Dwɔhyua Buluku ne 24:25 - BAEBOLO ANZƐƐ BULUKU NWUANZANWUANZA

²⁵ Kenle ko ne Dwɔhyua nee menli ne yɛle ngyehyɛlɛ wɔ Hyikɛm na ɔvale mɛla ɔmanle bɛ kɛ bɛli zolɛ.

Dwɔhyua Buluku ne 24:25 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:4

Yemɔti bɛyeyele bɛ mmonle mɔɔ bɛlɛ nee bɛ nzo nu asomadeɛ ne mɔ amuala bɛmanle Gyekɔbo. Na Gyekɔbo vunle bɛ wulale oku baka kpole ne mɔɔ wɔ Hyikɛm kandiba la abo.

2 Arl 11:17

Sɛlɛvolɛ Gyɛhɔyada manle Belemgbunli Dwowahye nee menli ne nee Ɛdɛnkɛma yɛle ngyehyɛlɛ na bɛkyekyele ɔ bo kɛ bɛkɛyɛ Ɛdɛnkɛma ɔdaye ye menli. Eza ɔmanle belemgbunli nee menli ne yɛle ngyekyeleɛ.

2 Edk 15:12

Na bɛyɛle ngyehyɛlɛ kɛ bɛfa bɛ ahonle nee bɛ ɛkɛla muala bɛazonle Ɛdɛnkɛma, bɛ ze mɔ Nyamenle ne.

2 Edk 15:15

na Dwudama amuala anye liele kpole wɔ ɛhye anwo. Ɔluakɛ bɛvale bɛ ahonle muala a bɛhanle ndane bɛlile amonle ne a. Bɛvale bɛ ɛhulolɛ kɔsɔɔti bɛzonlenle Ɛdɛnkɛma, na Ɛdɛnkɛma liele bɛ dole nu na ɔmanle bɛ nzo nu dwole bɛ wɔ adenle biala anu.

2 Edk 23:16

Akee sɛlɛvolɛ Gyɛhɔyada nee belemgbunli ne yɛɛ menli ne amuala yɛle ngyehyɛlɛ na bɛhyele ɔ bo kɛ Ɛdɛnkɛma ala a bɛkɛzonle ye a.

2 Edk 29:10

“Kɛkala, mebɔ kpɔkɛ kɛ me nee Ɛdɛnkɛma, Yizilayɛ Nyamenle ne yɛyɛ ngyekyeleɛ, amaa yeaye ye ɛya kpole ne yɛ nwo zo.

Nihɛmaya Buluku ne 9:38

Ɔlua ninyɛne ɛhye mɔ kɔsɔɔti mɔɔ ɛsisi la ati, yɛdayɛ Yizilayɛma, yɛyɛ ngyehyɛlɛ ɛhye, na yɛ mgbanyima, yɛ Livaema nee yɛ sɛlɛvolɛma ava bɛ sa awula ɔ bo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:25

Mosisi zɛlɛle Ɛdɛnkɛma, na Ɛdɛnkɛma hilele ye baka bie, ɔvuandinle baka ne ɔdole nzule ne anu, na nzule ne yɛle nzukpa. Ɛdɛnkɛma manle bɛ mɛla nee ngyehyɛlɛ na ɔzɔle bɛ ɔnleanle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:3

Mosisi rahanle mɔɔ Ɛdɛnkɛma hanle la amuala nee nwolɛ mɛla ne amuala hilele menli ne. Menli ne mɔ kɔsɔɔti bɔle nu hanle kɛ, “Edwɛkɛ biala mɔɔ Ɛdɛnkɛma ɛha la, yɛbali zolɛ.”

Mɛla 29:1

Edwɛkɛ agbɔkɛ mɔɔ wɔ ngyekyeleɛ ne mɔɔ Ɛdɛnkɛma manle Mosisi nee Yizilayɛma yɛle la anu la ɛne: Bɛyɛle ngyekyeleɛ ɛhye wɔ Mowabe azɛlɛ zo, yɛɛ asolo mɔɔ Ɛdɛnkɛma nee bɛ yɛle wɔ Saenae Boka la.

Dwɔhyua Buluku ne 24:1

Dwɔhyua manle Yizilayɛ mbusua ekpunli ekpunli ne mɔ amuala yiale Hyikɛm. Ɔvɛlɛle mgbanyima ne mɔ, mbusua mgbanyinli nee, ndɛnebuavolɛma ne mɔ, yɛɛ Yizilayɛ mbɔlɔba kɔsɔɔti ɔmanle bɛrayiale Nyamenle duma nu wɔ Hyikɛm.

Dwɔhyua Buluku ne 24:26

Dwɔhyua hɛlɛle mɛla ne mɔ wɔ Nyamenle Mɛla Buluku ne anu. Akee ɔvale bolɛ ko ɔdole oku baka kpole ne mɔɔ gyi Ɛdɛnkɛma Ɛleka Nwuanzanwuanza ne la abo,