Dwɔhyua Buluku ne 3:4 - BAEBOLO ANZƐƐ BULUKU NWUANZANWUANZA

⁴ Kɛmɔ bɛ biala ɛtɛbale ɛke ɛlɛ la, sɛlɛvolɛma ye ala yɛɛ bahile adenle ne a. Noko anrɛɛ bɛmmabikye Ngyekyeleɛ Ɛlɛka ne somasoma. Bɛmaa adenle kɛyɛ kilomita ko ɛla bɛ nee sɛlɛvolɛma ne avinli.”

Dwɔhyua Buluku ne 3:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:2

Gyekɔbo eza nwunle kɛ Leeban ɛmbu ye, kɛmɔ alumua ne ɔbu ye la.

1 Edk 11:2

Mekɛ bie mɔɔ ɛze ɛhɔ, mɔɔ ɛnee Sɔɔlo a le belemgbunli la, wɔmɔ yɛɛ ɛlile Yizilayɛma ati ɛ nee bɛ hɔle, rale a, na Ɛdɛnkɛma wɔ Nyamenle ne zele wɔ kɛ, ‘Wɔmɔ yɛɛ ɛbali Yizilayɛma ati na wɔali bɛ belemgbunli a.’ ”

Edwɛndolɛ Buluku ne 25:12

Nwane a le sonla ne mɔɔ sulo Ɛdɛnkɛma la? Yemɔ yɛɛ Ɛdɛnkɛma bahilehile ye adenle mɔɔ ɔwɔ kɛ ɔfa nu la a.

Edwɛndolɛ Buluku ne 89:7

Ɔle Nyamenle mɔɔ nwuanzanwuanzama ayia ne sulo ye a; ɔle kpole, ɔ nwo yɛ ɛzulolɛ tɛla bɛdabɛ mɔɔ bɛbɔ bɛyia ye la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:12

Gya anyiane, amaa menli ne ambɔ andɛla, na ka kile bɛ kɛ, ‘Bɛnlea boɛ na bɛ biala anvo boka ne azo anzɛɛ ambikye nwolɛ bɔbɔ. Awie biala mɔɔ kɛzie ɔ ti boka ne anwo la, bɛkɛhu ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:5

Na Nyamenle zele kɛ, “Mmabikye me; yeye mgbɔlaboa ne mɔɔ ɛwula la, ɔluakɛ azɛlɛ ne mɔɔ ɛgyi zolɛ la le nwuanzanwuanza.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:10

Na Mosisi hanle hilele Ɛdɛnkɛma kɛ, “O me Awulae, sumunli kɛ bɛwole me toonwo mɔɔ yeradwu ɛnɛ, yɛɛ kɛkala bɔbɔ mɔɔ wɔdendɛ wɔhile wɔ sonvolɛ la, me nloa ɛnde, yɛɛ me ɛdendɛlɛ le bɛtɛɛ.”

Ayezaya Buluku ne 30:33

Bɛziezie ɛleka wɔ ɛkɛ ne dɛbadɛba mɔɔ bɛbava bɛayela Aselea belemgbunli ne a. Nuhua le kuma, ɔtɛlɛ, yɛɛ bɛziezie ɛyɛne dɔɔnwo wɔ nuhua. Ɛdɛnkɛma bava ye ɛnwomenle ne mɔɔ sɔ kɛ sɔlefe la yeamaa yeazɔ.

Ayezaya Buluku ne 48:17

Ɛdɛnkɛma, bɛ Kpɔnevolɛ, Yizilayɛ Nwuanzanwuanza Ko ne se, “Medame a mele Ɛdɛnkɛma bɛ Nyamenle ne, mɔɔ kilehile bɛ maa bɛyɛ kpalɛ, na ɔdi bɛ nyunlu ɔkilehile bɛ adenle mɔɔ ɔwɔ kɛ bɛdua nu la.

Dwɔhyua Buluku ne 3:3

na bɛzele bɛ kɛ, “Saa bɛnwu kɛ Livaema ne mɔɔ bɛmɛ a bɛle sɛlɛvolɛma la ɛmaa Ɛdɛnkɛma bɛ Nyamenle ne Ngyekyeleɛ Ɛlɛka ne zo bɛvi azokoɛleɛ ɛke bɛlɛkɔ a, bɛdabɛ noko bɛdu bɛ bo bɛdoa bɛ.

Dwɔhyua Buluku ne 3:5

Dwɔhyua zele menli ne kɛ, “Bɛdu bɛ nwo bɛzie ahane bɛmaa Ɛdɛnkɛma, ɔboalekɛ ɛhyema Ɛdɛnkɛma bayɛ nwanwane ninyɛne ahile bɛ.”