Dwɔhyua Buluku ne 24:31 - BAEBOLO ANZƐƐ BULUKU NWUANZANWUANZA

³¹ Mɔɔ ɛnee Dwɔhyua de aze la, Yizilayɛma zonlenle Ɛdɛnkɛma, ye ewule ne anzi, mɔɔ ɛnee mgbanyinli ne mɔ mɔɔ nwunle debie biala mɔɔ Ɛdɛnkɛma yɛle manle Yizilayɛma la de aze la, menli ne hɔle zolɛ zonlenle Ɛdɛnkɛma.

Dwɔhyua Buluku ne 24:31 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 14:10

Sedem Bɔnza ne anu le bilewu ahuma ngome, yemɔti mɔɔ Sodɔm nee Gomɔla arelemgbunli nriandi ahɔ la, bɛhɔfolofolole ahuma ne bie mɔ anu, na arelemgbunli mɔɔ hale la nriandile hɔle awoka ne mɔ azo.

2 Edk 24:2

Dwowahye yɛle mɔɔ sɔ Ɛdɛnkɛma anye la wɔ mekɛ mɔɔ sɛlɛvolɛ Gyɛhɔyada de aze la.

2 Edk 34:33

Na Dwosaya yeyele munzule ninyɛne ne mɔ mɔɔ wɔ Yizilayɛ maanle ne anu la amuala guale, na ɔmanle menli ne zonlenle Ɛdɛnkɛma, bɛ Nyamenle ne. Wɔ ye mekɛ zo amuala menli ne angakyi bɛ nzi anzi bɛ ze mɔ Ɛdɛnkɛma Nyamenle ne, na bɛhɔle zolɛ bɛzonlenle ye dahuu.

Ɛzoanvolɛma Gyima ne 20:29

Meze kɛ saa mekɔ a, bɛdi anwo ɛzulolɛ baragua mboane ne mɔ avinli, na bɛnrɛze bɛ anwunvɔne fee.

Mɛla 11:2

Ɛnɛ kenle ye, bɛdwenledwenle mɔɔ bɛdabɛ bɛnwu ye wɔ Ɛdɛnkɛma bɛ Nyamenle ne anwo la anwo. Tɛ bɛ mra yɛɛ nwunle mɔɔ bɛnwu ye la a. Bɛdabɛ bɛ nye dua debie biala. Bɛnwunle ye bedevinli ne, ye tumi kpole ne, ye anwosesebɛ ne,

Mɛla 11:7

Bɛdabɛ bɛ nye ɛnwu ninyɛne mgbole mɔɔ Ɛdɛnkɛma yɛle la amuala.

Mɛla 31:13

Bɛyɛ ye zɔhane, amaa bɛ mra mɔɔ ɛnze la ade na bɛazulo Ɛdɛnkɛma bɛ Nyamenle ne, wɔ mekɛ tendenle biala mɔɔ bɛde ngoane nu wɔ azɛlɛ ne mɔɔ bɛlɛpɛ Dwɔdan ne bɛahɔva la azo la.”

Mɛla 31:29

Ɔluakɛ meze kɛ mewu a bɛbade atua na bɛahwe bɛ nwo bɛavi adenle ne mɔɔ mese bɛlua zolɛ la azo. Mekɛ zɔhane anu, kɛmɔ bɛbayɛ ɛtane bɛatia Ɛdɛnkɛma na bɛava bɛ sa anloa gyima bɛaha ye ɛya la ati, munzule bazi bɛ nwo zo.”

Pɔɔlo Kɛlata mɔɔ ɔhɛlɛle ɔhɔmanle Felepaema la 2:12

Zɔhane ati ayi mɔ, kɛmɔ bɛlile me edwɛkɛ zo wɔ mekɛ mɔɔ ɛnee me nee bɛ de la, ɔhyia ɛsesebɛ kɛ akee bɛkɛyɛ ye zɔhane kɛkala mɔɔ me nee bɛ ɛnde la. Bɛva ɛzulolɛ nee anwowozolɛ bɛli bɛ ngoanelielɛ ne anwo gyima bɛhɔ awieleɛ,

Maanlebuvolɛma Buluku ne 2:10

Na awolɛndoazo zɔhane anu amra amuala wule, na awolɛndoazo fofolɛ mɔɔ ɛnze Ɛdɛnkɛma anzɛɛ ɛnze gyima mɔɔ Ɛdɛnkɛma ɛli ɛmaa Yizilayɛma la dwazole.

Maanlebuvolɛma Buluku ne 2:6

Dwɔhyua manle menli ne mɔ hɔle la, Yizilayɛnli biala ziale hɔvale ye azɛlɛ ɛdeɛ ne mɔɔ le ye agyadeɛ la.

Maanlebuvolɛma Buluku ne 2:7

Wɔ Dwɔhyua mekɛ zo menli ne zonlenle Ɛdɛnkɛma, yɛɛ ye ewule ne anzi bɛhɔle zolɛ bɛzonlenle Ɛdɛnkɛma wɔ mekɛ mɔɔ mgbanyima mɔɔ Dwɔhyua wule gyakyile bɛ la de aze la, ɔluakɛ bɛ muala bɛnwunle gyima kpole mɔɔ Ɛdɛnkɛma ɛli ɛmaa Yizilayɛma la.