Dwɔhyua Buluku ne 3:5 - BAEBOLO ANZƐƐ BULUKU NWUANZANWUANZA

⁵ Dwɔhyua zele menli ne kɛ, “Bɛdu bɛ nwo bɛzie ahane bɛmaa Ɛdɛnkɛma, ɔboalekɛ ɛhyema Ɛdɛnkɛma bayɛ nwanwane ninyɛne ahile bɛ.”

Dwɔhyua Buluku ne 3:5 ပူးပေါင်းရင်းမြစ်များ

Dwobu Buluku ne 1:5

Saa bɛto ɛkponle ne toonwo na ɔyia bɛ ti a, Dwobu fɛlɛ bɛ na ɔnua bɛ. Ɔdwazo aleɛbahye na ɔbɔ bɛ ti ngoko ɔfa nane ɔyela ɔbɔ azu, ɔluakɛ Dwobu edwɛkɛ a le kɛ, “Wɔannea a ɛnee me mra ne mɔ ɛyɛ ɛtane wɔ bɛ ahonle nu na bɛdendɛ ɛtane bɛtia Nyamenle.” Dwobu yɛle ɛhye mekɛ biala.

Edwɛndolɛ Buluku ne 77:15

Ɛvale wɔ tumi ne ɛliele wɔ menli, Gyekɔbo nee Dwosefi abo zo amra.

Edwɛndolɛ Buluku ne 86:10

Ɔluakɛ ɛle kpole yɛɛ ɛyɛ nwanwane ninyɛne, ɛ ngomekye ala yɛɛ ɛle Nyamenle a.

Dwowɛle Buluku ne 2:16

Bɛboɔboa menli ne anloa. Bɛnlua menli mɔɔ ɛyia ɛlɛsonle la; bɛboɔboa mgbanyima ne mɔ anloa; bɛboɔboa ngakula ne mɔ anloa, bɛboɔboa nlɔma mɔɔ la nyɛfonlɛ nloa la anloa. Bɛmaa atɔfolɛ nrenya ne vi ye ekpumgbunli ne anu evinde, na atɔfolɛ raalɛ ne vi ye suakunlu ɛvinde.

Sɛlɛ 10:3

Na Mosisi zele Aalɔn kɛ, “Ɛdɛnkɛma se, ‘Mekile meamaa menli mɔɔ bikye me la anwu kɛ mele nwuanzanwuanza, na meamaa menli ne amuala anwu me anyunlunyia ne.’ ” Na Aalɔn andɛ ɔ nloa anu.

Sɛlɛ 20:7

Zɔhane ati bɛmaa bɛ nwo ɛde saanwu, ɔluakɛ medame a mele Ɛdɛnkɛma bɛ Nyamenle ne a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:8

Nɔɔzo mɔɔ ɛbɔlɛ ne ɛlɛtɔ la ɛnee bɛdabɛ noko bɛlɛtɔ. Aleɛ kye a menli ne mɔ kɔsesa, bɛti anzɛɛ bɛsi ye duba nu, bɛbɔ ye ndɛlamoa na bɛto ye siase nu. Ye fɛlɛko le kɛ kpanwo mɔɔ bɛva ɔlivi nwole bɛfete na bɛdo la.)

Dw 17:19

yɛɛ ɔlua bɛ ti medu me nwo memaa wɔ, amaa bɛdabɛ noko bɛadu bɛ nwo nɔhalɛ nu bɛamaa wɔ.

Dwɔhyua Buluku ne 3:13

Saa sɛlɛvolɛma mɔɔ zo ewiade amuala Ɛdɛnkɛma Ngyekyeleɛ Ɛlɛka ne la wula bɛ gyakɛ Dwɔdan ne anu a, ɔbagyakyi ɛzenlɛ, na nzule ne mɔɔ vi ye sɔlɔ ba la bagyinla ayɛ bonrabonra wɔ ɛleka ko.”

Dwɔhyua Buluku ne 3:4

Kɛmɔ bɛ biala ɛtɛbale ɛke ɛlɛ la, sɛlɛvolɛma ye ala yɛɛ bahile adenle ne a. Noko anrɛɛ bɛmmabikye Ngyekyeleɛ Ɛlɛka ne somasoma. Bɛmaa adenle kɛyɛ kilomita ko ɛla bɛ nee sɛlɛvolɛma ne avinli.”

Dwɔhyua Buluku ne 3:6

Akee ɔzele sɛlɛvolɛma ne kɛ, “Bɛva Ngyekyeleɛ Ɛlɛka ne bɛze bɛlumua menli ne anyunlu.” Na bɛyɛle ye zɔhane.

Dwɔhyua Buluku ne 7:13

Dwazo! Maa menli ne ɛde bɛ nwo na bɛrɛla me nyunlu ɛke. Bɛziezie bɛ nwo bɛrɛla me nyunlu ɛke ɛhyema, ɔboalekɛ medame, Yizilayɛ Ɛdɛnkɛma Nyamenle ne, melɛ ɛhye meka meahile bɛ: ‘Yizilayɛma, ninyɛne mɔɔ menganle kɛ bɛzɛkye bɛ la bie mɔ vea bɛ nwo ɛkɛ! Bɛnrɛhola bɛ kpɔvolɛma anyunlu gyinla ɛlɛ, kyesɛ bɛminli ninyɛne ɛhye mɔ abo zo.’

1 Sam 16:5

Ɔbuale bɛ kɛ, “Ɛhɛe, me nee anzonudwolɛ a rale a; mera kɛ mebabɔ azu meamaa Ɛdɛnkɛma. Yemɔti awie biala ɛde ɔ nwo ɛmaa yɛhɔbɔ azu ne.” Ɔmanle Gyɛsi nee ɔ mra ne mɔ noko dele bɛ nwo, na ɔzele bɛ kɛ bɛhɔ azubɔlɛ ne abo.