Dwɔhyua Buluku ne 4:19 - BAEBOLO ANZƐƐ BULUKU NWUANZANWUANZA

¹⁹ Siane ne mɔɔ lumua la kenle bulu ne azo yɛɛ menli ne pɛle azule Dwɔdan ne a, na bɛyɛle bɛ azokoɛleɛ wɔ Gelegale, wɔ Gyɛleko aduduleɛ.

Dwɔhyua Buluku ne 4:19 ပူးပေါင်းရင်းမြစ်များ

2 Arl 2:1

Mekɛ dwule kɛ akee Ɛdɛnkɛma bafa Yilaegya wɔ ahumuakyima nu kɔ anwuma. Yilaegya nee Yilaehya vi Gelegale zile nu,

Emɔzo Buluku ne 4:4

Awulae Nyamenle se, “Yizilayɛma, bɛhɔ Bɛtɛle ɛleka nwuanzanwuanza ne na bɛhɔdo mɛla ne mɔ. Bɛhɔ Gelegale bɛhɔtietia mɛla ne azo! Bɛhɔ zolɛ bɛbɔ azu nwonlomɔ biala, na bɛva bɛ ngyɛnu bulu ɛkpɔ ko ne bɛrɛla kenle nsa nsa.

Emɔzo Buluku ne 5:5

Bɛmmakɔ Biyɛhyiba bɛkɔsonle. Bɛmmakpondɛ me wɔ Bɛtɛle, Bɛtɛle bayɛ mgbane. Bɛmmakɔ Gelegale noko, ɔluakɛ bɛbahye ye menli ne kɔsɔɔti bɛahɔ nlɔnu.”

Maeka Buluku ne 6:5

O me menli, bɛhakye adwenle mɔɔ Mowabe Belemgbunli Beelake bɔle ye bɛ nwo, nee Biyɔ ara Beelam mualɛ mɔɔ vale manle ye la, na bɛhakye mɔɔ zile Akasea mɔɔ kɔ Gelegale adenle nu la, amaa bɛanwu nyɛleɛ mɔɔ medame Ɛdɛnkɛma mefa medie menli la.”

Mɛla 1:3

Yizilayɛma zile nu wɔ Yigyibiti la, ye ɛvolɛ abulanla ne azo, siane bulu nee ko ne kenle ne mɔɔ lumua la azo yɛɛ Mosisi dendɛle hilele menli ne na ɔhanle edwɛkɛ biala mɔɔ Ɛdɛnkɛma ɛze ye la ɔhilele bɛ a.

Mɛla 11:30

(Awoka nwiɔ ɛhye wɔ Azule Dwɔdan ne adɔleɛ afoa nu, wɔ Keenama mɔɔ de Dwɔdan Bɔnza la maanle nu. Bɛwɔ mɔɔ kɔne adɔleɛ la; bɛ nee Moli mbaka ne mɔ mɔɔ menli kɔsonle bɛ bo la anwa yɛɛ bɛbikye Gelegale.)

Dwɔhyua Buluku ne 10:43

Ɛhye anzi, Dwɔhyua nee ye ɛlɔnema ne akee ziale rale bɛ azokoɛleɛ ne wɔ Gelegale.

Dwɔhyua Buluku ne 10:6

Gebɛyɔnoma zoanle manle bɛhɔzele Dwɔhyua wɔ Gelegale azokoɛleɛ ne kɛ, “Yɛmenle, mmaye yɛ ɛmaa! Bɛla ndɛndɛ baboa yɛ na die yɛ ngoane. Amɔle arelemgbunli mɔɔ wɔ awoka ne mɔ azo lɔ la ɛbɔ nu ɛra nee yɛ baho.”

Dwɔhyua Buluku ne 15:7

ɔvi Ngyegyelɛ Bɔnza ɔkɔ Dibɛ, na yeabele ye ɛbɔ nu yeavinde Gelegale ɛleka mɔɔ nee Adɛmem anye bɔ zolɛ la, wɔ bɔnza ne nyiakɛ. Akee ɔlua Ɛnhyimɛhye azule ne anloa, ɔdwu Ɛnlogɛle.

Dwɔhyua Buluku ne 24:11

Bɛpɛle Azule Dwɔdan ne bɛrale Gyɛleko. Gyɛlekoma nee bɛ honle; zɔhane ala yɛɛ Amɔlema, Pɛlɛzema, Keenama, Hɛtema, Gɛgahyema, Haevaema, yɛɛ Gyibɛsema noko nee bɛ honle a. Na memanle bɛlile bɛ muala bɛ nwo zo konim.

Dwɔhyua Buluku ne 4:18

Mɔɔ sɛlɛvolɛma ne vole file zo ala la yɛɛ azule ne bɔle ɔ bo kɛ ɔse a, na ɔyile ɔbule aze bieko.

Dwɔhyua Buluku ne 5:10

Mɔɔ ɛnee bɛtɛbɔ Gelegale azokoɛleɛ ɛkɛ ne la, Yizilayɛma lile “Akpabɛnwo Ɛvoyia” ne wɔ fienemgbole ne mɔɔ bikye Gyɛleko la anu. Bɛlile ɛvoyia ne wɔ siane ne anu kenle bulu nee nna ne azo nɔsolɛ nu.

Dwɔhyua Buluku ne 5:9

Ɛdɛnkɛma zele Dwɔhyua kɛ, “Ɛnɛ kenle ye, nyiane ne mɔɔ kile kɛ bɛle ngɛkɛlɛ wɔ Yigyibiti azɛlɛ zo la, meye mevi ɛkɛ.” Yemɔti bɛvɛlɛle ɛkɛ ne Gelegale, duma ne tɛbɔ ɛkɛ ne kɛkala.

Dwɔhyua Buluku ne 9:6

Akee bɛhɔle Yizilayɛma azokoɛleɛ ne wɔ Gelegale na bɛhɔzele Dwɔhyua nee Yizilayɛma kɛ, “Yɛvi moa kpalɛ a yɛra a. Yɛkulo kɛ bɛ nee yɛ yɛ ngyehyɛlɛ.”

1 Sam 10:8

Ɛbalumua me nyunlu wɔ Gelegale, na mebarayia wɔ ɛkɛ na mearabɔ ɛyelalɛ nee anzonudwolɛ azu. Anrɛɛ kendɛ me ɛkɛ ne kenle nsuu kɔkpula kɛ menwɔrahile wɔ deɛ mɔɔ ɔwɔ kɛ ɛyɛ la.”

1 Sam 15:33

Na Samoɛle zele ye kɛ, “Kɛmɔ wɔ dadeɛ ne ɛmaa mrɛladane mraalɛ amra ɛvi bɛ sa la, zɔhane ala yɛɛ ɛdawɔ ɛ nli balɛ ɔ sa mgbane wɔ mrɛladane mraalɛ avinli a.” Na Samoɛle pepɛle ye nzokanzoka wɔ Gelegale wɔ Ɛdɛnkɛma anyunlu ɛkɛ.