Dwɔhyua Buluku ne 24:32 - BAEBOLO ANZƐƐ BULUKU NWUANZANWUANZA

³² Yizilayɛma vale Dwosefi mbowule vile Yigyibiti rale, na bɛraziele ye wɔ Hyikɛm wɔ azɛlɛ ne mɔɔ Gyekɔbo dɔle wɔ Heemɔ amra mrenya ne mɔ lɔ la azo. Heemɔ le Hyikɛm ɔ ze, na bɛdɔle azɛlɛ ne dwɛtɛ fufule ɛya. Azɛlɛ zɔhane, Dwosefi abo zo amra a vale a.

Dwɔhyua Buluku ne 24:32 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 33:19

Ɔdɔle azɛlɛ ne mɔɔ ɔdɛnlanle zolɛ la dwɛtɛ fufule ɛya ko ɔvile Hyikɛm ɔ ze Heemɔ abo zo amra ne mɔ lɔ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:22

Yeanga ye zɔhane, meva Hyikɛm azɛlɛ ne mɔɔ kye aleɛ, mɔɔ menvale dadeɛ nee ɛda menliele menvile Amɔlema asa anu la memaa wɔ. Meanva meammaa ɛ mediema ne mɔ biala. Medame me anwosesebɛ yɛɛ menvale me nee Amɔlema honle mɔɔ menliele azɛlɛ ne a.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 50:24

Na Dwosefi zele ɔ mediema ne mɔ kɛ, “Ɔka ekyii mewu; Nyamenle banlea bɛ na yeaye bɛ yeavi azɛlɛ ɛhye azo yeahɔ azɛlɛ ne mɔɔ ɔhanle ndane ɔhilele bɛ ze mɔ Ebileham, Ayezeke nee Gyekɔbo kɛ ɔbava yeamaa bɛ la azo.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 50:25

Na Dwosefi manle ɔ mediema ne mɔ bɔle ɛwɔkɛ na ɔzele kɛ, “Bɛbɔ me ɛwɔkɛ kɛ, saa Nyamenle baye bɛ fi azɛlɛ ɛhye azo kɛ ɔ nee bɛ kɔ a, bɛkɛva me mbowule bɛkɛhɔ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:19

Na Mosisi zale Dwosefi mbowule ne hɔle, ɔluakɛ ɛnee Dwosefi ɛha ndane ɛdo Yizilayɛma anwo na yeze bɛ kɛ, “Nyamenle baralie bɛ, na saa bɛlɛkɔ a bɛmmagyakyi me mbowule ne ɛke.”

Dw 4:5

Ɔradwule Samɛlea sua bie mɔɔ bɛfɛlɛ ye Saekaa la azo. Ɛkɛ ne nee ɛleka mɔɔ Gyekɔbo vale ye azɛlɛ ne manle ɔ ra Dwosefi la anwa biala.

Ɛzoanvolɛma Gyima ne 7:15

Yemɔti Gyekɔbo hɔle Yigyibiti, na ɛkɛ ne yɛɛ ɔwule na yɛ nlenya mɔ noko wule a.

Ɛzoanvolɛma Gyima ne 7:16

Bɛdule bɛ avunli ne mɔ bɛrale Hyikɛm na bɛziele bɛ wɔ sɛka ne mɔɔ Ebileham dɔle vile Heemɔ abusua ne lɔ la anu.

Kɛlata mɔɔ bɛhɛlɛle bɛhɔmanle Hibuluma la 11:22

Diedi yɛɛ manle Dwosefi, mekɛ mɔɔ ɛnee ɔla ewule ɛkpa zo la, hanle kɛ Nyamenle baye Yizilayɛma avi Yigyibiti, na ɔhilele kɛ bɛzi bɛyɛ ye mbowule ne mɔ la a.