Dwɔhyua Buluku ne 4:6 - BAEBOLO ANZƐƐ BULUKU NWUANZANWUANZA

⁶ Awolɛ ɛhye mɔ bamaa menli ne ahakye mɔɔ Ɛdɛnkɛma ɛyɛ la. Saa kenle bie bɛ mra biza kɛ, ‘Na ɛhye abo a le duzu?’ a,

Dwɔhyua Buluku ne 4:6 ပူးပေါင်းရင်းမြစ်များ

Edwɛndolɛ Buluku ne 44:1

O Nyamenle, yɛde ye yɛ nzo nu, yɛ nlenya mɔ ɛha ɛhile yɛ, ninyɛne mgbole mɔɔ ɛyɛle bɛ mekɛ zo, wɔ mɔmoane mɔmoane ne.

Edwɛndolɛ Buluku ne 71:18

Yemɔti saa menyi, na me ti zo ɛyɛ nwohyee a, O Nyamenle, mmakpo me, kɔkpula kɛ menwɔbɔ wɔ tumi kpole ne nolo menwɔmaa awolɛndoazo mɔɔ bara la kɛde bie.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:14

Kenle zɔhane bayɛ ngakyelɛ kenle amaa bɛ, na bɛbazie ye kɛ Ɛdɛnkɛma Ɛvoyia kenle. Awolɛndoazo kɔsɔɔti bazie kenle ne na bɛali ɛvoyia ne.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:14

Saa kenle bie bɛ mra biza bɛ kɛ, ‘Ɛhye abo a le duzu?’ a, bɛha bɛhile bɛ kɛ, ‘Ɛdɛnkɛma vale tumi kpole a yele yɛ vile Yigyibiti wɔ akɛlɛzonlenlɛ nu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:9

Na ɔbayɛ kɛ sɛkɛlɛneɛ mɔɔ wɔ bɛ sa anwo na yeayɛ kɛ ngakyedeɛ wɔ bɛ nwoma azo, amaa Ɛdɛnkɛma mɛla ne ala bɛ nloa, ɔluakɛ ɔlua tumi kpole zo, Ɛdɛnkɛma ɛye bɛ ɛvi Yigyibiti.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 31:13

“Ka kile Yizilayɛma kɛ: Bɛzie me Ɛnwomenlelielɛ Kenle ne, ɔboalekɛ ɔle sɛkɛlɛneɛ ɔmaa bɛ nee medame wɔ mekɛ mɔɔ bara la amuala kɛ medame, Ɛdɛnkɛma a mede bɛ nwo meyɛ bɛ me menli a.

Ayezaya Buluku ne 38:19

Sonla mɔɔ de aze la, yemɔ a kola yɛ wɔ mo a, Kɛmɔ ɛnɛ kenle ye melɛyɛ la. Selɛ a kilehile ɔ mra wɔ nɔhalɛlilɛ ne a.

Ayezaya Buluku ne 55:13

Sepelɛse mbaka bafifi ɛleka mɔɔ mbowule wɔ la, mbaka mgbole bafifi ɛleka mɔɔ mbowunyɛma wɔ la; Ɛhye bayɛ ngakyedeɛ yeamaa medame Ɛdɛnkɛma, sɛkɛlɛneɛ mɔɔ bɛmpɛ bɛndo ɛlɛ.”

Yizikeɛle Buluku ne 20:12

Eza menvale me Ɛnwomenlelielɛ Kenle ne mɔ memanle bɛ, kɛ ɔle sɛkɛlɛneɛ mɔɔ la me nee bɛ avinli a, amaa bɛanwu kɛ medame Ɛdɛnkɛma a mete bɛ nwo a.

Yizikeɛle Buluku ne 20:20

bɛde me Ɛnwomenlelielɛ Kenle ne mɔ anwo, amaa yeayɛ sɛkɛlɛneɛ yeala me nee bɛ avinli, na bɛanwu kɛ medame Ɛdɛnkɛma a mele bɛ Nyamenle a.’

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:38

Mekɛ mɔɔ bɛ nee bɛ hɔle Ɛdɛnkɛma azukponle ne anwo la yɛɛ bɛyɛle nwuanzanwuanza a. Yemɔti fa menli ɛhye mɔ mɔɔ bɛhunle bɛ wɔ bɛ ɛtane ti la ɛyɛlɛkpunlɛ ahyɛnze ne mɔ, bolo bɛ ndɛtɛlɛ ndɛtɛlɛ na bɛava bɛaheda azukponle ne azo. Ɛhye bayɛ kɔkɔbɔlɛ amaa Yizilayɛma.”

Ɛzoanvolɛma Gyima ne 2:39

Ɔluakɛ Nyamenle ɛwɔkɛ ne le bɛ nee bɛ mra nee menli mɔɔ wɔ ɛleka muala, mɔɔ yɛ Awulae Nyamenle ne kɛvɛlɛ bɛ la ɛdeɛ.”

Mɛla 11:19

Bɛhilehile bɛ mra na bɛha nwolɛ edwɛkɛ bɛhile bɛ wɔ mekɛ biala mɔɔ bɛkɛdɛnla aze wɔ bɛ azua nu, anzɛɛ bɛlua adenle zo, anzɛɛ bɛkɛhɔ nla nu, anzɛɛ bɛkɛdwazo la.

Dwɔhyua Buluku ne 22:27

na yɛyɛle, amaa yeayɛ sɛkɛlɛneɛ yeamaa yɛ menli ne nee bɛ menli ɛdeɛ ne, nee awolɛndoazo mɔɔ bara la kɛ, nɔhalɛ nu, yɛfa yɛ azubɔdeɛ yɛkɔ yɛmaa bɛyela bɛ na yɛbɔ azu, yɛɛ yɛfa yɛ mediemayɛlɛ azubɔdeɛ yɛkɔsonle Ɛdɛnkɛma wɔ ye Ndanlɛ Sua Nwuanzanwuanza ne anyunlu. Ɛhye ɛnrɛmaa bɛ bo zo amra ne ɛnrɛha kɛ yɛ nee Ɛdɛnkɛma ɛnlɛ ngitanwolilɛ.

Dwɔhyua Buluku ne 4:21

Akee ɔzele Yizilayɛma kɛ, “Saa kenle bie bɛ bo zo amra biza bɛ ze mɔ kɛ, ‘Awolɛ ɛhye mɔ abo a le duzu’ a,

Dwɔhyua Buluku ne 4:5

na ɔzele bɛ kɛ, “Bɛhɔ Azule Dwɔdan ne anu na bɛhɔ Ɛdɛnkɛma bɛ Nyamenle ne Ɛlɛka ne anwo ɛkɛ, bɛ nuhua ko biala ɛva bolɛ ko ɛdo ɔ kɔme zo ɛrɛla, bolɛ ko biala gyi ɛkɛ ne maa Yizilayɛ abusua ekpunli ko.