Dwɔhyua Buluku ne 24:8 - BAEBOLO ANZƐƐ BULUKU NWUANZANWUANZA

⁸ Akee menvale bɛ membale Amɔlema azɛlɛ zo wɔ Dwɔdan aduduleɛ. Amɔlema nee bɛ honle, noko memanle bɛlile Amɔlema anwo zo konim. Bɛvale Amɔlema azɛlɛ ne, na mɔɔ bɛkɛze kɛ bɛkɔ bɛ nyunlu la ɛnee melɛsɛkye bɛ kpɔvolɛma ne meamaa bɛ.

Dwɔhyua Buluku ne 24:8 ပူးပေါင်းရင်းမြစ်များ

Nihɛmaya Buluku ne 9:22

“Ɛmanle bɛlile maanle maanle mɔɔ nee bɛ bɔ ɛweɛne la anwo zo konim, na ɛhyɛle bɛ azɛlɛ ne mɔ ɛmanle bɛ. Bɛhonle bɛvale Hɛhyebɔn azɛlɛ ne mɔɔ Saehɔn di zo belemgbunli la, yɛɛ Beehyan maanle ne mɔɔ Ɔɔgo di nu belemgbunli la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:23

Saa me soanvolɛ ne di bɛ nyunlu nee bɛ kɔ Amɔlema, Hɛtema, Pɛlɛzema, Keenama, Haevaema, nee Gyibɛsema maanle nu na mebɔ bɛ bo zo bɔkɔɔ a,

Emɔzo Buluku ne 2:10

Eza menyele bɛ menvile Yigyibiti azɛlɛ zo, na menlile bɛ nyunlu wɔ fienemgbole ne anu toonwo ɛvolɛ abulanla, na menvale Amɔlema azɛlɛ ne memanle bɛ, memanle bɛvale bɛyɛle bɛ ti anwo ɛdeɛ.

Emɔzo Buluku ne 2:9

“Noko bɛmɛ bɛ ti, menzɛkyele Amɔlema, mɔɔ bɛ ndendenle le kɛ sida mbaka na bɛ anwosesebɛ le kɛ oku mbaka la bɔkɔɔ membɔle bɛ bo zo.

Mɛla 2:32

Belemgbunli Saehɔn vale ye ɛlɔnema rale kɛ bɛbazi yɛ aze, na bɛ nee ye bɔle ye zo wɔ Gyeehaze.

Dwɔhyua Buluku ne 13:10

Ɔkɔ toonwo ɔkɔdwu Amɔnoma ɛweɛne zo yɛɛ azuamgbole mɔɔ Amɔle belemgbunli Saehɔn ziele bɛ la. Belemgbunli zɔhane dɛnlanle Hɛhyebɔn.