Dwɔhyua Buluku ne 3:8 - BAEBOLO ANZƐƐ BULUKU NWUANZANWUANZA

⁸ Se sɛlɛvolɛma mɔɔ zo Ngyekyeleɛ Ɛlɛka ne la kɛ, ‘Saa bɛdwu Azule Dwɔdan ne anloa a, bɛwudwu bɛhɔ ye pemgbɛne ne azo na bɛgyinla.’ ”

Dwɔhyua Buluku ne 3:8 ပူးပေါင်းရင်းမြစ်များ

2 Arl 2:6

Yilaegya zele Yilaehya kɛ, “Mebodo wɔ, kendɛ ɛke na Ɛdɛnkɛma ɛzoa me wɔ Azule Dwɔdan ne anloa.” Yilaehya buale kɛ, “Meka tease Ɛdɛnkɛma nee ɛdawɔ kɛ menrɛkpɔkye me nwo menrɛvi ɛ nwo ɛlɛ.” Yemɔti bɛzile nu bɛhɔle.

2 Edk 29:15

Menli ɛhye mɔ boɔboale bɛ sa zo ne mɔ anloa, bɛnluanle bɛ nwo, na kɛmɔ Ɛdɛnkɛma anloa edwɛkɛ ne mɔɔ belemgbunli ne hanle hilele bɛ la se la, bɛhɔle kɛ bɛkanlua Ɛdɛnkɛma Ɛzonlenlɛ Sua ne.

2 Edk 29:27

Akee Belemgbunli Hɛzikaya yɛle kɛ bɛbɔ ɛyelalɛ azu ne wɔ azukponle ne azo. Mɔɔ bɛbɔle ɛyelalɛ azu ne abo la, bɛbɔle Ɛdɛnkɛma ayɛlɛyelɛ edwɛne ɛdolɛ bo, bɛbɔle aweɛne ndendenle ne na bɛbɔle agolebɔlɛ ninyɛne ne mɔ mɔɔ Yizilayɛ Belemgbunli Devidi yɛle manle bɛ la.

2 Edk 29:30

Na Belemgbunli Hɛzikaya nee ye mgbanyima ne zele Livaema ne kɛ bɛdo edwɛne ne mɔɔ Belemgbunli Devidi nee Esafe yɛle la bie bɛyeyɛ Ɛdɛnkɛma. Na bɛvale anyelielɛ bɛdole edwɛne, bɛbɔle bɛ ti aze bɛyeyɛle Ɛdɛnkɛma.

2 Edk 30:12

Nyamenle tumi ne noko yɛle gyima wɔ Dwuda manle menli ne amuala yɛle ko, na bɛyɛle debie biala mɔɔ belemgbunli ne nee ye mgbanyima ne mɔ luale Ɛdɛnkɛma duma nu hanle hilele bɛ la.

Nihɛmaya Buluku ne 13:22

Na menzele Livaema ne kɛ bɛdu bɛ nwo bɛmaa na bɛrazinza nlenkɛ mgbole ne mɔ bɛmaa bɛzie Ɛnwomenlelielɛ Kenle ne nwuanzanwuanza. O me Nyamenle, kakye me wɔ ɛhye noko ati na die me, kɛmɔ wɔ ɛhulolɛ kpole ne mɔɔ ɛmbɔ aze ɛlɛ la de la.

Nihɛmaya Buluku ne 13:28

Dwɔyada le Sɛlɛvolɛ Kpanyinli Yilayahyebe ara nrenya. Dwɔyada amra mrenya ne mɔ ko gya Sanebalate mɔɔ vi Bɛte Hɔlɔn la ara raalɛ, yemɔti mendule ye menvile Gyɛlusalɛm.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:13

Na Mosisi zele menli ne kɛ, “Bɛmmasulo, bɛgyinla kpundii na bɛnlea kɛ ɛnɛ Ɛdɛnkɛma bazi alie bɛ la. Ɔluakɛ Yigyibitima mɔɔ bɛnwu bɛ ɛnɛ la, bɛnrɛnwu bɛ bieko ɛlɛ.

Gyɛlɛmaya Awolɛyelɛ 3:26

Ɔle kpalɛ kɛ sonla kɛzie ɔ ti koonwu kɛkpondɛ Ɛdɛnkɛma ngoanelielɛ ne abo zo;

Dwɔhyua Buluku ne 3:17

Na sɛlɛvolɛma ne mɔɔ zo Ɛdɛnkɛma Ngyekyeleɛ Ɛlɛka ne la gyinlanle azɛlɛ resee zo wɔ azule ne avinli, wɔ mekɛ mɔɔ ɛnee Yizilayɛma ɛlɛpɛ azule ne la. Sɛlɛvolɛma ne gyinlanle bɛ gyakɛ anu ɛkɛ ne toonwo Yizilayɛma amuala wiele pɛ kɔ sunvoa.

Dwɔhyua Buluku ne 3:3

na bɛzele bɛ kɛ, “Saa bɛnwu kɛ Livaema ne mɔɔ bɛmɛ a bɛle sɛlɛvolɛma la ɛmaa Ɛdɛnkɛma bɛ Nyamenle ne Ngyekyeleɛ Ɛlɛka ne zo bɛvi azokoɛleɛ ɛke bɛlɛkɔ a, bɛdabɛ noko bɛdu bɛ bo bɛdoa bɛ.

Dwɔhyua Buluku ne 3:7

Ɛdɛnkɛma zele Dwɔhyua kɛ, “Ɛnɛ kenle ye mebayɛ wɔ sonlakpole meamaa Yizilayɛma amuala abɔ ɔ bo ali wɔ eni na bɛanwu ye wienyi kɛ me nee wɔ lua, kɛmɔ me nee Mosisi luale la.

Dwɔhyua Buluku ne 3:9

Akee Dwɔhyua zele Yizilayɛma kɔsɔɔti kɛ, “Bɛrɛla ɛke bɛradie mɔɔ Ɛdɛnkɛma bɛ Nyamenle ne ɛlɛka la!

Dwɔhyua Buluku ne 4:11

Mɔɔ bɛ muala bɛpɛle bɛlile azule ne anzi lɔ la, sɛlɛvolɛma ne mɔɔ zo Ɛdɛnkɛma Ngyekyeleɛ Ɛlɛka ne la zenle hɔlile menli ne anyunlu.