Dwɔhyua Buluku ne 5:1 - BAEBOLO ANZƐƐ BULUKU NWUANZANWUANZA

¹ Mɔɔ Amɔle arelemgbunli mɔɔ wɔ Dwɔdan adɔleɛ nee Keena arelemgbunli mɔɔ wɔ Mɛdetɛlenia Nyevile ne anloa lɔ la dele kɛ Ɛdɛnkɛma ɛmaa Azule Dwɔdan ne ɛsesa na yeye azɛlɛ resee yemaa Yizilayɛma ɛpɛ la, bɛ ahonle dule. Yizilayɛma ati, bɛ nwo mɔra dule bɔkɔɔ.

Dwɔhyua Buluku ne 5:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:6

Ebilam telele zolɛ hɔle Moli oku baka ne abo wɔ Hyikɛm. Mekɛ ne anu ɛnee Keenama wɔ azɛlɛ ne azo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:22

Yeanga ye zɔhane, meva Hyikɛm azɛlɛ ne mɔɔ kye aleɛ, mɔɔ menvale dadeɛ nee ɛda menliele menvile Amɔlema asa anu la memaa wɔ. Meanva meammaa ɛ mediema ne mɔ biala. Medame me anwosesebɛ yɛɛ menvale me nee Amɔlema honle mɔɔ menliele azɛlɛ ne a.”

2 Sam 21:2

(Yemɔti belemgbunli ne vɛlɛle Gebɛyɔnoma manle bɛrale. Gebɛyɔnoma ɛnle Yizilayɛma. Bɛle Amɔlema ekpunli ekyi bie mɔɔ ɛha a. Yizilayɛma bɔle bɛ ɛwɔkɛ kɛ bɛkɛzinza bɛ, noko Sɔɔlo bɔle mɔdenle biala kɛ ɔkɛbɔ bɛ bo zo bɔkɔɔ, amaa ɔ sa aha Yizilayɛma nee Dwudama.)

1 Arl 10:5

Akee ɔnwunle aleɛ mɔɔ bɛdi wɔ sua nu ɛkɛ nee ye mgbanyima ne mɔ tɛnlabelɛ nu, kɛ ye sonvolɛma si sonle ye, bɛ adɛladeɛ mɔɔ bɛwula, ye nzasuvolɛma nee ɛyelalɛ azu mɔɔ Sɔlɔmɔn bɔ wɔ Ɛdɛnkɛma Ɛzonlenlɛ Sua ne anu la, ɔzinle ɔ nwo na ɔ nwo bubule ye.

Ɛzela Buluku ne 9:1

Yɛyɛle ninyɛne ɛhye mɔ yɛwiele la, Yizilayɛ mgbanyima ne bie mɔ rale me nwo ɛkɛ ne razele me kɛ Yizilayɛma, sɛlɛvolɛma, nee Livaema bie mɔ ɛtɛtwenle bɛ nwo ɛtɛfile menli mɔɔ wɔ azɛlɛ ne azo la munzule ɛbɛla ne mɔ anwo. Menli ɛhye mɔ a le Keenama, Hɛtema, Pɛlɛzema, Gyibɛsema, Amɔnoma, Mowabema, Yigyibitima, yɛɛ Amɔlema.

Edwɛndolɛ Buluku ne 135:11

Amɔle Belemgbunli Saehɔn, yɛɛ Beehyan Belemgbunli Ɔɔgo, na ɔzɛkyele Keena arelemgbunli maanle ne mɔ a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:28

Mebamaa ngɛkɛba mɔɔ le kɛ nrɛlabɔlɛ la alumua bɛ nyunlu ahɔvoa Haevaema, Keenama, yɛɛ Hɛtema.

Ayezaya Buluku ne 41:5

“Ɛnweanloa amra ɛnwu ye na bɛ ahonle ɛdu, azɛlɛ ye azo amra amuala anwo wozo bɛ; bɛhuohua bɛ nloa bɛra.

Yizikeɛle Buluku ne 16:3

medame Awulae Nyamenle, meka meahile Gyɛlusalɛmma kɛ: “Bɛwole bɛ yɛɛ bɛ bo vi Keena azɛlɛ zo. Bɛ nlenya mɔ a le Amɔlema, yɛɛ bɛ nla mɔ a le Hɛtema.

Yizikeɛle Buluku ne 21:7

Na saa bɛbiza wɔ kɛ, ‘Duzu ati a wɔgu ɛnwomenle kpole ɛhye’ a, ka kile bɛ kɛ nrɛlaleɛ ne mɔɔ ɛlɛba la ati ɔ. Saa nrɛlaleɛ ne ba a, awie biala ahonle badu. Bɛ sa nu batuto, bɛ nwo bagolo bɛ, na bɛ gyakɛ agbɔkɛ abili kɛ atɛ. Bɛdie, kɛ ɔlɛba ɛ, na ɔbayɛ zɔhane noko. Medame Awulae Nyamenle a mese a.”

Daneɛle Buluku ne 5:6

na ɔ nyunlu hunle, ye adwenle zɛkyele, ɔ nwo wozole ye na ɔ gyakɛ bɔle nwolɛ tɛtɛtɛtɛ.

Emɔzo Buluku ne 2:9

“Noko bɛmɛ bɛ ti, menzɛkyele Amɔlema, mɔɔ bɛ ndendenle le kɛ sida mbaka na bɛ anwosesebɛ le kɛ oku mbaka la bɔkɔɔ membɔle bɛ bo zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 13:29

Amalɛkema de azɛlɛ ne nyiakɛ afoa nu. Hɛtema, Gyibɛsema nee Amɔlema dede azua mɔɔ gua awoka ne mɔ azo la azo; yɛɛ Keenama dede Mɛdetɛlenia Nyevile ne nee Azule Dwɔdan ne anloa.”

Dwɔhyua Buluku ne 17:12

Manasɛma angola andu menli mɔɔ wɔ azuamgbole ɛhye mɔ azo la, yemɔti Keenama dɛnlanle ɛkɛ.

Dwɔhyua Buluku ne 17:18

Awoka ne mɔ anu lɔ azɛlɛ ne bayɛ bɛ ɛdeɛ. Ɔle kpɔkɛ ɛdeɛ, noko bɛhɔva bɛzo, bɛvi ɔ ti bɛhɔkpula ɔ bo na bɛva bɛyɛ bɛ ɛdeɛ. Keenama lɛ konle mbulalɛ ehwili, eza bɛ nwo yɛ se ɛdeɛ, noko bɛbavoa bɛ bɛavi ɛkɛ ne.”

Dwɔhyua Buluku ne 24:15

Saa bɛ kunlu ɛndwo kɛ bɛkɛzonle ye a, ɛnee ɛnɛ demua ye, bɛhile mɔɔ bɛkɛzonle ye la, awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea la anzɛɛ saa Amɔlema mɔɔ bɛ azɛlɛ zo a bɛde la awozonle ne mɔ a. Na mame, me nee me sua nu amra, yɛbazonle Ɛdɛnkɛma.”

Dwɔhyua Buluku ne 3:16

ɔgyakyile ɛzenlɛ a; ye sɔlɔ nzule ne tikale na ɔyɛle bonrabonra toonwo ɔhɔdwule suakpole ne mɔɔ bikye Zalɛtan mɔɔ bɛfɛlɛ ye Adam la. Nyiakɛ azule ne mɔɔ kɔgua Nyevile Wulera ne anu la sesanle yɛle resee, na menli ne luale azɛlɛ resee zo pɛle, wɔ ɛleka mɔɔ bikye Gyɛleko la.

Dwɔhyua Buluku ne 3:17

Na sɛlɛvolɛma ne mɔɔ zo Ɛdɛnkɛma Ngyekyeleɛ Ɛlɛka ne la gyinlanle azɛlɛ resee zo wɔ azule ne avinli, wɔ mekɛ mɔɔ ɛnee Yizilayɛma ɛlɛpɛ azule ne la. Sɛlɛvolɛma ne gyinlanle bɛ gyakɛ anu ɛkɛ ne toonwo Yizilayɛma amuala wiele pɛ kɔ sunvoa.

Yekile 18:10

Bɛ ahonle badu wɔ ye amaneɛnwunlɛ ne ati na bɛagyinla amozi bɛaha kɛ, “Ɔyɛ ɛzulolɛ! Ɔyɛ nwanwane! Sua bɔdenle mɔɔ le kɛ Babelɔn! Bɛva dɔnehwele ko ala bɛdea wɔ, bɛbɔ wɔ tɔɔ!”

Maanlebuvolɛma Buluku ne 1:1

Dwɔhyua wule la, Yizilayɛma bizale Ɛdɛnkɛma kɛ, “Nwane yɛɛ ɛlumua ɛhɔteta Keenama ɔ nee bɛ ɛho a?”

Maanlebuvolɛma Buluku ne 11:23

Yemɔti kɛkala, Ɛdɛnkɛma mɔɔ le Yizilayɛ Nyamenle ne yɛɛ nee Amɔlema ɛho ɛlie bɛ maanle ne ɛmaa ye menli, Yizilayɛma a. Na duzu tumi yɛɛ wɔmɔ ɛdawɔ ɛlɛ ye mɔɔ ɔwɔ kɛ ɛsa yɛ ɛdie a?

Maanlebuvolɛma Buluku ne 3:3

Maanle maanle ne mɔ ɛne: Filisitia arelemgbunli nnu ne, Keenama amuala, Saedɛnema, yɛɛ Haevaema mɔɔ gua Lɛbanɔn Boka ne azo la, ɔvi Beeyale Hɛmɔn Boka toonwo mɔɔ kɔdwu Heemate Ademgbolezo la.

Maanlebuvolɛma Buluku ne 4:2

Ɛdɛnkɛma yele bɛ manle Gyeeben mɔɔ le Keena belemgbunli ne mɔɔ di ebia wɔ Heezɔ la. Safohyenlema Kpanyinli mɔɔ ɛnee nea belemgbunli ne ɛlɔnema ne anwo zo la bɛfɛlɛ ye Sesɛla; ɔdɛnlanle Halohyɛte, mɔɔ wɔ menli mɔɔ ɛnle Dwuuma la maanle nu la.

1 Sam 25:37

Aleɛ hyenle na Neebale anye zo tetele ye la, ɔ ye hanle mɔɔ zile la amuala hilele ye, na ɛkɛ ne ala ɔgolole ɔguale na ɔdwidwele.