Dwɔhyua Buluku ne 24:23 - BAEBOLO ANZƐƐ BULUKU NWUANZANWUANZA

²³ Dwɔhyua zele bɛ kɛ, “Ɛnee bɛvuandi awozonle ne mɔ mɔɔ bɛlɛ la bɛgua, na bɛvua bɛhile Ɛdɛnkɛma, Yizilayɛ Nyamenle ne kɛ bɛbali nɔhalɛ bɛamaa ye.”

Dwɔhyua Buluku ne 24:23 ပူးပေါင်းရင်းမြစ်များ

1 Arl 8:57

Ɛdɛnkɛma yɛ Nyamenle ne nee yɛ ɛlua, kɛmɔ ɔ nee yɛ ze mɔ luale la; ɔmmagyakyi yɛ yɛɛ ɔmmakpo yɛ.

1 Arl 8:58

Ɔboa yɛ ɔmaa yɛyɛ tieyɛ yɛmaa ye, amaa dahuu yɛayɛ ye ɛhulolɛdeɛ na yɛali ye mɛla nee ye ngilehilelɛ mɔɔ ɔvale ɔmanle yɛ ze mɔ la azo.

Edwɛndolɛ Buluku ne 119:36

Maa me ahonle ɛbikye wɔ ngyehyɛlɛ ne mɔ ɛdɛla kɛ menwɔnyia me nwo.

Edwɛndolɛ Buluku ne 141:4

Mmamaa me nye die ɛtane nwo, na mepele amumuyɛ ɛyɛlɛ nwo. Mmamaa me nee nindavoma tu, yɛɛ mmamaa me nee bɛ to ɛsalɛ ɛyɛba ko anu.

Edwɛndolɛ Buluku ne 81:10

Medame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo rale la. Bɛbuke bɛ nloa kpalɛ, na menwɔmaa bɛ aleɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:23

Bɛmmafa dwɛtɛ fufule bɛyɛ awozonle bɛboka me nwo, anzɛɛ bɛmmafa ezukoa nvutuke bɛyɛ awozonle bɛmaa bɛ nwo.

Mrɛlɛbulɛ Buluku ne 2:2

ɛyɛ ɛnzonlɛ ɛtie nrɛlɛbɛ edwɛkɛ, na ɛfa wɔ adwenle ɛsie ndelebɛbo zo;

Hozia Buluku ne 14:8

O Yifelaem, duzu a me nee mmonle lɛ yɛ a? Medame a mebua bɛ nzɛlɛlɛ nwo, menea bɛ nwo zo a. Mele kɛ sepelɛse baka dokodoko, medame a memaa bɛso ma a.”

Dwɔhyua Buluku ne 24:14

Dwɔhyua vale zɔle zolɛ kɛ, “Ye zɔhane ati bɛli Ɛdɛnkɛma eni na bɛzonle ye nɔhalɛ nu. Awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea nee Yigyibiti la, bɛgua bɛ lɔ na bɛzonle Ɛdɛnkɛma angomekye.