Dwɔhyua Buluku ne 5:13 - BAEBOLO ANZƐƐ BULUKU NWUANZANWUANZA

¹³ Mɔɔ Dwɔhyua bikyele Gyɛleko la, arɛlevilɛ nu ala ɔnwunle nrenya ko kɛ ɔlɛ konle dadeɛ ɔ sa nu ɔgyi ɔ nyunlu ɛkɛ ne. Dwɔhyua hɔle ɔ nwo ɛkɛ ne na ɔbizale ye kɛ, “Ɛboka yɛ nwo anzɛɛ ɛle kpɔvolɛ?”

Dwɔhyua Buluku ne 5:13 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:1

Kenle ko ewiazo mɔɔ ɛnee maanle nu yɛ wuluwulu, na Ebileham de ye ndanlɛ sua ne anuhɔlɛ ne wɔ Mameli oku mbaka ne mɔ abo la, Ɛdɛnkɛma yele ɔ nwo hilele ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:2

Ɔkpogyale ɔ nye zo la, mɔɔ ɔnwunle ye la a le kɛ, menli nsa gyigyi ɔ nyunlu nehane. Ɔnwunle bɛ la, ɔvi ye anuhɔlɛ ne ɔnriandile ɔhɔyiale bɛ, ɔbɔle ɔ ti aze ɔmanle bɛ,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:16

Na Gyekɔbo vi nafelɛ nu dunwuele na ɔhanle kɛ, “Amgba, Ɛdɛnkɛma wɔ ɛke, yɛɛ menze a.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 33:1

Gyekɔbo manle ɔ nye zo la, ɔnwunle kɛ Yisɔ ɛlɛba, na menli ɛya nna li ɔ nzi. Yemɔti ɔhyɛle ngakula ne mɔ ɔmanle Liya nee Relahyɛle, yɛɛ ye sonvolɛ mraalɛ nwiɔ ne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 33:5

Mɔɔ Yisɔ manle ɔ nye zo na ɔnwunle mraalɛ ne mɔ nee ngakula ne mɔ la, ɔbizale Gyekɔbo kɛ, “Nwane mɔ a le ɛhye mɔ mɔɔ ɛ nee bɛ lua la?” Gyekɔbo buale kɛ, “Ngakula ɛhye mɔ a Nyamenle ɛlolɛ nu yeva yemaa wɔ sonvolɛ a.”

1 Edk 12:22

Alehyenlɛ biala menli rabokale Devidi ɛlɔnema ne anwo hɔdwule kɛ akee ɛlɔne ne yɛle kpole kpalɛ kɛ Nyamenle ɛlɔnema la.

1 Edk 21:27

Akee Ɛdɛnkɛma manle ye soanvolɛ ne vale ye dadeɛ ne wulale ye boa ne anu.

1 Edk 21:30

yɛɛ Devidi angola lɔ kɔ kɔsonle Nyamenle, ɔboalekɛ ɛnee ɔsulo Ɛdɛnkɛma soanvolɛ ne dadeɛ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:23

Saa me soanvolɛ ne di bɛ nyunlu nee bɛ kɔ Amɔlema, Hɛtema, Pɛlɛzema, Keenama, Haevaema, nee Gyibɛsema maanle nu na mebɔ bɛ bo zo bɔkɔɔ a,

Daneɛle Buluku ne 10:5

Memanle me nye zo, na menwunle nrenya bie mɔɔ wula lenen tɛladeɛ na ɔhye Yufaze ezukoa nvutuke akyeso la.

Daneɛle Buluku ne 8:3

Memanle me nye zo la, menwunle kɛ boane nyinli gyi azule ne anloa. Boane ne lɛ mɛne ndendenle nwiɔ, ko wale tɛla ko, na tendenle kpalɛ ne a nzinlii fifile a.

Zɛkalaya Buluku ne 1:8

“Nɔe ne, menwunle kɛ nrenya bie de ɛkpɔnwɔ kɔkɔlɛ zo. Menwunle kɛ ɔgyi ‘mɛtele’ mbaka bie anu wɔ bɔnza bie anu, na ɔ nzi ɛkɛ ne, mgbɔnwɔ kɔkɔlɛ, ndetandeta, yɛɛ fufule gyigyi ɛkɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:23

Mɔɔ asoaso ne nwunle Nyamenle soanvolɛ ne kɛ ɔgyi adenle ne anu na yehwe konle dadeɛ la, ɔbɔle ɔ ti kpɔkɛ nu. Beelam finle asoaso ne na ɔmanle ɔrale adenle ne anu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 22:31

Akee Ɛdɛnkɛma manle Beelam anye zo dele, ɔnwunle kɛ Ɛdɛnkɛma soanvolɛ gyi adenle ne anu na yehwe konle dadeɛ. Beelam bɔle ɔ ti aze na ɔbutule ɔ nye aze.

Ɛzoanvolɛma Gyima ne 1:10

Bɛ nye hale anwomanyunlu, na arɛlevilɛ nu ala mrenya nwiɔ mɔɔ wula adɛladeɛ fufule la ragyinlanle bɛ nwo ɛkɛ ne na bɛzele ɛzoanvolɛma ne kɛ,

Dwɔhyua Buluku ne 6:2

Ɛdɛnkɛma zele Dwɔhyua kɛ, “Nea, meye Gyɛleko memaa wɔ. Sua ne azo belemgbunli ne nee ye ɛlɔnema mɔɔ anwo yɛ se la amuala wɔ ɛ bo.

Yekile 1:13

Debie mɔɔ le kɛ sonla la gyi bɛ avinli, ɔwula tɛladeɛ tendenle mɔɔ dwu ye aze na yeva ezukoa nvutuke akyeso yehye ye avinli.

Maanlebuvolɛma Buluku ne 13:11

Manowa dwazole lile ɔ ye anzi, na bɛradole nrenya ne la ɔzele ye kɛ, “Wɔmɔ a ɛhanle edwɛkɛ ne ɛhilele raalɛ ye la ɔ?” Nrenya ne buale kɛ, “Ɛhɛe, medame ɔ.”

Maanlebuvolɛma Buluku ne 13:22

Manowa zele ɔ ye kɛ, “Yɛnwu Nyamenle! Yɛbawu”