Dwɔhyua Buluku ne 4:5 - BAEBOLO ANZƐƐ BULUKU NWUANZANWUANZA

⁵ na ɔzele bɛ kɛ, “Bɛhɔ Azule Dwɔdan ne anu na bɛhɔ Ɛdɛnkɛma bɛ Nyamenle ne Ɛlɛka ne anwo ɛkɛ, bɛ nuhua ko biala ɛva bolɛ ko ɛdo ɔ kɔme zo ɛrɛla, bolɛ ko biala gyi ɛkɛ ne maa Yizilayɛ abusua ekpunli ko.

Dwɔhyua Buluku ne 4:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:46

Akee ɔzele ɔ nwo amra ne mɔ kɛ, “Bɛsesa awolɛ bɛhua ye edukue.” Na bɛsesale awolɛ bɛhuanle ye edukue na bɛlile debie wɔ awolɛ edukue ne anwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:4

Na Mosisi hɛlɛle Ɛdɛnkɛma edwɛkɛ ne amuala. Ɔdwazole nwonlomɔ mangyee ne ɔzile azukponle nee mpila bulu nee nwiɔ, kɛmɔ Yizilayɛ mbusua ekpunli bulu nee nwiɔ ne de la wɔ boka ne abo.

Mɛla 27:2

Kenle mɔɔ bɛkɛpɛ bɛkɛhɔ Azule Dwɔdan ne anzi lɔ, azɛlɛ ne mɔɔ Ɛdɛnkɛma bɛ Nyamenle ne ɛlɛfa amaa bɛ la azo la, bɛva awolɛ mgbole, na bɛkokoa zolɛ bɛmaa ɔyɛ tonlotonlo.

Mɛla 9:1

“O Yizilayɛma, bɛdie! Ɛnɛ kenle ye, bɛpɛ Dwɔdan ne bɛhɔ ɔ nzi lɔ, bɛhɔ maanle mɔɔ le kpole, na menli mɔɔ wɔ nu la anwo yɛ ɛzulolɛ tɛla bɛ la bɛhɔza bɛ bɛlie bɛ azɛlɛ ne, nee bɛ azuamgbole mɔɔ bɛlie nwolɛ bane bɛmaa yehɔ anwuma la.

Dwɔhyua Buluku ne 22:10

Mekɛ mɔɔ Wulubɛn, Gaade, yɛɛ Manasɛ Aduduleɛ amra dwule Gɛlaelo, mɔɔ ɛnee bɛtɛbɔ Dwɔdan adɔleɛ afoa nu la, bɛzile azukponle kpole kɛnlɛma ko wɔ azule ne anloa.

Dwɔhyua Buluku ne 4:4

Akee Dwɔhyua vɛlɛle menli bulu nee nwiɔ ne mɔɔ ɔyele bɛ ɔvile Yizilayɛ mbusua ekpunli ekpunli bulu nee nwiɔ ne anu la

Dwɔhyua Buluku ne 4:6

Awolɛ ɛhye mɔ bamaa menli ne ahakye mɔɔ Ɛdɛnkɛma ɛyɛ la. Saa kenle bie bɛ mra biza kɛ, ‘Na ɛhye abo a le duzu?’ a,