyɛlɛmaya Buluku ne 9:25

Ɛdɛnkɛma se, “Mekɛ ne ɛlɛba mɔɔ mebadea Yigyibitima, Dwudama, Yidɔmma, Amɔnoma, Mowabema, yɛɛ ɛsɛlɛ zo amra mɔɔ kpa bɛ nwoma azo enrinli la. Menli ɛhye mɔ amuala ɛyɛ bɛ mrenyanu nzonlɛ, noko bɛnli ngyekyeleɛ ne mɔɔ kile kɛ bɛyɛ bɛ mrenyanu nzonlɛ la azo. Maanle maanle ɛhye mɔ nee Yizilayɛma biala ɛnli me ngyekyeleɛ ne azo.”

Yizikeɛle Buluku ne 23:3

Bɛbɔle tuutuu ɛbɛla wɔ Yigyibiti. Mekɛ ne anu ɛnee bɛle mbɛlɛra, na bɛmanle bɛmiemianle bɛ nyɛfo na bɛminlinle bɛ belamunliyɛlɛ ne.

Yizikeɛle Buluku ne 23:8

Yeangyakyi ye tuutuulilɛ ne mɔɔ ɔlile wɔ Yigyibiti la anzi ɛlilɛ, ɔluakɛ ɔvi ye mbɛlɛra nu, mrenya nee ye lale na bɛsosɔle ɔ nyɛfo, na bɛyɛle ye kɛmɔ bɛkɛyɛ tuutuunli ala la.

Hozia Buluku ne 4:15

“Saa bɛmɛ Yizilayɛma, bɛbɔ tuutuu ɛbɛla a, Dwudama ɛnli nwolɛ fɔlɛ. Bɛmmakɔ Gelegale anzɛɛ Bɛteevɛn kɛ bɛkazonle, yɛɛ bɛmmafa ‘Tease Ɛdɛnkɛma’ duma bɛka ndane.

Sɛlɛ 24:14

“Bɛva ahenle ne mɔɔ bɔle sasa ne la bɛvinde azokoɛleɛ ne kandiba lɔ, na bɛdabɛ mɔɔ bɛdele ye sasabɔlɛ ne la, biala ɛva ɔ sa ɛdo nrenya ne anwoma azo ɛli daselɛ, na akee ɛlɔne ne amuala ɛzi ye awolɛ ɛhu ye.

Emɔzo Buluku ne 5:5

Bɛmmakɔ Biyɛhyiba bɛkɔsonle. Bɛmmakpondɛ me wɔ Bɛtɛle, Bɛtɛle bayɛ mgbane. Bɛmmakɔ Gelegale noko, ɔluakɛ bɛbahye ye menli ne kɔsɔɔti bɛahɔ nlɔnu.”

Maeka Buluku ne 6:5

O me menli, bɛhakye adwenle mɔɔ Mowabe Belemgbunli Beelake bɔle ye bɛ nwo, nee Biyɔ ara Beelam mualɛ mɔɔ vale manle ye la, na bɛhakye mɔɔ zile Akasea mɔɔ kɔ Gelegale adenle nu la, amaa bɛanwu nyɛleɛ mɔɔ medame Ɛdɛnkɛma mefa medie menli la.”

Zɛfanaya Buluku ne 2:8

Tumivolɛ Ɛdɛnkɛma, Yizilayɛ Nyamenle ne se, “Menwu kɛ Mowabema ɛlɛsi agolo me menli ne anwo, nee Amɔnoma aholoba mɔɔ ɛlɛbɔ bɛ, yɛɛ ɛnwunlonwunlanlɛ mɔɔ bɛlɛnwunlonwunla bɛ wɔ bɛ azɛlɛ ne anwo la. Emɔ 1.13-15

Dwɔhyua Buluku ne 24:14

Dwɔhyua vale zɔle zolɛ kɛ, “Ye zɔhane ati bɛli Ɛdɛnkɛma eni na bɛzonle ye nɔhalɛ nu. Awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea nee Yigyibiti la, bɛgua bɛ lɔ na bɛzonle Ɛdɛnkɛma angomekye.

Dwɔhyua Buluku ne 4:19

Siane ne mɔɔ lumua la kenle bulu ne azo yɛɛ menli ne pɛle azule Dwɔdan ne a, na bɛyɛle bɛ azokoɛleɛ wɔ Gelegale, wɔ Gyɛleko aduduleɛ.

Dwɔhyua Buluku ne 5:8

Mrenyanu nzonlɛyɛlɛ ne wiele la, Yizilayɛma amuala dɛnlanle bɛ azokoɛleɛ ɛkɛ ne toonwo bɛ nganlɛ ne mɔ amuala hɔle.

1 Sam 14:6

Dwɔnatan zele kpavolɛ ne mɔɔ soa ye konle ninyɛne ne la kɛ, “Maa yɛhɔ menli ne mɔɔ ɛnze Nyamenle la azokoɛleɛ lɔ; ɔkɛyɛ kɛ Ɛdɛnkɛma bayɛ gyima ne amaa yɛ, ɔluakɛ kanzɛ yɛanzo bɔbɔ a, debie biala ɛnle ɛkɛ mɔɔ kola tua Ɛdɛnkɛma adenle mɔɔ ɔnrɛmaa ɔnrɛlie yɛ a.”

1 Sam 17:26

Devidi bizale menli mɔɔ gyigyi ɔ nwo ɛkɛ ne la kɛ, “Duzu ahyɛlɛdeɛ a sonla mɔɔ kɛhu Filisitianli ye na ɔkɛlie Yizilayɛma ɔkɛvi anyiemgba ɛhye anu la banyia a? Ɔluakɛ, Filisitianli ɛhye mɔɔ ɛnze Nyamenle la a le nwane, mɔɔ ɔdaye bɔbɔ ɔwɔ kɛ ɔko ɔtia tease Nyamenle ne ɛlɔnema a?”

1 Sam 17:36

Wɔ sonvolɛ ɛhu awenade nee bedi mɔ, na Filisitianli ɛhye mɔɔ ɛnze Nyamenle la bawu kɛ awenade anzɛɛ bedi ne mɔ ko ala la, ɔluakɛ yeanli tease Nyamenle ne ɛlɔnema ne eni.

1 Sam 7:16

Ɔde aze la ɛvolɛ biala ɔkpɔsa bɛ nwo zo; ɔkɔ Bɛtɛle, Gelegale nee Mezepa na ɔsiezie manzonle manzonle mɔɔ wɔ azuamgbole ɛhye mɔ azo la amuala.